ब्लू डार्टकडून ख्रिसमसनिमित्त ‘मेरी एक्सप्रेस’ सेवा; देशांतर्गत आणि आंतरराष्ट्रीय शिपमेंटवर विशेष सवलती

ग्राहकांना 2-10 किलो वजनाच्या देशांतर्गत शिपमेंटवर 40 टक्क्यांपर्यंत आणि 3-25 किलो वजनाच्या आंतरराष्ट्रीय शिपमेंटवर 50 टक्क्यांपर्यंत सवलत मिळू शकते. ही सुविधा संपूर्ण भारतभर लागू आहे. ही ऑफर देशांतर्गत प्रायॉरिटी शिपमेंट्स आणि आंतरराष्ट्रीय शिपमेंट्स अशा दोन्हींसाठी ठराविक अटी आणि शर्तींसह लागू आहे. ग्राहक-केंद्रित कंपनी म्हणून, ब्लू डार्ट आपली उत्पादने आणि सेवा अधिक चांगल्या करण्यासाठी, विशेषतः सणासुदीच्या काळात ग्राहकांना अधिक मूल्य प्रदान करण्यासाठी सतत प्रयत्नशील आहे. ‘मेरी एक्सप्रेस’ ऑफरचा लाभ घेत ग्राहक भारतातील 56,000 हून अधिक ठिकाणी आणि जगभरातील 220 देश व केंद्रासाशित प्रदेशांमध्ये आपली सणासुदीची भेटवस्तू पाठवू शकतात. कंपनी प्रगत तंत्रज्ञान आणि ऑटोमेशनचा वापर करून प्रत्येक डिलिव्हरी जलद करत आहे. तसेच  सुरक्षितता आणि विश्वासार्हता सुनिश्चित करत आणि प्रत्येक टप्प्यावर उत्कृष्ट सेवा देण्यासाठी सातत्याने प्रयत्नशील आहे.

ग्राहकांना सणाचा आनंद जगभरातील आप्तेष्टांशी शेअर करणे सोपे जाईल

ब्लू डार्टचे चीफ कमर्शिअल ऑफिसर दिपांजन बॅनर्जी या ऑफरबद्दल म्हणाले. “या सणासुदीच्या हंगामात आमच्या ग्राहकांसाठी आनंदाची डिलिव्हरी करण्यासाठी आणि सुरळीत अनुभवाची खातरजमा करण्याच्या आमच्या प्रतिबद्धतेचा भाग म्हणून हे खास ऑफर देताना आम्ही रोमांचित आहोत. आमची मेरी एक्स्प्रेस ऑफर ही आमच्या इनोव्हेटिव्ह उपाययोजना, वेग व विश्वासार्हता उपलब्ध करून देण्याच्या निर्धाराची द्योतक आहे. त्यामुळे आमच्या ग्राहकांना आपला सणाचा आनंद जगभरातील आप्तेष्टांशी शेअर करणे सोपे जाईल.”

सर्व रिटेल स्टोअर्स ही ऑफर उपलब्ध

मर्यादित कालावधीसाठी असलेली ही ऑफर ब्लू डार्टच्या सर्व रिटेल स्टोअर्समध्ये उपलब्ध आहे आणि कोणत्याही अतिरिक्त खर्चाशिवाय डोअरस्टेप बुकिंगसह केलेल्या होम बुकिंगवरही लागू आहे. ग्राहक ब्लू डार्ट कस्टमर केअरला 1860 233 1234 या क्रमांकावर संपर्क साधू शकतात किंवा customerservice@bluedart.com या ईमेलवर संपर्क साधू शकतात. अधिक माहितीसाठी किंवा शिपमेंट बुक करण्यासाठी www.bluedart.com या वेबसाइटला भेट द्यावी.

ज्यांना आपल्या आप्तेष्टांना भेटवस्तू पाठवायच्या आहेत त्यांना 15 जानेवारीपर्यंत शिपमेंटवर तब्बल 40 ते 50 टक्के सवलत दिली जात असल्याने हा एक उत्तम पर्याय त्यांच्यासाठी उपलब्ध झाला आहे.

One Nation One Election : एक देश-एक निवडणुकीचा अर्थव्यवस्थेवर काय होईल परिणाम होईल? महागाई कमी होणार की आणखी वाढणार?