‘या’ कुंटूंबाने दिला लालबागच्या राजाला 20 किलोचा सोन्याचा मुकूट; वाचा… कितीये किंमत!

प्रसिद्ध उद्योगपती मुकेश अंबानी आणि त्यांचा धाकटा मुलगा अनंत अंबानी यांनी रिलायन्स फाउंडेशनच्या २० किलो सोन्याचा मुकूट लालबागच्या राजाला चढवला आहे. यावर्षीच्या गणेशोत्सवासाठी लाल बागच्या राजाच्या मुर्तीचे नुकतेच अनावरण करण्यात आले. त्यावेळी हा मुकूट चढवण्यात आला आहे. याबाबत सध्या चांगलीच चर्चा पाहायला मिळत आहे.

गणेशोत्सव अवघ्या एक दिवसावर येऊन ठेपला आहे. अशातच आता मुंबईतील सुप्रसिद्ध लालबागच्या राजाची बहुप्रतिक्षीत मुर्तीची पहिली झलक नुकतीच पाहायला मिळाली आहे. अशातच गणेशोत्सवातील विशेष बाब म्हणजे यावेळी लाल बागच्या राजासाठी अंबानी कुंटूंबाने तब्बल २० किलोचा सोन्याचा मुकूट दान केला आहे. या सोन्याच्या मुकूटाची किंमत तब्बल १५ कोटी रुपये इतकी आहे. इतक्या मोठ्या प्रमाणात सोने वापरून, तयार केलेला मुकूट लालबागच्या राजाला परिधान करण्यात आला आहे. त्यामुळे याबाबत सध्या चांगलीच चर्चा पाहायला मिळत आहे.

लालबागच्या राजासाठी २० किलोचा सोन्याचा मुकूट

मुंबईतील सुप्रसिद्ध लालबागच्या राजाची मुर्तीचे अनावरण करण्यात आले. त्यानंतर प्रसिद्ध उद्योगपती मुकेश अंबानी आणि त्यांचा धाकटा मुलगा अनंत अंबानी यांनी रिलायन्स फाउंडेशनच्या वतीने हा २० किलोचा सोन्याचा मुकूट लालबागच्या राजाला चढवला आहे. मुकेश अंबानी आणि त्यांचे संपुर्ण कुटूंब मागील काही काळापासून लालबागच्या राजाच्या मंडळासोबत जोडले गेले आहे. विशेष म्हणजे अंबानी परिवार हा लालबागच्या राजाच्या विसर्जन मिरवणुकीत देखील सहभागी होत असतो.

हे देखील वाचा – ज्या कॉलेजने प्रवेश नाकारला, त्याच कॉलेजने विद्यार्थ्यांना मार्गदर्शन करण्यासाठी बोलावले; वाचा… गौतम अदानी यांच्या शालेय जीवनातील रंजक किस्सा

काय म्हटलंय मंडळाने याबाबत

याबाबत बोलताना लालबागचा राजा मंडळाचे अध्यक्ष बाळासाहेब कांबळे यांनी सांगितले आहे की, लालबागच्या राजाच्या मुर्तीचे अनावरण करण्यात आले असून, अंबानी कुटूंबाने तब्बल २० किलो सोन्याचा मुकूट बाप्पाला दान केला आहे. अंबानी कुटूंबाकडून हा मुकूट मंडळाकडे देण्यात आला असून, हा मुकूट लाल बागच्या राजाला चढवण्यात आला आहे. अंबानी कुटूंब हे अनेक वर्षांपासून, लालबागचा राजा मंडळासोबत जोडले गेले आहे. अंबानी कुंटूंबाची गणपती बाप्पांच्या प्रति असलेली भक्ती पाहता, गर्व वाटतो. असेही त्यांनी यावेळी म्हटले आहे.

खुप धार्मिक आहे अंबानी कुटूंब 

अनंत अंबानी यांनी एका मुलाखतीत सांगितले होते की, जगातील महत्वाचे व्यापारी कुटुंब असूनही, आपले कुटूंब अतिशय धार्मिक आणि आध्यात्मिक आहे. आपल्या कुटूंबाचा सनातन धर्मावर विश्वास आहे. ‘माझा भाऊ (आकाश अंबानी) शिवभक्त आहे. माझे वडील गणेशाची पूजा करतात. माझी आई नवरात्रीत नऊ दिवस उपवास करते. माझी आजी देखील श्रीनाथजींची भक्त आहे. माझ्या कुटुंबातील प्रत्येकजण देवाचा भक्त आहे. आपल्याकडे जे काही आहे ते देवानेच दिले आहे. देव सर्वत्र आहे, तुमच्यात आणि माझ्यात आहे, असा आमचा विश्वास आहे. माझे संपूर्ण कुटुंब सनातन धर्मावर विश्वास ठेवते.