‘या’ तारखेपासून Volvo च्या Cars महागणार! अचानक का वाढवली किंमत? जाणून घ्या

भारतात आपल्याला अनेक विदेशी ऑटो कंपन्या पाहायला मिळतात. Volvo ही त्यातीलच एक आघाडीची कंपनी. नुकतेच कंपनीने त्यांच्या वाहनांच्या किमतीत वाढ केली आहे.

• Volvo Cars च्या किमती वाढणार
• भारतात Volvo चार प्रमुख मॉडेल्स विकते
• या सर्व मॉडेल्सची किंमत वाढणार

स्वीडनमधील प्रीमियम कार निर्माता Volvo ने भारतीय बाजारात आपल्या सर्व मॉडेल्सच्या किमती वाढवण्याचा निर्णय घेतला आहे. कंपनीने जाहीर केले आहे की, ही वाढ 1 मे 2026 पासून लागू होणार आहे. सध्या भारतात Volvo चार प्रमुख मॉडेल्स विकते, Volvo EX30, EC40, XC60 आणि XC90. या सर्व गाड्यांच्या किमतीत वाढ होणार असल्याने ग्राहकांना आता अधिक पैसे मोजावे लागणार आहेत.

किती वाढणार आहेत दर?

Volvo India च्या माहितीनुसार, नवीन दर लागू झाल्यानंतर गाड्यांच्या किमतीत कमाल 1 लाख रुपयांपर्यंत वाढ होऊ शकते. ही वाढ सर्व मॉडेल्ससाठी समान नसून, कारच्या प्रकार आणि व्हेरिएंटनुसार वेगवेगळी असेल. Volvo EX30 ही कंपनीची भारतातील सर्वात स्वस्त कार असून याची एक्स-शोरूम किंमत सध्या सुमारे 41 लाख रुपये पासून सुरू होते. तर Volvo XC90 ही सर्वात महागडी SUV असून याची किंमत जवळपास 97.8 लाख रुपये (एक्स-शोरूम) पासून सुरू होते. दरवाढीनंतर या किंमती आणखी वाढण्याची शक्यता आहे.

टॅक्स वाढवून देखील Suzuki च्या ‘या’ Bike ला ग्राहकांनी घेतलं डोक्यावर! ठरली नंबर 1 बाईक

दरवाढीमागील कारणे

कंपनीने दिलेल्या माहितीनुसार, जागतिक स्तरावर पुरवठा साखळीत (Supply Chain) येणाऱ्या अडचणी आणि परकीय चलनातील चढ-उतार ही या दरवाढीची प्रमुख कारणे आहेत. विशेषतः Middle East मध्ये सुरू असलेल्या तणावामुळे आंतरराष्ट्रीय व्यापारावर परिणाम झाला आहे. त्यामुळे गाड्या तयार करण्यासाठी लागणाऱ्या कच्च्या मालाच्या किमती वाढल्या आहेत. या वाढलेल्या उत्पादन खर्चाचा परिणाम ग्राहकांवर टाकत Volvo ने हा निर्णय घेतला आहे.

400 किमीची रेंज आणि दमदार फीचर्स! Simple Ultra इलेक्ट्रिक स्कूटर भारतात लाँच, किंमत फक्त…

इतर कंपन्यांचाही तोच निर्णय

फक्त Volvo नव्हे, तर BMW, Audi आणि Mercedes-Benz सारख्या लक्झरी कार उत्पादक कंपन्यांनीही त्यांच्या वाहनांच्या किमती वाढवल्या आहेत. वाढत्या खर्चामुळे संपूर्ण लक्झरी कार सेगमेंटवर याचा परिणाम होताना दिसत आहे.

एकूणच, जागतिक आर्थिक परिस्थिती आणि वाढत्या उत्पादन खर्चामुळे भारतातील लक्झरी कार खरेदी करणे आता अधिक महागडे ठरणार आहे. त्यामुळे ग्राहकांनी गाडी खरेदी करण्याचा निर्णय घेताना या वाढीचा विचार करणे आवश्यक आहे.