एका शेअरवर 4 शेअर मिळणार मोफत; कंपनीच्या शेअर्समध्ये 15 टक्क्यांहून अधिक वाढ!

गरवारे टेक्निकल फायबर्स लिमिटेड कंपनीच्या शेअर्समध्ये 15 टक्क्यांहून अधिक वाढ झाली. या तेजीनंतर कंपनीच्या शेअर्सने 52 आठवड्यांच्या उच्चांकी पातळी गाठल्याचेही दिसून आले आहे.

गुंतवणूकदारांसाठी एक मोठी आणि आनंदाची बातमी आहे. गरवारे टेक्निकल फायबर्स लिमिटेडने गुंतवणूकदारांसाठी मोठी घोषणा केली आहे. कंपनीने पहिल्यांदाच प्रथमच बोनस शेअर देण्याचा निर्णय घेतला आहे. त्याचे कारण आहे कंपनीच्या शेअर्समध्ये 15 टक्क्यांहून अधिक वाढ झाली. या तेजीनंतर कंपनीच्या शेअर्सने 52 आठवड्यांच्या उच्चांकी पातळी गाठल्याचेही दिसून आले आहे.

कंपनीचा गुंतवणूकदारांसाठी मोठा निर्णय

परिणामी, गुंतवणूकदारांना कंपनीने प्रत्येक शेअरमागे 4 बोनस शेअर्स देण्याचा निर्णय घेतला आहे. आज मुंबई शेअर बाजारात (बीएसई) कंपनीचा शेअर 4129.45 रुपयांवर खुला झाला आहे. काही वेळानंतर कंपनीचा हाच शेअर 15 टक्क्यांहून अधिक वाढून, तो 4567.80 रुपयांवर पोहोचला आहे. कंपनीचा हा 52 आठवड्यांतील नवा उच्चांक आहे. तर बीएसईवर कंपनीचा 52 आठवड्यांचा निच्चांकी स्तर 3116.10 रुपये प्रति शेअर आहे.
(फोटो सौजन्य – istock)

हे देखील वाचा – आठवड्याच्या पहिल्याच दिवशी शेअर बाजार घसरणीसह बंद; सेन्सेक्स 77,371 अंकांपर्यंत कोसळला!

कंपनीने पहिल्यांदाच असा निर्णय घेतला आहे. दरम्यान, पात्र गुंतवणूकदारांना 10 रुपयांच्या फेस व्हॅल्यूच्या शेअरवर 4 नवे शेअर्स फ्री म्हणजे बोनस म्हणून दिले जाणार आहे. कंपनी पहिल्यांदाच गुंतवणूकदारांना बोनस शेअर्स देत आहे. मात्र, कंपनीने बोनस शेअरची रेकॉर्ड डेट अद्याप जाहीर केलेली नाही.

शेअरच्या किमती मागील तीन महिन्यांमध्ये वाढ

गरवारे टेक्निकल फायबर्स लिमिटेडच्या शेअरच्या किमती मागील तीन महिन्यांमध्ये 21.66 टक्क्यांनी वाढल्या आहेत. तर या शेअर्सने 6 महिन्यात गुंतवणूकदारांना 39 टक्क्यांहून अधिक नफा दिला आहे. गेल्या एका वर्षात 42 टक्के परतावा दिला आहे. या शेअरची किंमत 5 वर्षांत 288 टक्क्यांनी वाढल्याचे दिसून आले. सप्टेंबर महिन्यात कंपनीचा एक्स-डिव्हिडंड ट्रेड होता. त्यानंतर कंपनीने प्रति शेअर 3 रुपये अंतिम लाभांश दिला आहे.

हे देखील वाचा – चांदीची चमक वाढणार; दरात 125000 रुपये प्रति किलोपर्यंत वाढ होण्याची शक्यता!

कंपनीने घेतलेल्या या निर्णयामुळे गुंतवणूकदारांना नक्कीच मोठे गिफ्ट मिळाल्यासारखे आहे. तसेच या घोषणेचा परिणाम कंपनीच्या शेअर्सवरही दिसून येत आहे.नक्कीच शेअर्समध्ये वाढही झाल्याचे दिसून आले आहे.

काय करते ही कंपनी

गरवारे टेक्निकल फायबर्स लिमिटेड ही भारतातील तांत्रिक वस्त्रोद्योग क्षेत्रातील आघाडीची कंपनी आहे. जी 1976 मध्ये स्थापन झाली. ही एक बहु-विभागीय, बहु-भौगोलिक तांत्रिक वस्त्रोद्योग कंपनी आहे. जी उच्च कार्यक्षम मत्स्यपालन, पिंजरा जाळी, फिशिंग नेट, स्पोर्ट्स नेट आणि इतर अनेक उपयुक्त साधनांची निर्मिती करते.

(टीप : शेअर बाजार, म्यूच्यूअल फंड हे जोखमीच्या अधीन असतात. वरती दिलेली माहिती माहितीस्तव देण्यात आली आहे. गुंतवणुकीसाठी शिफारस, सल्ला देण्याचा यामागील उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)