1 लाखाचे 5 वर्षात झाले 1 कोटी; शेअर्सने एका वर्षात दिला गुंतवणूकदारांना 3700 टक्क्यांपेक्षा जास्त परतावा!

व्हाईसरॉय हॉटेल्सचा शेअर 5 वर्षांत 1.13 रुपयांवरून 136 रुपयांपर्यंत गेला आहे. म्हणजेच त्याने गुंतवणूकदारांना 11935.40 टक्क्यांचा माेठा परतावा दिला आहे.

एका लाखाचे झाले 11 लाख रुपये, 'या' मल्टीबॅगर स्टॉकद्वारे गुंतवणूकदारांना जबरदस्त परतावा

Follow Us:

Follow Us:

हॉस्पिटॅलिटी सेक्टरमधील शेअर्सने अवघ्या 6 महिन्यांत गुंतवणूकदारांना 144 टक्के नफा दिला आहे. एवढेच नाही तर एका वर्षात 3785 टक्के परतावा मिळाला आहे. एवढ्या कमी वेळात गुंतवणूकदारांना श्रीमंत बनवणारा हा शेअर्स व्हाईसरॉय हॉटेल्सचा आहे. हा शेअर्स 5 वर्षांत 1.13 रुपयांवरून 136 रुपयांपर्यंत गेला आहे. म्हणजेच त्याने गुंतवणूकदारांना 11935.40 टक्क्यांचा माेठा परतावा दिला आहे.

व्हाईसरॉय हॉटेल्सचे शेअर्स शुक्रवार 18 ऑक्टोबर रोजी बीएसईवर 136 रुपयांवर बंद झाले. साेमवारी शेअर्स घसरून 29.10 रुपयांवर आला आहे. 5 वर्षांपूर्वी 18 ऑक्टोबर 2019 रोजी शेअरची किंमत 1.13 रुपये होती. गुंतवणूकदाराने 5 वर्षांपूर्वीच्या किमतीत 10 हजार रुपये शेअर्समध्ये गुंतवले असतील आणि अजून शेअर्स विकले नाहीत, तर ही गुंतवणूक 15 लाख रुपये झाली असेल. त्याचप्रमाणे 20 हजार रुपयांची गुंतवणूक 24 लाख रुपयांमध्ये, 50 हजार रुपयांची गुंतवणूक 60 लाख रुपयांमध्ये आणि 1 लाख रुपयांची गुंतवणूक 1 कोटी रुपयांपेक्षा जास्त झाली असती.

हे देखील वाचा – शेअर बाजारात त्सुनामी… गुंतवणूकदारांचे 5 लाख कोटींचे नुकसान, वाचा… कोणते शेअर्स घसरलेत!

व्हाईसरॉय हॉटेल्सचे मार्केट कॅप 860 कोटी रुपये आहे. दाेन वर्षात गुंतवणूकदारांना 5891 टक्के परतावा मिळाला आहे. बीएसईवर 14 ऑक्टोबर 2024 रोजी शेअरने 143.95 रुपयांच्या 52 आठवड्यांचा उच्चांक गाठला होता. सप्टेंबर 2024 अखेरपर्यंत प्रवर्तकांनी व्हाईसरॉय हॉटेल्समध्ये 90 टक्के हिस्सा घेतला होता.

राइट्स इश्यूमधून 49 कोटी उभारणार

व्हाईसरॉय हॉटेल्सच्या राइट्स इश्यू कमिटीने अलीकडे राइट इश्यूद्वारे निधी उभारण्यास मान्यता दिली आहे. या अंतर्गत प्रवर्तक आणि प्रवर्तक गटाव्यतिरिक्त पात्र भागधारकांना 10 रुपये दर्शनी मूल्याचे शेअर्स वाटप केले जातील. राइट्स इश्यू 49.52 कोटी रुपयांपेक्षा जास्त असणार नाही. या प्रस्तावाला बीएसई आणि एनएसईकडून तत्वतः मान्यता मिळणे बाकी आहे.

जून तिमाहीचा नफा

एप्रिल-जून 2024 तिमाहीत व्हाइसरॉय हॉटेल्सने 27.10 कोटी रुपयांचा महसूल मिळवला आहे. तर, निव्वळ नफा 1.72 कोटी रुपये नोंदवला गेला. कंपनीचा महसूल 2023-24 या आर्थिक वर्षात 118.44 कोटी रुपये होता आणि निव्वळ नफा 7 कोटी रुपये होता.

(टीप : शेअर बाजार, म्यूच्यूअल फंड हे जोखमीच्या अधीन असतात. वरती दिलेली माहिती माहितीस्तव देण्यात आली आहे. गुंतवणुकीसाठी शिफारस, सल्ला देण्याचा यामागील उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)

Web Title: 1 lakh became 1 crore in 5 years shares gave investors more than 3700 percent return in one year

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com