GST बाबत मोठा निर्णय लांबणीवर! Council Meeting ची तारीख पुन्हा बदलली; नेमकं काय आहे कारण?

GST Council Meeting New Date : केंद्रीय वित्तमंत्री निर्मला सीतारामन यांच्या अध्यक्षतेखाली होणारी जीएसटी कौन्सिलची ५७ वी बैठक पुन्हा एकदा पुढे ढकलण्यात आली आहे. पूर्वी ७ ऑक्टोबर रोजी प्रस्तावित असलेली ही महत्त्वाची बैठक आता या तारखेला नवी दिल्लीतील भारत मंडपम येथे पार पडणार आहे.

• GST बाबत मोठा निर्णय लांबणीवर!
• Council Meeting ची तारीख पुन्हा बदललीृ
• नेमकं काय आहे कारण?

GST Council Meeting New Date : व्यापारी आणि करदात्यांना उत्सुकता लागून राहिलेल्या GST बाबत होणारी GST परिषदेच्या ५७ व्या बैठकीच्या तारखेबाबत मोठी अपडेट आली आहे. जीएसटी परिषदेची ५७ वी बैठक ७ ऑक्टोबर रोजी होणार होती. मात्र आता या तारखेला ही बैठक होणार नसून बैठक पुढे ढकलण्यात आली आहे. तिची नवीन तारीख जाहीर झाली आहे. सोमवारी जीएसटी परिषद सचिवालयाने जारी केलेल्या कार्यालयीन पत्रकानुसार, नेमकी कोणती तारीख जाहीर करण्यात आली सविस्तर जाणून घेऊयात. ( GST Council Meeting New Date ) 

Solar News : आता वीज बिल येणार झिरो! पाचोऱ्यात हजारो ग्राहकांचा सोलर योजनेला उदंड प्रतिसाद; अवघ्या 8-10 दिवसांत प्रक्रिया पूर्ण

जीएसटी परिषदेची बैठक एक दिवसाने पुढे ढकलण्यात आली आहे. 7 ऑक्टोबरला होणारी ही बैठक ८ ऑक्टोबर रोजी होणार आहे. ही बैठक ८ ऑक्टोबर रोजी नवी दिल्लीतील भारत मंडपमच्या समिट रूममध्ये सकाळी ११ वाजल्यापासून सुरु होईल.

GST परिषदेची बैठक पुढे ढकलण्यामागे काय कारण?

अपरिहार्य परिस्थितीमुळे जीएसटी परिषदेची बैठक ८ ऑक्टोबरपर्यंत पुढे ढकलण्यात आली आहे. अर्थमंत्री निर्मला सीतारामन यांच्या अध्यक्षतेखालील या परिषदेत राज्यांच्या अर्थमंत्र्यांचाही समावेश असणार असून, ही बैठक एका वर्षापेक्षा जास्त काळानंतर होणार आहे.
५ ऑक्टोबरचा मेमोरेंडम रेवेन्यू सेक्रेटरीच्या मान्यतेने जारी करण्यात आला, जे जीएसटी परिषदेचे पदसिद्ध सचिव देखील आहेत. सचिवालयाने जीएसटी परिषदेच्या सदस्यांना अनुसूचीमधील बदलांविषयी माहिती देण्याचे निर्देश दिले आहेत. यापूर्वी, ब्रिक्स शिखर परिषदेमुळे GST परिषदेची बैठक पुढे ढकलण्यात आली होती.

मागील बैठकीत काय निर्णय?

मागील बैठकीत जीएसटी दरात कपात करण्याबाबत एक महत्त्वपूर्ण निर्णय घेण्यात आला होता. जीएसटी परिषदेची ५६ वी बैठक ३-४ सप्टेंबर, २०२५ रोजी झाली, ज्यात केंद्र आणि राज्यांनी वस्तू आणि सेवा कर GST दर आणि स्लॅबमध्ये मोठे बदल करण्याचा निर्णय घेतला. २२ सप्टेंबर, २०२५ पासून, जीएसटी ५% आणि १८% अशा दोन-स्तरीय रचनेत बदलण्यात आला, ज्यात अति-आलिशान आणि ‘सिन गुड्स’साठी ४०% चा सर्वोच्च दर असेल. याने १ जुलै, २०१७ पासून लागू असलेले ५%, १२%, १८% आणि २८% चे चार स्लॅब रद्द केले आहेत.

PM Kisan योजनेचा 24 वा हप्ता येण्यापूर्वी 4 मोठ्या अपडेट! शेतकऱ्यांनो, तात्काळ करा ‘ही’ कामे!