Aadhar Housing Finance : घर खरेदीदारांसाठी आनंदाची बातमी! आधार हाऊसिंग फायनान्सचा नफा 308 कोटींवर; क्रेडिट रेटिंगमध्येही सुधारणा

Aadhar Housing Finance : गृहवित्त क्षेत्रातील आघाडीची कंपनी आधार हाऊसिंग फायनान्सने सप्टेंबर तिमाहीत उत्कृष्ट कामगिरी करत कर्ज वितरणात २२ टक्क्यांची वाढ नोंदवली आहे. कंपनीचा निव्वळ नफा ३०८ कोटी रुपयांवर पोहोचला असून व्यवस्थापनाखालील मालमत्ता (AUM) ३२,६४३ कोटी रुपयांवर गेली आहे, तर एनपीएच्या प्रमाणातही सुधारणा झाली आहे.

• गृहवित्त क्षेत्रातील दिग्गज कंपनीची कमाल!
• सप्टेंबर तिमाहीत जबरदस्त कमाई
• जाणून घ्या आधार हाऊसिंग फायनान्सचे ताजे आकडे

Aadhar Housing Finance : मुंबई — गृहवित्त क्षेत्रातील कंपनी आधार हाऊसिंग फायनान्सच्या सप्टेंबर तिमाहीतील कर्ज वितरणात 22 टक्क्यांची वाढ झाली आहे. कंपनीने तिमाही आणि सहामाहीतील आर्थिक कामगिरीचे आकडे जाहीर केले आहेत. गृहवित्त क्षेत्रातील आघाडीची कंपनी आधार हाऊसिंग फायनान्सने सप्टेंबर तिमाहीत उत्कृष्ट कामगिरी करत कर्ज वितरणात २२ टक्क्यांची वाढ नोंदवली आहे. कंपनीचा निव्वळ नफा ३०८ कोटी रुपयांवर पोहोचला असून व्यवस्थापनाखालील मालमत्ता (AUM) ३२,६४३ कोटी रुपयांवर गेली आहे, तर एनपीएच्या प्रमाणातही सुधारणा झाली आहे. ( Aadhar Housing Finance ) 

Share Market : पुन्हा बहरला… भारतीय बाजारात परदेशी गुंतवणूकदारांची तुफान फटकेबाजी! 3 दिवसांत तब्बल 29096 कोटींची गुंतवणूक

कंपनीची व्यवस्थापनाखालील मालमत्ता 18 % वाढली

गतवर्षीच्या सहामाहीतील 27 हजार 554 कोटी रुपयांच्या तुलनेत कंपनीची व्यवस्थापनाखालील मालमत्ता (एयुएम) 18 टक्क्यांनी वाढून 32 हजार 643 कोटी रुपयांवर गेली आहे. याच कालावधीत कर्ज वितरणाचे प्रमाण 4 हजार 89 कोटी रुपयांच्या तुलनेत 4 हजार 613 कोटी रुपयांवर गेले आहे.

सहामाहीत 591 कोटी रुपयांचा नफा

कंपनीला सप्टेंबर तिमाहीत 308 कोटी रुपयांचा तर सहामाहीत 591 कोटी रुपयांचा नफा झाला. नफ्यातील ही वाढ क्रमश: 16 आणि 17 टक्के इतकी आहे. सहामाहीत नक्त मालमत्ता वाढून 6894 कोटी रुपयांच्या तुलनेत 8201 कोटी रुपयांवर गेली आहे. मालमत्तेवरील परतावा 4.2 टक्क्यांवर स्थिर राहिला असून भाग भांडवलावरील परतावा 15 टक्के इतका असल्याचे कंपनीकडून सांगण्यात आले.

कंपनीची समाधानकारक कामगिरी

ढोबळ अनुत्पादक मालमत्तेचे (ग्रॉस एनपीए) प्रमाण 1.42 टक्क्यांच्या तुलनेत घटून 1.34 टक्के इतके झाले आहे. कंपनीची समाधानकारक कामगिरी पाहून इंडिया रेटिंग आणि इक्रा या पतमापन संस्थांनी दीर्घकाळचे क्रेडिट रेटिंग वाढवत एए प्लस (स्थिर) असे केले आहे. सप्टेंबर तिमाहीत कंपनीने जम्मू येथील शाखेची सुरुवात केली. या विस्तारानंतर 23 राज्यांतील शाखांची संख्या 632 वर पोहोचली आहे. आधार हाऊसिंग ही द्वितीय आणि तृतीय श्रेणीतील शहरांसह निमशहरी भागात गृहवित्त पुरवठा करणारी आघाडीची कंपनी आहे.

Farmer News : शेतकऱ्यांना दिवाळीची मोठी भेट! सरकारकडून 2 मोठे निर्णय; तब्बल 2 लाख 60 हजार शेतकऱ्यांना होणार फायदा