Triumph Bonneville 400 भारतात लवकरच होणार दाखल! क्लासिक 350 ला देणार टक्कर; पाहा हे स्पाय फोटोज

ट्रायम्फ बोनेव्हिल 400च्या नव्या स्पाय शॉट्सने लॉन्चची उत्सुकता वाढवली आहे. क्लासिक लूक, 349cc इंजिन आणि रॉयल एनफिल्ड क्लासिक 350ला टक्कर देण्याची तयारी पाहता ही बाईक चर्चेत आली आहे.

• ट्रायम्फ बोनेव्हिल 400चे प्रॉडक्शन-रेडी टेस्टिंग सुरू असून भारतातील लॉन्च लवकर होण्याची शक्यता आहे.
• नवीन चेसिस, फ्लॅट सीट आणि रेट्रो डिझाइनमुळे बोनेव्हिल 400ला वेगळी ओळख मिळणार आहे.
• 349cc इंजिनमधून 36.5 bhp पॉवर आणि 32 Nm टॉर्क मिळणार असून क्लासिक 350शी स्पर्धा होईल.

ट्रायम्फ बोनेव्हिल 400 ही नवीन क्लासिक मोटरसायकल भारतीय मार्केटमध्ये दाखल होण्यासाठी जवळपास सज्ज झाली आहे. लॉन्चपूर्वी या बाईकचे पुन्हा एकदा स्पाय शॉट्स समोर आले असून, यावेळी ती जवळपास प्रॉडक्शन-रेडी अवस्थेत दिसत आहे. त्यामुळे कंपनी लवकरच ऑफीशल लॉन्चची घोषणा करू शकते. भारतात ही बाईक रॉयल एनफिल्ड क्लासिक 350 सारख्या लोकप्रिय मॉडेलला थेट टक्कर देणार आहे.

ट्रायम्फच्या 400cc पोर्टफोलिओमध्ये नवी भर

बोनेव्हिल 400 ही ट्रायम्फच्या 400cc कुटुंबातील 7वी मोटरसायकल ठरणार आहे. स्पीड टी4, स्पीड 400, स्क्रॅम्बलर 400X, स्क्रॅम्बलर 400 XC, थ्रक्स्टन 400 आणि ट्रॅकर 400नंतर कंपनीकडून हे नवीन मॉडेल आणले जात आहे. या बाईकसाठी नवीन चेसिस, स्विंगआर्म आणि रिअर सबफ्रेम तयार करण्यात आले आहेत. फ्लॅट बेंच-टाइप सीटमुळे तिचा मागचा भाग इतर 400cc मॉडेलपेक्षा वेगळा दिसतो.

7,000 रुपयांपर्यंत स्वस्त झाल्या Triumph च्या बाइक्स! वाचा आणि फटाफट घेऊन टाका स्वस्तात मस्त! जाणून घ्या किंमती

रेट्रो डिझाइनला क्रोमचा टच

बोनेव्हिल 400च्या डिझाइनमध्ये मोठ्या 900cc आणि 1200cc बोनेव्हिल मॉडेल्सची स्पष्ट झलक पाहायला मिळते. मोठा फ्युल टँक, गोलाकार साइड पॅनेल्स, जाड फेंडर्स आणि वायर-स्पोक व्हील्समुळे बाईकला खास क्लासिक लूक मिळतो. पीशूटर एक्झॉस्ट, इंजिन क्रॅंककेस कव्हर्स आणि रिअर ग्रॅब रेल्सवरील क्रोम फिनिश तिचा रेट्रो लूक आणखी उठावदार करते.

आधुनिक फीचर्सपेक्षा क्लासिक सेटअपवर भर

बाईकमध्ये गोलाकार एलईडी हेडलॅम्प, टिअरड्रॉप आकाराचा फ्युल टँक आणि लोअर हँडलबार देण्यात आला आहे. स्पीड 400च्या यूएसडी फोर्क्सऐवजी बोनेव्हिल 400मध्ये टेलिस्कोपिक फ्रंट फोर्क्स आणि मागे ट्विन-शॉक सस्पेन्शन मिळणार आहे. दोन्ही बाजूंना डिस्क ब्रेकसोबत ड्युअल-चॅनेल एबीएसही मिळेल.

2027 Kawasaki Versys 650 VS Triumph Tiger Sport 660: मिड-साईज ॲडव्हेंचर टूररमध्ये कोणती बाईक खरेदी करणे फायद्याचे ठरेल?

349cc इंजिनची ताकद

भारतासाठी बोनेव्हिल 400मध्ये 349cc सिंगल-सिलिंडर, लिक्विड-कूल्ड इंजिन दिले जाण्याची शक्यता आहे. हे इंजिन 36.5 bhp पॉवर आणि 32 Nm टॉर्क तयार करते. त्यामुळे क्लासिक लूकसोबत दमदार कामगिरीचे कॉम्बिनेशन ग्राहकांना मिळू शकते. लॉन्चची अधिकृत तारीख आणि किंमत समोर आल्यानंतर या नव्या ट्रायम्फची स्पर्धा आणखी स्पष्ट होईल.