खेळाडूंसाठी खुशखबर! आता रेल्वेत ‘या’ स्पर्धांची प्रमाणपत्रेही नोकरीसाठी ग्राह्य धरली जाणार

भारतीय रेल्वेने खेळाडूंच्या भरतीसाठी मोठा निर्णय घेतला आहे. आता मान्यता नूतनीकरण न झालेल्या फेडरेशन्सच्या स्पर्धांमधील प्रमाणपत्रेही नोकरी आणि पदोन्नतीसाठी स्वीकारली जातील. जाणून घ्या रेल्वेने नेमके काय बदल केले आहेत.

• खेळाडूंसाठी खुशखबर!
• आता रेल्वेत ‘या’ स्पर्धांची प्रमाणपत्रेही नोकरीसाठी ग्राह्य धरली जाणार
• नवा नियम काय आहे?

भारतीय रेल्वेने स्पोर्ट्स कोट्यातून होणारी भरती आणि खेळाडूंच्या अडचणी दूर करण्यासाठी एक महत्त्वाचा निर्णय घेतला आहे. यानुसार, ज्या नॅशनल स्पोर्ट्स फेडरेशन्सची (NSFs) मान्यता युवा कार्य आणि क्रीडा मंत्रालयाकडून वेळेत नूतनीकरण (Renew) होत नाही, त्यांच्याद्वारे आयोजित केलेल्या स्पर्धांची प्रमाणपत्रे देखील आता रेल्वेमध्ये नोकरीसाठी ग्राह्य धरली जातील. रेल्वे बोर्डाने यासंदर्भात सर्व विभागीय रेल्वे आणि उत्पादन युनिट्सना स्पष्ट निर्देश जारी केले आहेत.

खेळाडूंची भरती स्पोर्ट्स कोट्यातून

रेल्वेमध्ये खेळाडूंची भरती त्यांच्या खेळातील कामगिरीच्या आधारावर होते. यासाठी राष्ट्रीय किंवा आंतरराष्ट्रीय स्पर्धांमध्ये मिळालेली प्रमाणपत्रे आवश्यक असतात, जी मान्यताप्राप्त फेडरेशन्सच्या अंतर्गत आयोजित केलेली असावीत. आतापर्यंत, जर एखाद्या फेडरेशनच्या वार्षिक मान्यतेत विलंब झाला किंवा काही वाद निर्माण झाला, तर खेळाडू गोंधळात पडायचे.

नवा नियम काय आहे?

रेल्वे बोर्डाने स्पष्ट केले आहे की, ज्या फेडरेशनला मंत्रालयाने शेवटची मान्यता दिली होती, ते मान्यताप्राप्त मानले जाईल. जर मंत्रालयाकडून त्या फेडरेशनच्या निलंबन किंवा नवीन फेडरेशनला मान्यता मिळाल्याचे अधिकृत पत्र आले, तरच पुढील कारवाई केली जाईल. विशेष बाब म्हणजे, जर एखाद्या फेडरेशनची मान्यता मागील तारखेपासून रद्द करण्यात आली असेल, तरीही त्या काळात झालेल्या टूर्नामेंटमधील प्रमाणपत्रे प्रोत्साहन, वेतनवाढ  आणि पदोन्नतीसाठी वैध मानली जातील.

हे देखील वाचा: गृहनिर्माण क्षेत्रासाठी सणासुदीचा काळ ठरतोय वरदान! चौथ्या तिमाहीत घरांच्या मागणीत 30 % वाढ

भरती नियमांमध्ये बदल

भरतीच्या बाबतीतही, जर टॅलेंट स्काउटिंगअंतर्गत ऑफर लेटर जारी झाले असेल किंवा जाहिरातीद्वारे अंतिम पॅनेल छापले गेले असेल, तर निवड वैध मानली जाईल. जिथे ही प्रक्रिया अपूर्ण असेल, तिथे भरतीची प्रक्रिया तात्काळ थांबवली जाईल आणि आतापर्यंत झालेले ट्रायल्स किंवा वैद्यकीय तपासणी रद्द मानली जाईल.

आंतरराष्ट्रीय खेळाडूंना दिलासा

रेल्वेने हे देखील स्पष्ट केले आहे की, जर एखाद्या खेळाडूने सरकार किंवा स्पोर्ट्स अथॉरिटी ऑफ इंडिया (SAI) च्या परवानगीने कोणत्याही आंतरराष्ट्रीय स्पर्धेत देशाचे प्रतिनिधित्व केले असेल, तर त्याची कामगिरी भरती आणि प्रोत्साहन दोन्हीसाठी वैध मानली जाईल, भलेही त्या फेडरेशनची मान्यता वादात असली तरीही. रेल्वे बोर्डाने जुनी प्रकरणे पुन्हा उघडली जाणार नाहीत, असेही सांगितले आहे.