ICICI Bank Result: पहिल्या तिमाहीत ICICI Bank ने कमावले 13,558 कोटी, नेट प्रॉफिटमध्ये 15.9% ची उसळी

देशातील आघाडीच्या खाजगी बँकांपैकी एक असलेल्या ICICI Bank ने चालू आर्थिक वर्षाच्या पहिल्या तिमाहीत सकारात्मक आकडेवारी सादर केली असून एकत्रित निव्वळ नफा १५.९ टक्क्यांनी वाढून १३,५५८ कोटी रुपये झाला

देशातील आघाडीच्या खाजगी बँकांपैकी एक असलेल्या आयसीआयसीआय बँकेने चालू आर्थिक वर्ष २०२५-२६ च्या पहिल्या तिमाहीत उत्कृष्ट कामगिरी नोंदवली आहे. एप्रिल ते जून या तिमाहीत बँकेचा निव्वळ नफा १५.९ टक्क्यांनी वाढून १३,५५८ कोटी रुपये झाला आहे. गेल्या वेळी याच कालावधीत हा नफा ११,६९६ कोटी रुपये होता.

बँकेच्या मते, स्वतंत्र आधारावरही निव्वळ नफ्यात १५.५ टक्क्यांची वाढ झाली आहे, जी १२,७६८ कोटी रुपयांवर पोहोचली आहे. या आकडेवारीमुळे वित्तीय तज्ञांना सकारात्मक संकेत मिळाले आहेत की बँकेने कर्ज वसुली आणि कार्यक्षमतेच्या आघाडीवर मोठी प्रगती केली आहे (फोटो सौजन्य – iStock) 

निव्वळ व्याज उत्पन्नातही वाढ 

बँकेचे निव्वळ व्याज उत्पन्न (NII) म्हणजेच व्याजातून मिळणारे उत्पन्न देखील १०.६% ने वाढून २१,६३५ कोटी रुपये झाले आहे. त्याच वेळी, बँकेचे इतर उत्पन्न, ज्यामध्ये शुल्क, सेवा शुल्क आणि व्यवहारांमधून मिळणारे पैसे समाविष्ट आहेत, ते १३.७% ने वाढून ७,२६४ कोटी रुपये झाले आहे. तथापि, निव्वळ व्याज मार्जिन (NIM) मध्ये थोडीशी घट झाली आहे. जानेवारी-मार्च तिमाहीत ते ४.४१% होते, जे आता ४.३४% पर्यंत खाली आले आहे.

आयसीआयसीआय बँकेने तिच्या बुडीत कर्जांवर म्हणजेच अनुत्पादक मालमत्तांवर (Gross NPA) देखील नियंत्रण ठेवले आहे. ३० जून २०२५ पर्यंत बँकेचे एकूण NPA प्रमाण १.६७% होता, तर गेल्या वर्षी तो २.१५% होता. हे बँकेच्या मालमत्तेच्या गुणवत्तेत सुधारणा दर्शवते. बँकेने या तिमाहीत १,८१५ कोटी रुपयांची तरतूद केली आहे, म्हणजेच जोखीम लक्षात घेऊन राखीव निधीमध्ये पैसे ठेवले आहेत.

HDFC Bank Q1 Result: एचडीएफसी बँकेला तगडा नफा, पहिल्यांदाच देणार बोनस शेअर आणि रू. 5 चे लाभांश

एनपीएमध्ये स्थिरता, परंतु तरतूदीत दुप्पट वाढ

बँकेच्या मालमत्तेच्या गुणवत्तेत कोणताही मोठा बदल दिसून आला नाही. मार्च तिमाहीप्रमाणे, एकूण एनपीए १.६७% वर स्थिर राहिला. तथापि, निव्वळ एनपीए मागील तिमाहीतील ०.३९ टक्क्यांवरून किंचित वाढून ०.४१ टक्क्यांपर्यंत पोहोचला. दुसरीकडे, जोखीम लक्षात घेऊन, बँकेने प्रोव्हिजनिंगमध्ये मोठी वाढ केली. मार्च तिमाहीतील ८९० कोटी रुपयांवरून जून तिमाहीत १,८१४ कोटी रुपयांपर्यंत वाढ झाली.

३ महिन्यांत शेअर्सच्या किमतीत ८५ टक्क्यांनी वाढ

ICICI Bank चा शेअर शेवटच्या ट्रेडिंग दिवशी म्हणजेच १८ जुलै २०२५ रोजी ०.५३ टक्क्यांनी वाढून १,४२६.५० रुपयांवर बंद झाला. बँकेच्या शेअर्सच्या किमतीच्या इतिहासावर नजर टाकल्यास, गेल्या एका आठवड्यात ०.३० टक्क्यांनी किरकोळ वाढ झाली आहे. गेल्या एका महिन्यात त्यात १.०१ टक्के वाढ झाली आहे. गेल्या ३ महिन्यांत कंपनीच्या शेअर्सने १.४१ टक्के परतावा दिला आहे. या वर्षी शेअर्सने ११.२७ टक्के वाढ केली आहे. गेल्या एका वर्षात शेअर्सने १४.१४ टक्के परतावा दिला आहे. गेल्या ३ वर्षांत शेअर्सच्या किमतीत ८४.७९ टक्के वाढ झाली आहे.

920000000 रुपयांच्या घोटाळ्यात Anil Ambani ना मोठा दिलासा, NCLT ने उचलले ‘हे’ पाऊल; गुंतवणूकदारांमध्ये जल्लोष

टीपः गुंतवणूक बाजारातील जोखमींच्या अधीन असते. जर तुम्हाला यामध्ये पैसे गुंतवायचे असतील तर प्रथम प्रमाणित गुंतवणूक सल्लागाराचा सल्ला घ्या. तुमच्या कोणत्याही प्रकारच्या नफ्यासाठी किंवा तोट्यासाठी Navarashtra.com जबाबदार राहणार नाही.