या सप्टेंबरमध्ये टोयोटाने विकल्या 28,218 कार! 9 महिन्यांच्या विक्रीत 8% वाढ

टोयोटाने सप्टेंबरमध्ये 28,218 वाहनांची विक्री केली असून जानेवारी-सप्टेंबरची एकूण विक्री 2,94,914 युनिट्सवर पोहोचली आहे. विशेष म्हणजे कंपनी आता 2026 मध्ये 3 लाख वाहनांच्या विक्रीचा टप्पा गाठण्याच्या अगदी जवळ आहे.

• सप्टेंबरमध्ये टोयोटाने भारतात 25,027 आणि परदेशात 3,191 वाहनांची विक्री केली.
• जानेवारी-सप्टेंबर 2026 दरम्यान टोयोटाच्या एकूण विक्रीत 8% वार्षिक वाढ नोंदवली.
• टोयोटाची 9 महिन्यांची विक्री आता 3 लाख वाहनांच्या महत्त्वाच्या टप्प्याच्या जवळ पोहोचली आहे.

Toyota Kirloskar Motorने सप्टेंबर 2026 मध्ये एकूण 28,218 वाहनांची विक्री नोंदवली आहे. यामध्ये भारतातील 25,027 युनिट्स आणि 3,191 एक्सपोर्ट युनिट्सचा समावेश आहे. कंपनीसाठी यंदाच्या पहिल्या 9 महिन्यांतील कामगिरीही महत्त्वाची ठरली असून जानेवारी ते सप्टेंबरदरम्यान एकूण सेल 2,94,914 युनिट्सवर पोहोचली आहे.

देशातील विक्रीचाही मोठा वाटा

टोयोटाच्या यंदाच्या एकूण विक्रीवाढीमध्ये देशांतर्गत मार्केटचा मोठा वाटा राहिला आहे. जानेवारी ते सप्टेंबर दरम्यान कंपनीने भारतात 2,69,619 वाहनांची विक्री केली. मागच्या वर्षी याच कालावधीत हा आकडा 2,47,081 युनिट्स होता. म्हणजेच देशांतर्गत विक्रीत 9% वाढ झाली आहे. दुसरीकडे, 9 महिन्यांत 25,295 वाहनांचा एक्सपोर्ट करण्यात आला, जो मागच्या वर्षीच्या 25,743 युनिट्सपेक्षा 2% कमी आहे.

सप्टेंबरमध्ये कियाच्या गाड्यांची रेकॉर्डब्रेक विक्री! 32,017 युनिट्स विकून केला राडा

SUV आणि MPV मॉडेल्सवर फोकस

टोयोटाच्या भारतीय पोर्टफोलिओमध्ये SUV आणि MPV मॉडेल्सना मोठे महत्त्व आहे. इनोव्हा हायक्रॉस, इनोव्हा क्रिस्टा, फॉर्च्युनर आणि लिजेंडरचे भारतात प्रोडक्शन केले जाते. कॅमरी हायब्रिड, अर्बन क्रूझर हायरायडर आणि हिलक्स यांचाही कंपनीच्या लाइनअपमध्ये समावेश आहे. याशिवाय ग्लान्झा, रुमियन आणि अर्बन क्रूझर टायसर हे मॉडेल्सही कस्टमर्ससाठी अव्हेलेबल आहेत.

नवीन अपडेट्समुळे विक्रीला मिळणार बूस्ट?

टोयोटाच्या पोर्टफोलिओमध्ये लवकरच काही महत्त्वाचे अपडेट्स पाहायला मिळू शकतात. ग्लान्झा फेसलिफ्ट ऑक्टोबरमध्ये येण्याची शक्यता आहे, तर इनोव्हा हायक्रॉस फेसलिफ्ट 2027च्या सुरुवातीला येऊ शकते. हायक्रॉसच्या अपडेटेड व्हर्जनमध्ये सध्याचे पेट्रोल आणि स्ट्रॉंग हायब्रिड पॉवरट्रेन कायम राहण्याची शक्यता आहे.

सप्टेंबरमध्ये निसानच्या गाड्यांची विक्री दुप्पट! रेनॉल्टच्या 3,399 युनिट्सची विक्री

3 लाखांचा टप्पा गाठण्याच्या जवळ

टोयोटाच्या बिदाडी, कर्नाटक येथे 2 प्रोडक्शन प्लांट आहेत. दोन्ही प्लांटची एकत्रित वार्षिक प्रोडक्शन कॅपसिटी 3.42 लाख युनिट्सपर्यंत आहे. जानेवारी-सप्टेंबरमध्ये जवळपास 2.95 लाख वाहनांची विक्री झाल्याने कंपनी 2026 मध्ये 3 लाख युनिट्सच्या टप्प्याच्या अगदी जवळ पोहोचली आहे. आता वर्षाच्या शेवटच्या 3 महिन्यांत टोयोटाची विक्री हा टप्पा पार करते का, याकडे ऑटो मार्केटचे लक्ष असेल.