अमिताभ बच्चन यांच्याकडे ‘या’ कंपनीचे 298545 शेअर्स; लिस्टिंगपासून शेअरने केलीये उत्तम कामगिरी!

डीपी वायर्सच्या शेअर्सनी गेल्या तीन वर्षांत 1500 टक्क्यांपेक्षा जास्त परतावा दिला आहे. कंपनीचे शेअर्स 3 एप्रिल 2020 रोजी केवळ 41 रुपयांवर होते. तर हा शेअर 17 नोव्हेंबर 2023 रोजी शेअर 677.80 रुपयांच्या 52 आठवड्यांच्या उच्चांकावर पोहोचला. मात्र या वर्षी आतापर्यंत या शेअरमध्ये प्रॉफिट बुकींग दिसून येत आहे. कंपनीचे शेअर्स आतापर्यंत 25 टक्के घसरले आहेत. मुंबई शेअर बाजाराला (बीएसई) दिलेल्या माहितीनुसार, अमिताभ बच्चन यांच्याकडे डीपी वायर्सचे 2,98,545 शेअर्स आहेत. त्यांचा कंपनीत एकूण 1.93 टक्के हिस्सा आहे.

हे देखील वाचा – कच्च्या तेलाच्या किमतीत घसरण..! दिवाळीपूर्वी पेट्रोल-डिझेल स्वस्त होणार का? वाचा… सविस्तर

मुंबई शेअर बाजाराला (बीएसई) दिलेल्या माहितीनुसार, अमिताभ बच्चन यांनी सप्टेंबर 2018 पासून या कंपनीचे शेअर्स घेतले. त्यानंतर त्यांची हिस्सेदारी घटली. परंतु, तरीही आता त्यांचा 1 टक्क्यांपेक्षा अधिक हिस्सा आहे. मध्य प्रदेशातील ही कंपनी तेल आणि वायू, ऊर्जा, पर्यावरण, नागरी, ऊर्जा, ऑटोमोबाईल आणि पायाभूत सुविधा यांसारख्या उद्योगांमध्ये वापरल्या जाणाऱ्या स्टील वायर आणि प्लॅस्टिक फिल्म्सचे उत्पादन आणि पुरवठा करते.

आयपीओ 2017 मध्ये आला

डीपी वायर्सने 21 सप्टेंबर 2017 रोजी त्यांचा आयपीओ आणला होता. तो 5 ऑक्टोबर रोजी प्रति शेअर 75 रुपये दराने सूचीबद्ध झाला होता. डीपी वायर्सचा शेअर आज मंगळवारी 424 रुपयांवर बंद झाला आहे. शेअर्समध्ये त्याच्या सूचीबद्ध किंमतीपासून 487 टक्क्यांची वाढ झाली आहे.

(टीप : शेअर बाजार, म्यूच्यूअल फंड हे जोखमीच्या अधीन असतात. वरती दिलेली माहिती माहितीस्तव देण्यात आली आहे. गुंतवणुकीसाठी शिफारस, सल्ला देण्याचा यामागील उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)

संबंधित बातम्या