Electric Car Tips : EV कारमधील Turtle Mode नेमका काय आहे? बॅटरी संपल्यावरही कशी धावते गाडी?

Electric Car Tips : सध्या पेट्रोल-डिझेलच्या वाढत्या किमती पाहता ग्राहक ईव्ही खरेदी करण्याचा विचार करत आहेत. पण लोकांच्या मनात ईव्ही संबंधित अनेक प्रश्न आहेत. जसे कारची बॅटरी मध्येच संपली तर?...

• EV कारमधील Turtle Mode नेमका काय आहे?
• बॅटरी संपल्यावरही कशी धावते गाडी?
• काय आहे हिडन बफर

What Is Turtle Mode in EV : सध्या जगभरात आणि भारतात पेट्रोल आणि डिझेलच्या किमतींत प्रचंड वाढ होत आहे. यामुळे ग्राहक मोठ्या प्रमाणावर इलेक्ट्रिक वाहनांकडे वळत आहेत. परंतु इलेक्ट्रिक कार किंवा दुचाकी घेताना लोकांना भीती असते, ती म्हणजे कारची बॅटरी मध्येच संपली तर काय होईल? तुमची गाडीच तिथेच थांबणार की अजून थोडी धावणार? आज आपण या प्रश्नाचे उत्तर जाणून घेणार आहोत. याचे उत्तर टर्टल मोड या तंत्रज्ञानात आहे.

हे देखील वाचा : EV Car Features : इलेक्ट्रिक कार चालवताना बॅटरी आपोआप होणार चार्ज? काय आहे ‘हे’ जादुई फिचर?

बॅटरी संपण्यापूर्वी कारकडून इशारा

इलेक्ट्रिक कारची बॅटरी जेव्हा कमी होते त्यावेळी कारचे सॉफ्टवेअर ड्रायव्हरला सतर्क करते. कारमधील स्क्रीनवर लो बॅटरीचा मेसेज येतो किंवा कार बीपचा साऊंड देते. अनेक आधुनिक गाड्या आसपास चार्जिंग स्टेशनचा नकाशाही स्क्रीनवर दाखवतात. याशिवाय कारचे काही फिचर्स बॅटरी कमी होऊ लागल्यावर आपली उर्जा वाचवण्यासाठी काही फिचर्स आपोआप बंद करतात.

काय आहे Turtle Mode ?

अशा वेळी हे टर्टल मोड अत्यंत उपयोगी ठरते. जेव्हा कारची बॅटरी अगदीच कमी झाली असेल तेव्हा कार टर्टल मोडमध्ये प्रवेश करते. या तंत्रज्ञानात स्क्रीनवर तुम्हाला कासवाचे चिन्ह दिसू लागले. ज्याप्रमाणे कासव संथ गतीने चालते, त्याचप्रमाणे तुमच्या कारचा वेग कमी होता. एक्सीलरेशन मर्यादा येतात ज्यामुळे उरलेली बॅटरी वापरुन तुम्ही सुरक्षित ठिकाणी किंवा कार चार्जिंग स्टेशनच्या जवळ पोहचू शकाल.

0% रेंजवरीह धावते ईव्ही?

आणखी एक महत्त्वाची माहिती म्हणजे अनेकदा 0% रेंजवरही ईव्ही कार काही किलोमीटर अंतरापर्यंत धावू शकतात. ऑटो कंपन्यांनी बॅटरीमध्ये एक हिडन बफर तंत्रज्ञान अॅड केले आहे. या तंत्रज्ञानामुळे तुम्ही कार हवामान, रस्ते, आणि ड्रायव्हिंग स्टाईलनुसार साधारण ८ ते २४ किलोमीटर अंतरापर्यंत धावू शकते.

बॅटरी पूर्ण संपल्यावर काय करावे?

आता जर तुम्ही चार्जिंग स्टेशनवर पोहोचण्याआधीच ईव्हीची बॅटरी पूर्णपणे संपली तर कार हळूहळू थांबते. यामुळे कारला साखळीने बांधून नेणे धोकादायक ठरु शकते.  अशी परिस्थितीत इलेक्ट्रिक मोटर खराब होऊ शकते. यामुळे फ्लॅटबेड ट्रक बोलावून कारला उचलून नेणे सुरक्षित ठरेल. यामुळे ईव्ही चालवताना बॅटरी १० टक्क्यांच्या खाली जाण्यापूर्वीच चार्जिंग करणे केव्हाही सुरक्षित ठरेल.

हे देखील वाचा : EV की पेट्रोल कार? ५०० किमी प्रवासासाठी कोणता पर्याय स्वस्त? पाहा खर्चाचे संपूर्ण गणित