एनएमआयएएल आणि अपोलो हॉस्पिटल्सचा संयुक्त उपक्रम
मुंबई, नोव्‍हेंबर २०२५: नवी मुंबई इंटरनॅशनल एअरपोर्ट (प्रा.) लि. ही नवी मुंबई इंटरनॅशनल एअरपोर्ट (एनएमआयए)ची ऑपरेटर आणि मुंबईतील अपोलो हॉस्पिटल्स यांनी विमानतळ कर्मचाऱ्यांसाठी व प्रवाशांसाठी दिवस-रात्र आरोग्यसेवा देण्यासाठी सामंजस्य करारावर (एमओयू) स्वाक्षरी केली आहे. हा सहयोग विमानतळावरील कामकाज सुरू होण्‍यापूर्वी एनएमआयएची आपत्कालीन सुसज्‍जता आणि वैद्यकीय प्रतिसाद क्षमतांना दृढ करतो.
एनएमआयएपासून अवघ्‍या चार किलोमीटर अंतरावर असलेले मुंबईतील अपोलो हॉस्पिटल्स या ठिकाणातील सर्वात प्रगत बहुविशेष आरोग्यसेवा संस्‍था आहे. या करारांतर्गत हॉस्पिटल टर्मिनल १ येथे २४x७ वैद्यकीय केंद्र स्थापित करण्‍यास मदत करेल. हे केंद्र आपत्कालीन वैद्यकीय साह्य आणि आपत्ती व्यवस्थापन सुविधांसह सुसज्ज असेल. या केंद्रामध्ये तीन डॉक्टर, आठ नर्सिंग स्टाफ आणि दोन ड्रायव्हर्स यांचा समावेश असलेली अत्यंत कुशल टीम असेल, जी सतत वैद्यकीय तपासणीसाठी सुसज्ज असेल. सर्व वैद्यकीय कर्मचारी अॅडव्हान्स्ड कार्डिओव्हस्कुलर लाइफ सपोर्ट (एसीएलएस)-प्रमाणित असतील, ज्‍यामधून एनएमआयएमध्ये क्रिटिकल केअरच्या सर्वोच्‍च मानकांची खात्री मिळेल.
एनएमआयएमध्ये दोन पूर्णपणे सुसज्ज इंटेन्सिव्ह केअर युनिट (आयसीयू) रुग्णवाहिका देखील असतील, ज्या साइटवर तैनात असतील आणि आपत्कालीन परिस्थितीत त्वरित प्रतिसाद देण्यासाठी सज्ज असतील. याव्यतिरिक्‍त, हृदयविकाराच्या आपत्कालीन परिस्थितीत जलद मदत देण्यासाठी टर्मिनल्सवर ६५ ऑटोमेटेड एक्सटर्नल डिफिब्रिलेटर्स (एईडी) धोरणात्मकरित्या स्थापित केले जातील.
हा सहयोग जलद व कार्यक्षम वैद्यकीय प्रतिसादाची खात्री देतो, तसेच जागतिक दर्जाच्या पायाभूत सुविधांसह प्रवासी आणि कर्मचाऱ्यांचे आरोग्य, सुरक्षितता व स्‍वास्‍थ्‍याप्रती एनएमआयएच्‍या कटिबद्धतेला अधिक दृढ करतो.
Ans: नवी मुंबई इंटरनॅशनल एअरपोर्ट (प्रा.) लि. (NMIA चे ऑपरेटर) आणि मुंबईतील अपोलो हॉस्पिटल्स यांनी सामंजस्य करारावर (MOU) स्वाक्षरी केली आहे.
Ans: हा सहयोग विमानतळ कर्मचारी आणि प्रवाशांसाठी दिवस-रात्र (२४x७) आरोग्यसेवा पुरवेल.
Ans: वैद्यकीय केंद्र टर्मिनल १ येथे स्थापित केले जाईल.
Ans: हे केंद्र आपत्कालीन वैद्यकीय साह्य आणि आपत्ती व्यवस्थापन सुविधांसह सुसज्ज असेल.
Ans: टीममध्ये तीन डॉक्टर, आठ नर्सिंग स्टाफ आणि दोन ड्रायव्हर्स यांचा समावेश असेल.
