भारतात येणार 3 नवीन लग्झरी कार ब्रँड्स! टाटाच्या अविन्यापासून जेनेसिसपर्यंत मोठी तयारी

भारतात आता लग्झरी कारच्या मार्केटमध्ये मोठी एंट्री होणार आहे! बीवायडीचा डेन्झा, टाटा मोटर्सचा अविन्या आणि ह्युंदाईचा जेनेसिस हे 3 ब्रँड्स 2027 पर्यंत भारतीय कस्टमरसमोर नवे ऑप्शन आणू शकतात.

• डेन्झा ब्रँड भारतात डी9 एमपीव्ही आणि झेड9 शूटिंग ब्रेकसह प्रवेश करण्याच्या तयारीत आहे.
• टाटा अविन्याची पहिली प्रीमियम इलेक्ट्रिक एसयूव्ही 2027 मध्ये येण्याची शक्यता असून किंमत 30 ते 35 लाख रुपये असू शकते.
• ह्युंदाईचा जेनेसिस ब्रँड 2027 मध्ये भारतात दाखल होऊन जीव्ही80सारख्या लग्झरी एसयूव्ही सादर करू शकतो.

भारतात प्रीमियम आणि लग्झरी कारचे मार्केट वेगाने वाढत आहे. याच पार्श्वभूमीवर 2027 च्या अखेरपर्यंत 3 नवीन कार ब्रँड्स भारतात प्रवेश करण्याची शक्यता आहे. यामध्ये बीवायडीचा प्रीमियम ब्रँड डेन्झा, टाटा मोटर्सचा अविन्या आणि ह्युंदाईचा लग्झरी ब्रँड जेनेसिस यांचा समावेश आहे. या ब्रँड्समुळे भारतीय कस्टमरना आलिशान इलेक्ट्रिक कार आणि प्रीमियम एसयूव्हीचे नवे ऑप्शन मिळू शकतात.

1.डेन्झा

चीनची बीवायडी कंपनी आपल्या प्रीमियम डेन्झा ब्रँडसह 2026 मध्ये भारतीय मार्केटमध्ये प्रवेश करण्याच्या तयारीत आहे. या ब्रँडच्या पोर्टफोलिओमध्ये डी9 एमपीव्ही आणि झेड9 शूटिंग ब्रेक यांसारख्या गाड्यांचा समावेश आहे. डी9 ही आलिशान एमपीव्ही असून तिची स्पर्धा एमजी एम9सारख्या मॉडेलशी होऊ शकते. झेड9मध्ये स्पोर्टी डिझाइन आणि प्रीमियम फीचर्सवर भर देण्यात आला आहे. डेन्झा एन8, एन8एल आणि एन9 या मोठ्या एसयूव्हीही विकते. याशिवाय झेड नावाची इलेक्ट्रिक स्पोर्ट्स कारही कंपनीने सादर केली आहे. भारतात सुरुवातीला डी9 आणि झेड9 येण्याची अपेक्षा आहे. पण या गाड्या पूर्ण इलेक्ट्रिक असतील की प्लग-इन हायब्रिड, याबाबत अद्याप स्पष्ट माहिती नाही.

MG हेक्टर टोमाहॉक ईव्हीची खरी रेंज किती? टेस्टमध्ये एका चार्जवर धावली 446 किमी! जाणून घ्या डिटेल मध्ये

2.टाटा अविन्या

टाटा मोटर्सने अविन्या हा स्वतंत्र प्रीमियम इलेक्ट्रिक कार ब्रँड विकसित करण्याची योजना आखली आहे. या ब्रँडची पहिली इलेक्ट्रिक कार 2027 च्या दुसऱ्या सहामाहीत सादर होण्याची शक्यता आहे. पहिली गाडी आल्यानंतर पुढील 1 ते 2 वर्षांत दुसरे मॉडेलही येऊ शकते. कंपनीच्या नियोजनानुसार मार्च 2031 पर्यंत टाटा.ईव्ही आणि अविन्या या ब्रँड्सअंतर्गत एकूण 10 इलेक्ट्रिक मॉडेल्स आणण्याचे उद्दिष्ट आहे. अविन्याची पहिली कार सी- किंवा डी-सेगमेंटमधील इलेक्ट्रिक एसयूव्ही असू शकते. तिची संभाव्य एक्स-शोरूम किंमत 30 ते 35 लाख रुपये असण्याचा अंदाज आहे. नव्या मल्टी-एनर्जी प्लॅटफॉर्मवर आधारित या कारमध्ये प्रीमियम डिझाइन, आधुनिक टेक्नोलॉजी आणि आरामदायी केबिनला महत्त्व मिळू शकते.

न्यू रेनॉल्ट डस्टर स्ट्रॉन्ग हायब्रिड देणार तब्बल २९ किमी प्रति लीटरचे मायलेज! मिळाले ARAI-सर्टिफिकेशन !

3.जेनेसिस

ह्युंदाईचा लग्झरी ब्रँड जेनेसिस 2027 च्या दुसऱ्या सहामाहीत भारतात दाखल होण्याची शक्यता आहे. 2015 मध्ये स्थापन झालेल्या या ब्रँडकडे जी70, जी80, जी90, जीव्ही60, जीव्ही70 आणि जीव्ही80सह अनेक मॉडेल्स आहेत. यापैकी जीव्ही80 ही बीएमडब्ल्यू एक्स5ला टक्कर देऊ शकणारी प्रीमियम एसयूव्ही आहे, तर जीव्ही80 कूपे स्पोर्टी लूकसह येते. या गाड्या भारतात सुरुवातीच्या मॉडेल्सपैकी असू शकतात. कंपनी आयात केलेल्या पार्ट्सचे भारतात असेंब्ली करून किंमत स्पर्धात्मक ठेवण्याचा प्रयत्न करू शकते. त्यामुळे येत्या काळात भारतीय लग्झरी कार मार्केटमध्ये स्पर्धा वाढण्याची शक्यता आहे.