Maruti Wagon R CNG साठी 1 लाखाचे डाउन पेमेंट केल्यास भरावा लागेल फक्त ‘एवढाच’ EMI

भारतीय ग्राहकांची आवडती मारुती वॅगन आर खरेदी करण्यासाठी जर एक लाखाचे डाउन पेमेंट केले तर याचा ईएमआय किती असू शकतो त्याबद्दल जाणून घेऊया.

जर तुम्ही मारुती वॅगन आर खरेदी करण्याचा विचार करत असाल तर ही बातमी तुमच्यासाठीच आहे. आज आपण वॅगन आरच्या किंमती आणि फीचर्ससह त्याच्या LXI CNG आणि VXI CNG व्हेरियंटबद्दल जाणून घेणार आहोत. जर तुम्ही 1 लाख रुपयांच्या डाउन पेमेंटसह या दोघांपैकी कोणतीही एक खरेदी करण्याचा विचार करत असाल, तर तुम्हाला किती लोन घ्यावे लागेल आणि त्यासाठी दरमहा किती ईएमआय भरावा लागेल, त्याबद्दल जाणून घेऊया.

Maruti Wagon R LXI CNG साठी किती भरावा लागेल ईएमआय?

वॅगन आर एलएक्सआय सीएनजी व्हेरियंट हे त्याच्या सीएनजी व्हेरियंटचे बेस व्हर्जन आहे. कंपनीचा दावा आहे की हा मॉडेल एक किलो सीएनजीमध्ये 34.05 किमी मायलेज देते. या कारची एक्स-शोरूम किंमत 6,44,500 रुपये आहे आणि ऑन-रोड किंमत 7,21,970 रुपये आहे.

Auto Expo 2025 मध्ये TATA चा जलवा, सादर केली 100 टक्के इथेनॉलवर चालणारी SUV

जर तुम्ही ही कार 1 लाख रुपयांच्या डाउन पेमेंटवर खरेदी करण्याचा विचार करत असाल, तर तुम्हाला 6,21,370 रुपयांचे कर्ज घ्यावे लागेल. जर तुम्ही हे कर्ज सात वर्षांसाठी 9 टक्के व्याजदराने घेतले तर तुम्हाला दरमहा 9,997 रुपये ईएमआय म्हणून भरावे लागतील.

याचा पूर्ण हिशोब केल्यावर तुम्हाला या कर्जावर सात वर्षांसाठी एकूण 2,18,401 रुपये व्याज द्यावे लागेल. अशाप्रकारे, मारुती वॅगन आर एलएक्सआय सीएनजी व्हेरियंट तुम्हाला एकूण 8,39,771 रुपयांना मिळेल.

Maruti Wagon R VXI CNG साठी किती भरावा लागेल EMI?

जर तुम्ही वॅगन आरचा टॉप सीएनजी व्हेरियंट खरेदी करण्याचा विचार करत असाल, तर कंपनीचा दावा आहे की हे मॉडेल 4.05 किमी मायलेज देते. वॅगन आरच्या टॉप व्हेरियंटमधील सर्व फीचर्स देखील त्यात उपलब्ध असतील. त्याची एक्स-शोरूम किंमत 6,89,500 रुपये आहे आणि ऑन-रोड किंमत 7,71,207 रुपये आहे.

कार खरेदीदारांच्या डोक्याला ताप ! ‘या’ ऑटो कंपनीच्या कार 32 हजार रुपयांनी महागल्या

जर तुम्ही ही कार १ लाख रुपयांच्या डाउन पेमेंटवर खरेदी करणार असाल तर तुम्हाला त्यावर 6,71,207 रुपयांचे कर्ज घ्यावे लागेल. जर तुम्ही हे कर्ज सात वर्षांसाठी 9 टक्के व्याजदराने घेतले तर तुम्हाला दरमहा 10,799 रुपये EMI भरावा लागेल.

यानुसार, तुम्हाला या सात वर्षांत एकूण 2,35,918 रुपये व्याजदर द्यावे लागतील. अशाप्रकारे, तुम्हाला मारुती वॅगन आर व्हीएक्सआय सीएनजी मॉडेल 9,07,125 रुपयांना मिळेल.

Maruti Wagon R चे वैशिष्ट्य

किंमत: एक्स-शोरूम किंमत ५.५५ लाख ते ७.३३ लाख रुपयांपर्यंत आहे.

व्हेरियंट : वॅगन आर चार व्हेरियंटमध्ये उपलब्ध आहे, जे LXi, VXi, ZXi आणि ZXi Plus आहेत.

मायलेज: या कारचे १-लिटर इंजिन MT 24.35 kmpl, AMT 25.19 kmpl आणि CNG 33.48 km/kg मायलेज देते. त्याच वेळी, त्याचे १.२-लिटर इंजिन MT 23.56 kmpl आणि AMT 24.43 kmpl चा मायलेज देते.