ह्युंदाई कार इन्शुरन्समध्ये 15% पर्यंत बचत! Bluelink ड्रायव्हिंग स्कोअरवर मिळणार इन्शुरन्स डिस्काउंट

ह्युंदाई Bluelink Usage-Based Insurance सुविधेत चांगल्या ड्रायव्हिंग सवयींमुळे इन्शुरन्सच्या Own-Damage प्रीमियमवर 15% पर्यंत बचत होऊ शकते. 3 महिन्यांचा ड्रायव्हिंग स्कोअर, 70 गुणांची पात्रता आणि कस्टमरची संमती यावर ही सुविधा अवलंबून आहे. तुमच्या कारचा स्कोअरही इन्शुरन्स खर्च कमी करू शकतो!

• ह्युंदाई Bluelink Usage-Based Insurance सुविधेत पात्र कस्टमर्सना Own-Damage इन्शुरन्स प्रीमियमवर 15% पर्यंत बचत होऊ शकते.
• मागच्या 3 महिन्यांच्या ड्रायव्हिंग वर्तनावर आधारित स्कोअर 70 किंवा जास्त असल्यास सवलतीची पात्रता मिळू शकते.
• Bluelink अ‍ॅपमधील स्कोअर कस्टमरच्या संमतीनंतर इन्शुरन्स कंपन्यांसोबत शेअर केला जाईल.

ह्युंदाई मोटर इंडिया ने Hyundai Bluelink Usage-Based Insurance ही नवीन सुविधा सुरू केली आहे. या उपक्रमातून पात्र ह्युंदाई कस्टमर्सना कार चालवण्याच्या सवयींनुसार मोटर इन्शुरन्सच्या Own-Damage प्रीमियमवर 15% पर्यंत बचत करता येऊ शकते. 5 नोव्हेंबर 2026 रोजी जाहीर झालेल्या या सुविधेचा लाभ Bluelink कनेक्टिव्हिटी असलेल्या निवडक गाड्यांच्या इन्शुरन्स रिन्यूअलवेळी घेता येईल. पण ही सवलत संपूर्ण इन्शुरन्स बिलावर नसून फक्त Own-Damage प्रीमियमच्या भागावर लागू होते.

इन्शुरन्समध्ये बचत कशी होणार?

या सुविधेत गाडीच्या मागच्या 3 महिन्यांतील ड्रायव्हिंग वर्तनाचा अभ्यास केला जातो. वेगाने अ‍ॅक्सिलरेशन करणे, अचानक ब्रेक लावणे, वेग नियंत्रण, अचानक गाडीचा वेग कमी करणे आणि इंजिन सुरू ठेवून गाडी थांबवणे अशा सवयींचा ड्रायव्हिंग स्कोअरवर परिणाम होतो. Bluelink सिस्टीम कारमधून ही माहिती गोळा करते. त्यानंतर सहभागी इन्शुरन्स कंपन्या प्रीमियम ठरवताना या स्कोअरचा विचार करतात.

ह्युंडाई मोटर इंडिया फाऊंडेशनकडून कलाकारांसाठी 60 लाखांचे अनुदान; ‘आर्ट फॉर होप’चा सीझन 6 सुरू

70 किंवा जास्त स्कोअर असणाऱ्यांना फायदा

ड्रायव्हिंग स्कोअरची पात्रता 70 पासून सुरू होते. 70 किंवा त्यापेक्षा जास्त स्कोअर असलेल्या चालकांना सवलत मिळण्याची शक्यता असते. पण प्रत्येकाला 15% डिस्काउंट मिळेलच असे नाही. प्रत्यक्ष सवलत इन्शुरन्स कंपनीचे नियम आणि मूल्यांकन यावर ठरते. स्कोअर कमी असल्यास Bluelink अ‍ॅपमध्ये ड्रायव्हिंग सुधारण्यासाठी पर्सनल सूचना मिळू शकतात. उदाहरणार्थ, Own-Damage प्रीमियम ₹10,000 असल्यास 15% सवलतीमुळे ₹1,500 बचत होऊ शकते. पण थर्ड-पार्टी इन्शुरन्स आणि इतर खर्चांवर ही सवलत लागू होत नाही.

देशात सर्वाधिक विकल्या जाणाऱ्या टॉप 20 कार्सची लिस्ट! मारुती डिझायर नंबर 1, टाटा पंच दुसऱ्या क्रमांकावर

कोणाला सुविधा मिळणार?

Bluelink कनेक्टिव्हिटी असलेल्या पात्र ह्युंदाई गाड्यांचा इन्शुरन्स पुढच्या 90 दिवसांत रिन्यू होणार असल्यास कस्टमर पात्रता तपासू शकतात. स्कोअर पाहिल्यानंतर तो इन्शुरन्स कंपनीसोबत शेअर करण्यासाठी कस्टमरची संमती आवश्यक आहे. Hyundai India Insurance Broking ही मध्यस्थ म्हणून काम करेल.

ह्युंदाईच्या माहितीनुसार, भारतात 8 लाखांपेक्षा जास्त कनेक्टेड कार्स रस्त्यावर आहेत. कंपनीचे लक्ष्य 2027 पर्यंत 10 लाख आणि 2030 पर्यंत 20 लाख कनेक्टेड कार विक्रीचे आहे. इन्शुरन्स निवडताना फक्त डिस्काउंट न पाहता एकूण प्रीमियम, IDV, डिडक्टिबल्स आणि पॉलिसीतील संरक्षण तपासणे गरजेचे आहे.