रिलायन्सच्या गुंतवणुकदारांसाठी आनंदाची बातमी; कंपनी एकावर एक शेअर फ्री देणार!

मुकेश अंबानी यांच्या रिलायन्स इंडस्ट्रीज लिमिटेडच्या बोर्डाने एक मोठी घोषणा केली आहे. यानुसार, आता गुंतवणुकदारांना 1:1 या प्रमाणात बोनस शेअर्स देण्यास मान्यता देण्यात आली आहे. त्यामुळे आता कंपनी आपल्या गुंतवणूकदारांना दिवाळी गिफ्ट देणार आहे. शेअर धारकांना एकावर एक शेअर फ्री मिळणार आहे.

मुकेश अंबानी यांच्या रिलायन्स इंडस्ट्रीजने बोनस शेअर्स देण्याची घोषणा केली आहे. कंपनीच्या गुंतवणुकदारांना एका शेअरवर एक बोनस शेअर दिला जाणार आहे. रिलायन्स इंडस्ट्रीज लिमिटेडच्या बोर्डाने बोनस शेअर्स देण्यास मान्यता दिली आहे. यासोबतच बोर्डाने अथोराइज्ड शेअर कॅ रिलायन्स इंडस्ट्रीजकडून सात वर्षांनंतर बोनस शेअर्स देण्यात येणार आहे. जाणून घेऊया हे बोनस शेअर्स कधीपर्यंत दिले जाऊ शकतात.

रेकॉर्ड डेट स्वतंत्रपणे कळवण्यात येणार

मागील आकडेवारीनुसार बोनस शेअर्स देण्याची रेकॉर्ड डेट ऑक्टोबर महिन्यात असू शकते. यापूर्वी रिलायन्स इंडस्ट्रीजने 1980, 1983, 1997, 2009 आणि 2017 मध्ये बोनस इश्यू जाहीर केले होते. आता सात वर्षांनंतर पुन्हा एकदा रिलायन्स आपल्या गुंतवणुकदारांना गिफ्ट देत आहे. मात्र, बोनस शेअर्स देण्याच्या तारखेच्या संदर्भात अद्याप कोणतीही घोषणा करण्यात आलेली नाहीये. कंपनीकडून याची रेकॉर्ड डेट स्वतंत्रपणे कळवण्यात येणार आहे.

हे देखील वाचा – गुंतवणूकदारांना संधी! 13 सप्टेंबरला लॉन्च होणार वेस्टर्न करिअर्सचा आयपीओ; वाचा… सविस्तर

रेकॉर्ड डेट 20 ऑक्टोबर नंतरची असू शकते

यापूर्वी म्हणजेच 2017 मध्ये रिलायन्सने 21 जुलै रोजी बोनसची घोषणा केली होती आणि त्याची रेकॉर्ड डेट 9 सप्टेंबर होती. 2009 मध्ये कंपनीने इश्यूची घोषणा 7 ऑक्टोबरमध्ये केली होती आणि त्याची रेकॉर्ड डेट 27 नोव्हेंबर होती. 1997 मध्ये बोनस इश्यूची घोषणा 13 सप्टेंबर होती आणि त्याची रेकॉर्ड डेट 29 नोव्हेंबर होती. म्हणजेच सरासरी कंपनी बोनस इश्यूची घोषणा केल्यावर त्याच्या रेकॉर्ड डेटमध्ये साधारणपणे 40 ते 50 दिवसांचे अंतर असते. या पॅटर्ननुसार, 2024 बोनस इश्यूची रेकॉर्ड डेट 20 ऑक्टोबर नंतरची असू शकते.

शेअर्समध्ये आतापर्यंत 17 टक्क्यांनी वाढ

कंपनीच्या आयपीओनंतर रिलायन्स इंडस्ट्रीजचा हा सहावा बोनस इश्यू असणार आहे. रिलायन्स इंडस्ट्रीजने 2017 मध्ये 1:1 च्या प्रमाणात बोनस शेअर्स दिली होते. यानंतर 2020 मध्ये राईट्स इश्यू आला होता जेथे शेअर होल्डर्सची गुंतवणूक 2.5 पटीने वाढली. जुलै 2023 मध्ये जिओ फायनान्शियल सर्व्हिसेसला डीमर्ज करण्यात आले आणि त्याचे मूल्य आता लिस्टिंगच्या वेळीपेक्षा 35 टक्क्यांनी जास्त आहे. 2024 मध्ये रिलायन्स इंडस्ट्रीजच्या शेअर्समध्ये आतापर्यंत 17 टक्क्यांनी वाढ झाली आहे आणि शेअरची किंमत 3000 रुपयांच्यावर पोहोचली आहे. सध्या स्टॉक 3200 च्या आपल्या उच्चांकी पातळीवर आहे.

(टीप : शेअर बाजार, म्यूच्यूअल फंड हे जोखमीच्या अधीन असतात. वरती दिलेली माहिती माहितीस्तव देण्यात आली आहे. गुंतवणुकीसाठी शिफारस, सल्ला देण्याचा यामागील उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)