Bajaj Finance : FD गुंतवणूकदारांसाठी Good News! बजाज फायनान्सने वाढवले व्याजदर, ज्येष्ठांना ‘इतक्या’पर्यंत परतावा

Bajaj Finance: बजाज फायनान्स लिमिटेडने १२ ते ६० महिन्यांच्या फिक्सड् डिपॉझिटच्या व्याजदरात १५ ते ४० बेसिस पॉईंट्सची वाढ केली आहे. नव्या दरांनुसार सर्वसामान्य नागरिकांना ३१ ते ६० महिन्यांच्या नवीन ठेवींवर ७.७५ टक्क्यांपर्यंत वार्षिक परतावा मिळू शकतो

• बजाज फायनान्सने १२ ते ६० महिन्यांच्या FD व्याजदरात १५ ते ४० बेसिस पॉईंट्सची वाढ केली.
• सर्वसामान्य नागरिकांना ३१ ते ६० महिन्यांच्या FD वर ७.७५% पर्यंत परतावा मिळणार.
• ज्येष्ठ नागरिकांना याच मुदतीसाठी ८.१५% पर्यंत वार्षिक परतावा मिळणार.
• FD नूतनीकरण करणाऱ्या ज्येष्ठ नागरिकांना ८.२५% पर्यंत परतावा मिळू शकतो.
• किमान १५,००० रुपयांपासून ऑनलाइन किंवा शाखेतून FD करता येणार असून, FD ला ‘AAA/Stable’ मानांकन आहे.

 

Bajaj Finance FD Interest Rate Hike: देशातील अग्रेसर नॉन-बँकिंग वित्तीय कंपनी असलेल्या बजाज फायनान्स लिमिटेडने आपल्या फिक्सड् डिपॉझिट च्या व्याजदरात मोठी वाढ केली आहे. कंपनीने १२ ते ६० महिन्यांच्या सर्व मुदतींसाठी व्याजदरामध्ये १५ ते ४० बेसिस पॉईंट्सची वाढ केली असून, हे नवे दर आजपासून लागू झाले आहेत. या दरवाढीमुळे ठेवीदारांना, विशेषतः ज्येष्ठ नागरिकांना मोठा आर्थिक फायदा होणार आहे. Bajaj Finance FD 

मुदतीसाठी नवीन ठेवींवर आता वार्षिक

​या नवीन बदलांनुसार, सर्वसामान्य नागरिक ३१ ते ६० महिन्यांच्या मुदतीसाठी नवीन ठेवींवर आता वार्षिक ७.७५ टक्क्यांपर्यंतचा परतावा मिळवू शकतात. याआधी हा दर ७.४० टक्के होता. त्याचप्रमाणे, ज्येष्ठ नागरिकांना आता सर्व मुदतींवर मूळ दरापेक्षा अतिरिक्त ०.४० टक्के जास्त व्याज मिळणार असून, ३१ ते ६० महिन्यांच्या ठेवींवर त्यांना ८.१५ टक्क्यांपर्यंतचा उच्चांकी परतावा मिळू शकेल. Bajaj Finance

वार्षिक फायदा मिळणार

विशेष म्हणजे, ज्या ग्राहकांची मुदत संपलेली ठेव नूतनीकरण करायची आहे, त्यांना अतिरिक्त ०.१० टक्के वार्षिक फायदा मिळणार आहे. यामुळे ज्येष्ठ नागरिकांसाठी हा दर ८.२५ टक्क्यांपर्यंत पोहोचेल.

कर्जाच्या जाळ्यात अडकलेल्या Anil Ambani यांना आणखी एक धक्का! RCom Spectrum रद्द; पाहा केंद्राने का दिला निर्णय?

​बचतीचे एक महत्त्वाचे साधन

याविषयी बोलताना बजाज फायनान्सचे डिपॉझिट्स आणि वेल्थ मॅनेजमेंटचे वरिष्ठ कार्यकारी उपाध्यक्ष सचिन सिक्का म्हणाले की, “निश्चित परतावा शोधणाऱ्या ज्येष्ठ नागरिकांसाठी फिक्सड् डिपॉझिट हे नेहमीच बचतीचे एक महत्त्वाचे साधन राहिले आहे. आम्ही दीर्घकालीन मुदतीवर अधिक भर दिला आहे, जेणेकरून ठेवीदार पाच वर्षांपर्यंत उच्च परतावा मिळवू शकतील. आमची ही ट्रिपल-ए मानांकित ठेव ऑनलाईन पद्धतीने काही मिनिटांत उघडता येते.”

केंद्र सरकारचा मोठा निर्णय! विमान प्रवाशांनो इथे लक्ष्य् द्या… Mumbai Airport वरून 265 International Flights शिफ्ट होणार नाहीत!

​या सुविधेचा लाभ

बजाज फायनान्सच्या या ठेवींला CRISIL आणि ICRA कडून ‘AAA/Stable’ मानांकन मिळाले असून, यामध्ये किमान १५,००० रुपयांपासून गुंतवणूक करता येते. ग्राहक ऑनलाईन किंवा कंपनीच्या शाखांद्वारे या सुविधेचा लाभ घेऊ शकतात.