Diwali Muhurat Trading 2026: लक्ष्मीपूजनाच्या मुहूर्तावर बाजारात तेजीची आशा! कधी सुरू होणार मुहूर्त ट्रेडिंग?

Diwali Muhurat Trading 2026: दिवाळीनिमित्त रविवार, 8 नोव्हेंबर 2026 रोजी भारतीय शेअर बाजारात विशेष मुहूर्त ट्रेडिंग सत्र आयोजित करण्यात आले आहे. संवत 2083 या नवीन हिंदू आर्थिक वर्षाची सुरुवात या सत्राने होणार आहे. NSE आणि BSE वर दुपारी 2:20 ते 3:30 या वेळेत मुख्य व्यवहार होतील.

• दिवाळीनिमित्त 8 नोव्हेंबरला मुहूर्त ट्रेडिंग.
• दुपारी 2:20 ते 3:30 मुख्य ट्रेडिंग सत्र.
• संवत 2083 या नवीन आर्थिक वर्षाची सुरुवात.

आज रविवार आहे. तरी पण शेअर बाजार उघडणार आहे. कारण आज दिवाळीचा मुहूर्त ट्रेडिंग आहे. 8 नोव्हेंबर 2026 रोजी नवीन हिंदू आर्थिक वर्षाची, म्हणजेच ‘संवत 2083’ ची सुरुवात होतेय. त्यासाठी देशातल्या मोठ्या शेअर बाजारांमध्ये विशेष ‘मुहूर्त ट्रेडिंग’ ठेवलंय. सुट्टीचा दिवस असून पण दुपारी 2:20 ते 3:30 या वेळेत बाजारात 1 तासाचे हे शुभ व्यवहार होतील. ही अनेक वर्षांची परंपरा आहे. या दिवशी केलेली गुंतवणूक समृद्धी आणि यश घेऊन येते, असं लोक मानतात. Diwali Muhurat Trading 2026:

मुहूर्त ट्रेडिंग म्हणजे काय?

आपल्या संस्कृतीमध्ये दिवाळीला आणि विशेष प्रसंगांना खूप महत्त्व आहे. याच पवित्र परंपरेचा एक भाग म्हणून आज रविवार, 8 नोव्हेंबर 2026 रोजी साप्ताहिक सुट्टी असून पण देशातल्या मोठ्या शेअर बाजारांमध्ये एका विशेष सत्राचं आयोजन केलंय. या सत्राला ‘मुहूर्त ट्रेडिंग’ म्हणतात.

दलाल स्ट्रीटवर अनेक वर्षांपासून ही परंपरा चालू आहे. गुंतवणूकदारांना संवत 2083 या नवीन हिंदू आर्थिक वर्षाची सुरुवात आनंदात आणि समृद्धीने करण्यासाठी ही एक छान संधी आहे.

Todays Gold-Silver Price: दिवाळीच्या शुभ मूहूर्तावर काय आहेत सोन्याचे दर? एका क्लिकवर जाणून घ्या

आजची वेळ काय आहे?

रविवारी नेहमी शेअर बाजार पूर्ण बंद असतो. पण दिवाळीच्या या विशेष मुहूर्तावर गुंतवणूकदारांच्या सोयीसाठी बॉम्बे स्टॉक एक्सचेंज आणि नॅशनल स्टॉक एक्सचेंजने एक तासापेक्षा जास्त वेळाचं विशेष सत्र चालवायचं ठरवलंय. आजच्या या विशेष व्यवहाराचं वेळापत्रक असं आहे.

• प्री-ओपन सत्र: दुपारी 2:05 ते 2:20
• मुख्य मुहूर्त ट्रेडिंग सत्र: दुपारी 2:20 ते 3:30
• क्लोजिंग सत्र: दुपारी 3:30 ते 3:50
• क्लोजिंग सत्र (CAS): दुपारी 3:35 ते 3:50
• पोस्ट-क्लोजिंग सत्र: दुपारी 3:50 ते 4:00

म्हणजे तुम्हाला खरेदी-विक्री करायची असेल तर दुपारी 2:20 ते 3:30 या वेळेतच करावी लागेल.

ही परंपरा का पाळतात?

‘मुहूर्त’ या शब्दाचा अर्थ ‘शुभ वेळ’ असा होतो. जुन्या काळापासून भारतीय व्यापारी आणि सराफ लोक दिवाळीच्या दिवशी आपल्या नवीन वर्षाच्या हिशोबाच्या वह्यांची पूजा करून व्यवसायाची सुरुवात करत होते. काळ बदलला, पण हीच पद्धत शेअर बाजारात पण रुजली.

आजच्या या विशेष तासाभरात व्यवहार करणं हा फक्त नफा कमावण्याचा उद्देश नाही. तर आर्थिक स्थैर्य, प्रगती आणि पुढच्या वर्षात लक्ष्मीची कृपा राहावी अशी प्रार्थना करण्याची ही एक मानसिक आणि सांस्कृतिक पद्धत आहे.

लहान किरकोळ गुंतवणूकदारांपासून ते देशातले आणि परदेशातले मोठे संस्थात्मक गुंतवणूकदार या सत्रात आवर्जून भाग घेतात. अगदी लहान रकमेची गुंतवणूक करून पण या परंपरेचं जतन केलं जातं. अनेक लोक या दिवशी फक्त 1 शेअर जरी घेतला तरी तो शुभ मानतात.

नोव्हेंबर महिन्यात बाजार कधी बंद राहणार?

दिवाळीच्या या सणाच्या काळात गुंतवणूकदारांनी या महिन्यातल्या बाजाराच्या सुट्ट्यांची नोंद घेणं पण गरजेचं आहे. नोव्हेंबर 2026 मध्ये दिवाळीच्या पार्श्वभूमीवर बाजाराला काही दिवस सुट्ट्या असणार आहेत.

Aptus Housing Finance: ऍप्टस व्हॅल्यू हाऊसिंग फायनान्सची आर्थिक भरारी! नफ्यात 19 टक्क्यांची झेप; सहामाहीत 528 कोटींची कमाई

बळीप्रतिपदा (दिवाळी पाडवा): 10 नोव्हेंबर रोजी बाजार नियमित व्यवहारांसाठी बंद राहील.
प्रकाश गुरुपर्व: 24 नोव्हेंबर रोजी गुरु नानक जयंती / गुरुपर्वा निमित्त बाजारात कामकाज होणार नाही.

आज गुंतवणूक करताना काय लक्षात ठेवायचं?

आजच्या या एका तासाच्या विशेष मुहूर्तावर गुंतवणूक करताना बाजारातल्या तांत्रिक बाबींचा अभ्यास करून योग्य निर्णय घेणं फायदेशीर ठरतं. फक्त शुभ म्हणून कोणताही शेअर घेऊ नका. तुम्हाला ज्या कंपनीवर विश्वास आहे, जिचा अभ्यास तुम्ही केलाय, त्याच कंपनीत पैसे लावा अनेक लोक या दिवशी नवीन सुरुवात म्हणून SIP सुरू करतात, किंवा चांगल्या कंपनीचा 1 शेअर घेतात.