गेल्या वर्षाच्या तुलनेत बेरोजगारी दरात घट, ‘या’ कंपनीच्या अहवालातून माहिती समोर

देशात वाढती बेरोजगारी ही एक मोठी समस्या आहे, ज्याच्यावर नेहमीच सरकार सकारात्मक पाऊले उचलताना दिसते. नुकतेच गिगिन टेक्नॉलॉजीजच्या सीईओने एक महत्वाची माहिती दिली आहे.

देशात अनेक वेळा वाढती बेरोजगारीवरून राजकारण तापताना दिसते. ही वाढती बेरोजगारी सुशिक्षित तरुणांमध्ये जास्त असल्याने देशाच्या भवितव्याबाबत अनेक वेळा प्रश्न उचलले जाते. अशावेळी केंद्र आणि विविध राज्यातील राज्य सरकार अनेक सकारत्मक निर्णय घेताना दिसतात. ज्यामुळे बेरोजगारीच्या दरात घट होताना दिसत आहे. तसेच अनेक तरुण आपला स्वतः उद्योजकीय प्रवास सुरु करताना दिसत आहे, ज्यामुळे अनेक सुशिक्षित तरुणांच्या हाताला काम मिळत आहे. याचे उत्तम उदाहरण म्हणजे लेन्सकार्ट आणि झोमॅटोसारख्या कंपनीचे मालक हे तरुण आहेत, जे आज भारताला उद्योगक्षेत्रात एक सक्षम राष्ट्र बनवत आहे.

नुकताच Gigin Technologies नावाच्या सॉफ्टवेअर कंपनीने एक अहवाल सादर केला आहे. या अहवालात असे नमूद केले आहे की देशाच्या बेरोजगारी दरात घट झाली आहे. चला याविषयी कंपनीचे सीईओ काय म्हणतात, याबद्दल जाणून घेऊया.

विप्रोचे शेअर्स एका झटक्यात 50 टक्क्यांनी कोसळले; तुम्ही तर घेतला नाहीये ना? वाचा… नेमकं काय घडलं?

सध्या बेरोजगारी दरात आलेली घट हा एक सकारात्मक संकेत आहे. मात्र ही घसरलेली पातळी टिकवण्यासाठी सातत्यपूर्ण प्रयत्नांची गरज असेल. बेरोजगारी दर कमी होण्यामागे अनेक कारणे असू शकतात असे म्हणणे गिगिन टेक्नॉलॉजीजचे सीईओ, संस्थापक सुरिंदर भगत यांचे होते. त्यांनी सांगितले की सर्वप्रथम, महामारीनंतर झालेल्या आर्थिक सुधारणांमुळे आयटी, उत्पादन, आणि किरकोळ विक्री यांसारख्या क्षेत्रांमध्ये जास्त नोकऱ्या निर्माण झाल्या आहेत. याशिवाय, सरकारी पायाभूत सुविधा प्रकल्प आणि औद्योगिकीकरणाला चालना देण्यासाठी केलेल्या प्रयत्नांमुळेही रोजगाराच्या संधी वाढल्या आहेत. कौशल्य विकास, उद्योजकता आणि एमएसएमईसाठी आर्थिक सहाय्य यांसारख्या कार्यक्रमांमुळे विविध क्षेत्रांमध्ये रोजगाराच्या संधी वाढल्या आहेत.

जर उद्योगांचा विकास चालू राहिला आणि सरकार आर्थिक सुधारणा, कौशल्य विकास आणि पायाभूत सुविधांमध्ये गुंतवणूक करत राहिली, तर बेरोजगारी दर आणखी कमी होऊ शकतो. जागतिक आर्थिक परिस्थिती, महागाई आणि तांत्रिक बदल यांसारखे घटक या सुधारणेला तात्पुरतीच ठरवू शकतात जोपर्यंत ग्रामीण भागातील आणि असंघटित कामगार वर्गाच्या समस्या सोडवल्या जात नाहीत. पुढील काही वर्षांत बेरोजगारी दर कमी करण्यासाठी शिक्षण आणि कौशल्य विकास, ग्रामीण रोजगार, एमएसएमईंना प्रोत्साहन, डिजिटल पायाभूत सुविधा या क्षेत्रांमध्ये सुधारणा करणे आवश्यक आहे.

सध्या बेरोजगारी दर कमी झालेला आहे आणि तो आर्थिक विकासाच्या सध्याच्या गतीसह टिकून राहू शकतो, तसेच नोकऱ्या निर्माण करण्यासाठी सक्षम धोरणात्मक उपाय मिळत राहिले तर ही स्थिती कायम राहील. मात्र, जागतिक बाजारातील मंदी, तांत्रिक बदल, किंवा कौशल्य विकासावर पुरेसं लक्ष न दिल्यास बेरोजगारी दर पुन्हा वाढू शकतो. मजबूत, विविधतापूर्ण अर्थव्यवस्थेसह लवचिक उद्योग राखणे आवश्यक आहे, ज्यामुळे बेरोजगारी दरात घट टिकवून ठेवता येईल असे सुरिंदर भगत यांनी नमूद केले.