VinFast Price Hike: VinFast VF 6 आणि VF 7 च्या किमतीत वाढ! १.१३ लाख रुपयांपर्यंत महागल्या या इलेक्ट्रिक कार्स

व्हिएतनामच्या VinFast या दिग्गज ऑटोमोबाईल कंपनीने भारतीय बाजारपेठेत आपल्या VF 6 आणि VF 7 या दोन्ही लोकप्रिय इलेक्ट्रिक SUV कार्सच्या किमतीत तब्बल १.१३ लाख रुपयांपर्यंत मोठी भाववाढ घोषित केली आहे. लाँचिंगनंतरची ही दुसरी भाववाढ असून, या निर्णयामागे नेमकी कोणती महत्त्वाची कारणे आहेत आणि ग्राहकांच्या खिशावर याचा किती परिणाम होणार?

• VinFast VF 6 च्या सर्व व्हेरियंट्समध्ये ९० हजार रुपयांची तर VF 7 मध्ये १.१३ लाखांपर्यंत भाववाढ झाली.
• दोन्ही इलेक्ट्रिक SUV मध्ये ५-स्टार भारत NCAP सुरक्षा रेटिंगसह १२.९-इंच स्क्रीन व प्रगत ADAS फीचर्स मिळतात.
• नवीन किमतींनंतर VF 6 आता १८.१९ लाख तर प्रीमियम VF 7 २२.९९ लाख रुपयांपासून (एक्स-शोरूम) उपलब्ध असेल.

व्हिएतनामी ऑटो कंपनी VinFast ने भारतातील आपल्या दोन्ही लोकप्रिय इलेक्ट्रिक SUV – VF 6 आणि VF 7 च्या किमतीत वाढ केली आहे. कंपनीने VF 6 च्या सर्व व्हेरियंटमध्ये तब्बल ९०,००० रुपयांची एकसमान वाढ केली आहे, तर प्रीमियम VF 7 ची किंमत १.१३ लाख रुपयांपर्यंत वाढली आहे. हे नवीन दर तातडीने लागू करण्यात आले असून, भारतातील लाँचिंगनंतर ही या कार्सची दुसरी भाववाढ ठरली आहे.

VinFast VF 6: नवीन किमती आणि व्हेरियंट्स

भाववाढीनंतर VinFast VF 6 ची नवीन किंमत आता १८.१९ लाख रुपयांपासून २०.०९ लाख रुपयांपर्यंत (एक्स-शोरूम) गेली आहे. ही कार Earth, Wind आणि Wind Infinity अशा तीन व्हेरियंट्समध्ये उपलब्ध आहे.

बॅटरी आणि परफॉर्मन्स: VF 6 मध्ये ५९.६ kWh चा बॅटरी पॅक आणि फ्रंट-माउंटेड इलेक्ट्रिक मोटर मिळून येते.

Skoda New 5 & 7 Seater SUVs: स्कोडाची भारतात मोठी घोषणा; लवकरच लाँच करणार २ मेड-इन-इंडिया इलेक्ट्रिक एसयूव्ही!

पावर: बेस व्हेरियंट Earth १७७ PS ची पावर जनरेट करतो, तर Wind आणि Wind Infinity व्हेरियंट्स २०४ PS ची पावर आणि ३१० Nm चा टॉर्क देतात.

रेंज: Earth व्हेरियंट एका चार्जमध्ये ४६८ किमी, तर Wind आणि Wind Infinity ४६३ किमीची रेंज देतात. ही कार ० ते १०० किमी/तास वेग फक्त ८.९ सेकंदात पकडू शकते.

VinFast VF 7: प्रीमियम व्हेरियंट्स अधिक महाग

VinFast VF 7 च्या किमतीत १.१० लाख रुपये ते १.१३ लाख रुपयांपर्यंत वाढ झाली आहे. आता ही कार २२.९९ लाख रुपये ते २८.०९ लाख रुपयांच्या (एक्स-शोरूम) रेंजमध्ये उपलब्ध असेल. VF 7 ही कार Earth, Wind, Wind Infinity, Sky आणि Sky Infinity या पाच व्हेरियंट्समध्ये सादर केली जाते.

बॅटरी पर्याय आणि पावर: बेस Earth व्हेरियंटमध्ये ५९.६ kWh बॅटरी (१७७ PS/२५० Nm) असून त्याची रेंज ४३८ किमी आहे. Wind आणि Wind Infinity व्हेरियंट्समध्ये ७० kWh ची मोठी बॅटरी (२०४ PS/३१० Nm) मिळते.

नेक्सॉन, ब्रेझाला टक्कर द्यायला येतेय फोक्सवॅगनची नवीन सब- कंपॅक्ट ४ मीटर SUV; कंपनीकडून अधिकृत घोषणा! 2027 मध्ये होणार लाँच!

AWD आणि टॉप परफॉर्मन्स: टॉप व्हेरियंट Sky आणि Sky Infinity मध्ये ऑल-व्हील ड्राइव्ह (AWD) ड्युअल-मोटर सेटअप दिला आहे, जो तब्बल ३५३ PS ची पावर आणि ५०० Nm चा प्रचंड टॉर्क जनरेट करतो. ही व्हर्जन एका चार्जमध्ये ५१० किमीची रेंज देतात आणि ० ते १०० किमी/तास वेग पकडण्यासाठी केवळ ५.८ सेकंद घेतात.

प्रीमियम फीचर्स आणि ५-स्टार सेफ्टी दोन्ही SUV मध्ये १२.९ इंचाची टचस्क्रीन, वायरलेस Apple CarPlay आणि Android Auto, व्हेंटिलेटेड फ्रंट सीट्स, हेड-अप डिस्प्ले, वायरलेस चार्जिंग, OTA अपडेट्स आणि ८-स्पीकर ऑडिओ सिस्टीम यांसारखे प्रगत फीचर्स मिळतात. सुरक्षेसाठी ७ एअरबॅग्ज, ३६०-डिग्री कॅमेरा, ESC, TPMS आणि प्रगत ADAS पॅकेज देण्यात आले आहे. विशेष म्हणजे, दोन्ही मॉडेल्सना भारत NCAP (Bharat NCAP) कडून ५-स्टार सेफ्टी रेटिंग मिळाले आहे.