e-Passport Online : आता पासपोर्ट बनणार झटपट? ई-पासपोर्टसाठी करा ऑनलाईन अर्ज; जाणून घ्या आवश्यक कागदपत्रे आणि संपूर्ण प्रोसेस

e-Passport Online : भारतीय नागरिकांसाठी परदेश प्रवास अधिक सुरक्षित आणि सोपा करण्यासाठी केंद्र सरकारकडून e-Passport जारी केले जात आहेत. पारंपरिक पासपोर्टपेक्षा अधिक सुरक्षित असलेल्या या नवीन इलेक्ट्रॉनिक पासपोर्टसाठी ऑनलाईन अर्ज असा करा.

• आता पासपोर्ट बनणार झटपट?
• ई-पासपोर्टसाठी करा ऑनलाईन अर्ज
• जाणून घ्या आवश्यक कागदपत्रे आणि संपूर्ण प्रोसेस

e-Passport Online : जेव्हा तु्म्ही परदेशात प्रवास करता, तेव्हा सर्वात महत्त्वाची गोष्ट असते ती म्हणजे पासपोस्ट. पण जर तुमचं हे महत्त्वाचं पासपोर्ट कुठे हरवलं तर सगळाच गोंधळ होईल. पण तुम्हाला माहिती आहे का ? यावर पण खूप चांगला पर्याय म्हणजे ई पासपोर्ट तुम्ही वापरु शकता. महत्त्वाचं म्हणजे ही सुविधा आता भारतात सुरु करण्यात आली आहे. ई पासपोर्ट दिसायला सामान्य पासपोर्टसारखंच असतं. फक्त त्याच्या मुखपृष्ठावर एक चिप बसवलेली असते. नेमकी काय आहे ही चिप आणि कसं असतं ई पासपोर्ट? जाणून घेऊयात. ( e-Passport Online ) 

Milk Price Hike : मोठा फटका…1 नोव्हेंबरपासून दूध महागणार! ग्राहकांना प्रति लिटर मोजावे लागणार ‘इतके’ रुपये

दिसायला जरी साधं आणि सामान्य पासपोर्टसारखचं दिसत असलं तरीही त्याच्या मुखपृष्ठावर एक चिप बसवलेली असते. या चिपमध्ये व्यक्तीची सर्व माहिती असते. अर्ज कसा करायचा आणि कोणती कागदपत्रे लागतात याबाबत माहिती घेऊयात.

e-Passport म्हणजे काय?

e-Passport च्या मुखपृष्ठावर एक चिप बसवलेली असते. या चिपमध्ये व्यक्तीची वैयक्तिक माहिती असते. ही चिप बायोमेट्रिक डेटा, बोटांचे ठसे आणि इतर वैयक्तिक माहिती डिजिटल स्वरूपात साठवते. हा सामान्य पासपोर्टसारखाच असतो, फक्त त्याच्या मुखपृष्ठाच्या तळाशी एक छोटी सोनेरी चिप असते. यामुळे हा ई-पासपोर्ट असल्याचे सूचित होते. खरी चिप पासपोर्टच्या आतच राहते. कोणीही ई-पासपोर्टसाठी अर्ज करू शकतो, मग ते नवीन पासपोर्ट बनवत असोत किंवा त्याचे नूतनीकरण करत असोत. पण जर तो अद्याप तुमच्या शहरात आला नसेल, तर तुम्हाला तो मिळू शकणार नाही.

कसा करायचा अर्ज?

सर्वप्रथम, तुम्हाला अधिकृत पासपोर्ट वेबसाइटला भेट द्या.
जर तुम्ही अद्याप नोंदणी केली नसेल, तर तुम्हाला ती आधी करावी लागेल. विद्यमान वापरकर्ते थेट लॉग इन करू शकतात.
पुढे, फॉर्ममध्ये आवश्यक माहिती आणि कागदपत्रे सादर करा. त्यानंतर तुम्हाला पासपोर्ट सेवा केंद्र किंवा पोस्ट ऑफिसमध्ये अपॉइंटमेंट घ्यावी लागेल.
मग, पासपोर्ट सेवा केंद्रावर जा आणि तुमच्या कागदपत्रांची पडताळणी केली जाईल. शेवटी, तुमचा पासपोर्ट तुमच्या घरी पोहोचवला जाईल.

कोणती कागदपत्रे आवश्यक?

ई-पासपोर्ट मिळवण्यासाठी, तुम्हाला खालील कागदपत्रे सादर करावी लागतील:

ओळखपत्र
आधार कार्ड
पॅन कार्ड
मतदार ओळखपत्र
पत्त्याचा पुरावा
वीज बिल
जन्मतारखेचा पुरावा
जन्म दाखला

किती लागेल फी?

ई-पासपोर्ट शुल्कामध्ये कोणताही बदल नाही. ते पूर्वीप्रमाणेच आहे. ई-पासपोर्टसाठी शुल्क खालीलप्रमाणे आहे:

३६ पानांच्या पुस्तकासाठी ₹१,५०० लागतील.
६० पानांच्या पुस्तकासाठी ₹२,००० लागतील.
तुम्ही त्वरित सेवा निवडल्यास, शुल्क ₹३,५०० ते ₹४,००० पर्यंत वाढू शकते.

त्यामुळे तुम्हाला लगेच पासपोर्टची आवश्यकता असेल तर आताच ई पास्टपोर्टसाठी अप्लाय करु शकता. त्यामुळे तुमचा परदेशी प्रवास सोपा आणि सहज होईल.

India Mexico Trade Deal : US Trade च्या चर्चांमध्ये भारताची मेक्सिकोसोबत मोठी डील! ‘या’ क्षेत्रांमध्ये होणार बंपर व्यापार