अरे वाह… FD वर मिळणार 7.85% पर्यंत व्याज! 11 ऑक्टोबरपासून लागून होणार नवे दर; कोणाला मिळणार सर्वाधिक फायदा?

FD Interest Rates Hike : सुरक्षित गुंतवणुकीचा पर्याय शोधणाऱ्या गुंतवणूकदारांसाठी आणि ज्येष्ठ नागरिकांसाठी मोठी बातमी समोर आली आहे. ३६ ते ६० महिन्यांच्या मुदत ठेवींवर आता तब्बल ७.८५ टक्क्यांपर्यंत आकर्षक व्याज दिले जात आहे. कोणती बँक देतेय सविस्तर जाणून घेऊयात.

• FD वर मिळणार 7.85% पर्यंत व्याज!
• 11 ऑक्टोबरपासून लागून होणार नवे दर
• कोणाला मिळणार सर्वाधिक फायदा?

FD Interest Rates Hike :  एफडी गुंतवणूकदारांसाठी एक आनंदाची बातमी आहे. दसऱ्याच्या मुहूर्तावर मुदत ठेवीचे दर वाढवले ​​आहेत. त्यामुळे आता तुम्हाला मोठा फायदा होणार आहे. नेमक्या कोणत्या बँकेत याचा लाभ घेऊ शकता. त्यासाठी काय अपेक्षित आहे सगळं सविस्तर जाणून घेऊयात. ( FD Interest Rates Hike ) 

श्रीराम फायनान्सने या स्मॉल फायनान्स बँकेने ९ ऑक्टोबर रोजी नवीन एफडी दरांची घोषणा केली. हे नवीन दर ११ ऑक्टोबरपासून लागू होतील. याचा अर्थ असा की, या स्मॉल फायनान्स बँकेच्या ग्राहकांना नवरात्रीच्या पहिल्या दिवसापासूनच जास्त व्याजदर मिळतील.

Donald Trump US Farmers Crisis : ट्रम्पच्या धोरणांना अमेरिकन शेतकरीही त्रस्त! खते आणि डिझेलचे भाव 67% नी वाढले

कधीपर्यंत वाढवण्यात आला दर ?

NBFC ने ₹१० कोटींपेक्षा कमी रकमेच्या एफडीवर १२ महिन्यांच्या कालावधीसाठी ७ टक्के वार्षिक व्याज देण्याचा निर्णय घेतला आहे. यापूर्वीचा हा दर ६.८५ टक्के होता. १५ महिन्यांच्या डिजिटल एफडी असलेल्या ग्राहकांना ११ ऑक्टोबरपासून ७.५ टक्के व्याज मिळणार आहे. यापूर्वी हा दर ७.१ टक्के होता. श्रीराम फायनान्सने १८ ते २३ महिन्यांच्या एफडीसाठीचे व्याजदरही वाढवले ​​आहेत.

NBFC ने म्हटले आहे की, ग्राहकांना आता या कालावधीसाठी ७.०५ टक्क्यांऐवजी ७.२५ टक्के व्याज मिळणार आहे. २४ ते ३५ महिन्यांच्या एफडी असलेल्या ग्राहकांना ७.१ टक्क्यांऐवजी ७.५ टक्के व्याज मिळेल. ३६ ते ६० महिन्यांच्या एफडीचे दरही वाढले आहेत. आता या स्मॉल फायनान्स बँकेने ७.५ टक्क्यांऐवजी ७.८५ टक्के व्याज देण्याची घोषणा केली आहे.

यांना मिळणार जास्त व्याजदर

NBFC नी ६० वर्षांवरील ज्येष्ठ नागरिकांना ०.५० बेसिस पॉइंट्स अधिक व्याज देण्याचा निर्णय घेतला आहे. महिलांनाही अतिरिक्त व्याज मिळेल. सर्व महिलांना ०.०५ टक्के अधिक व्याजदर मिळेल. याव्यतिरिक्त, जे ग्राहक मुदतपूर्तीनंतर त्यांच्या एफडीची मुदत वाढवण्याचा निर्णय घेतील, त्यांना ०.१५ टक्के व्याजदर मिळेल.

RBI ने व्याजदर वाढवल्यानंतर FD च्या दरात वाढ अपेक्षित होती. आता, भविष्यात इतर कोणत्या बँका त्यांचे एफडी दर वाढवतात हे पाहणे बाकी आहे. एफडीमध्ये निश्चित परतावा मिळतो. शेअर बाजार आणि सोन्याच्या बाजारातील लक्षणीय चढ-उतार पाहता, एफडी हा एक आश्वासक गुंतवणुकीचा पर्याय ठरू शकतो. एफडीमध्ये गुंतवणूक करताना, व्याजदरांसोबतच बँकेचे नियम आणि कायदे काळजीपूर्वक तपासा.

RBI Measures To Strengthen Rupee : Dollar ची विक्री, नियम कडक करणार… रुपयाला सावरण्यासाठी RBI घेणार कोणते मोठे निर्णय?