कोण म्हणतं नोकरी नाही! ‘या’ क्षेत्रात नोकरभरतींमध्ये 37 टक्क्यांची दमदार वाढ

अडेको इंडियाचा फेस्टिव्ह हायरिंग रिपोर्ट जाहीर झाला आहे. ज्यात असे दिसून आले आहे की गिग व तात्पुरत्या नोकरींमध्ये 25 टक्क्यांची वाढ झाली आहे. चला याबद्दल अधिक माहिती जाणून घेऊयात.

• अडेको इंडियाचा फेस्टिव्ह हायरिंग रिपोर्ट जाहीर
• गिग व तात्पुरत्या नोकरींमध्ये 25 टक्क्यांची वाढ
• आगामी काळातील रोजगार वाढ होण्याची शक्यता

अडेको इंडियाने ऑगस्ट ते ऑक्टोबर २०२५ या कालावधीतील फेस्टिव्ह हायरिंग रिपोर्ट जाहीर केले असून या रिपोर्टनुसार, मागील वर्षाच्या तुलनेत देशभरातील गिग आणि तात्पुरत्या नोकऱ्यांत तब्बल 25 टक्क्यांची वाढ नोंदवण्यात आली आहे. सणासुदीतील वाढलेला ग्राहक प्रतिसाद, आकर्षक जाहिराती, दुर्गम भागांतील बाजारपेठपर्यंत पोहोच आणि वाढती खरेदी क्षमता यांसारख्या कारणांमुळे संपूर्ण नोकरभरतीत वर्षानुवर्षे 17 टक्क्यांनी वाढ झाल्याचे अहवालात नमूद आहे.

अडेकोने 2025 मध्ये 2.16 लाख गिग व तात्पुरत्या नोकऱ्यांची शक्यता वर्तवली होती. मात्र फक्त तीन महिन्यांतच तात्पुरत्या नोकरभरतीत 37% तर गिग वर्कफोर्समध्ये 15-20% वाढ झाली. ही आकडेवारी सणासुदीच्या हंगामी मागणीची ताकद अधोरेखित करते.

China Bans Japanese Seafood: चीनची जपानी सीफूडवर बंदी! US टॅरिफने घटली निर्यात..; पण चीनने उघडली भारतीय सीफूडसाठी नवी दारे

रिटेल–ई-कॉमर्स क्षेत्रात सर्वाधिक भरती

दसऱ्यानंतर रिटेल, ई-कॉमर्स, बीएफएसआय, लॉजिस्टिक्स आणि हॉस्पिटॅलिटी या प्रमुख क्षेत्रांत भरतीची लाट आली. ई-कॉमर्समध्ये दिवाळीत 24% वाढ, तर क्विक कॉमर्समध्ये 120% वाढ नोंदली गेली. यातही टियर-2 शहरांतूनच या मागणीत सर्वाधिक वाढ दिसली.

रिटेल–ई-कॉमर्स क्षेत्रात तात्पुरत्या कर्मचाऱ्यांची मागणी 28% ने वाढली. विक्री, गोदाम मॅनेजमेंट आणि वितरण यांसाठी मोठ्या प्रमाणावर मनुष्यबळाची गरज निर्माण झाली.

लॉजिस्टिक्स-डिलिव्हरी क्षेत्रात 40% पर्यंत वाढ

ऑनलाइन ऑर्डर्सच्या वाढत्या संख्येमुळे लॉजिस्टिक्स आणि लास्ट-माईल डिलिव्हरी क्षेत्रात
35–40% वाढ नोंदवली गेली. जलद डिलिव्हरीच्या अपेक्षेमुळे वाहतूक कंपन्यांनी मनुष्यबळ आणि यंत्रणा वाढवली.

Buy one Get One पासून ते स्वत दरात वस्तूंची D-Mart मध्ये विक्री करणारा श्रीमंत मालक,कोण आहेत राधाकृष्ण दमानी?

बीएफएसआय क्षेत्रात 30% वाढ

टियर 2 आणि 3 शहरांमध्ये प्रत्यक्ष विक्री, क्रेडिट कार्ड सेवा, पॉइंट-ऑफ-सेल यांसारख्या भूमिकांसाठी मागणी वाढून 30% वाढ नोंदीस आली. तसेच हॉस्पिटॅलिटी आणि ट्रॅव्हल क्षेत्रात देखील नोकरभरतींमध्ये 25% वाढ झाली आहे.

मेट्रो आणि टियर-2 शहरांत वाढता रोजगार प्रवाह

दिल्ली-एनसीआर, मुंबई, बंगळुरू, हैदराबाद, चेन्नई येथे 75–80% तात्पुरती भरती झाली. तसेच लखनऊ, जयपूर, कोईंबतूर, भुवनेश्वर, नागपूर आणि म्हैसूर यांसारख्या शहरांत २१% वाढ नोंदली गेली. कानपूर, कोची, विजयवाडा आणि वाराणसी या नवोदित बाजारपेठांमध्ये १८–२०% वाढ दिसली.

वेतनश्रेणीत वाढ

या कालावधीत कर्मचाऱ्यांच्या वेतनातही सुधारणा झाली—

नवीन कर्मचाऱ्यांचे वेतन : 12–15% वाढ

अनुभवी कर्मचाऱ्यांचे वेतन : 18–22% वाढ

महिलांचा सहभाग रिटेल, ग्राहक सहाय्यता, लॉजिस्टिक्स आणि BFSI क्षेत्रात 30–35% वाढला.

अडेकोचे मत

अडेको इंडियाचे संचालक आणि जनरल स्टाफिंग प्रमुख दीपेश गुप्ता म्हणाले, “यंदा भारतात मोठ्या प्रमाणावर नोकरभरती झाली. ही वाढ आर्थिक आत्मविश्वास आणि गिग अर्थव्यवस्थेची परिपक्वता याचे द्योतक आहे. गिग व तात्पुरत्या नोकऱ्यांत गेल्या वर्षाच्या तुलनेत 25% वाढ झाली असून कोविडनंतरचे हे सर्वात मजबूत वर्ष ठरले आहे.”

आगामी काळातील रोजगार वाढ

विवाह हंगाम आणि आगामी सणांमुळे ही भरती लाट मार्च 2026 पर्यंत कायम राहण्याची शक्यता आहे. अडेकोच्या अंदाजानुसार, पुढील काळात तात्पुरत्या रोजगारात दरवर्षी 18–20% वाढ होईल आणि या वाढीत टियर-2 आणि टियर -3 शहरे अर्धा वाटा उचलतील.