ICICI लोम्बार्डच्या Caring Hands उपक्रमाची १४ वर्षांची यशस्वी वाटचाल! ५.५ लाखांहून अधिक मुला-मुलींना ‘नवदृष्टी’ प्रदान

आयसीआयसीआय लोम्बार्डच्या 'केअरिंग हँड्स' CSR उपक्रमाने १४ वर्षे पूर्ण केली आहेत. याअंतर्गत देशभरात ५.५ लाखांहून अधिक शालेय मुलामुलींच्या डोळ्यांची तपासणी करून ५० हजारांहून अधिक मुलांना मोफत चष्मे दिले आहेत.

 

• आयसीआयसीआय लोम्बार्डने मोफत नेत्र तपासणी
• उपचारातून साधला मोठा सामाजिक बदल
• ५.५ लाखांहून अधिक मुला-मुलींना ‘नवदृष्टी’ प्रदान

भारतातील आघाडीच्या खासगी जनरल इन्शुरन्स कंपन्यांपैकी एक असलेल्या आयसीआयसीआय लोम्बार्ड (ICICI Lombard) च्या ‘केअरिंग हँड्स’ (Caring Hands) या प्रमुख सीएसआर (CSR) उपक्रमाने आपल्या वाटचालीची १४ वर्षे यशस्वीरित्या पूर्ण केली आहेत. या प्रदीर्घ कालावधीत, कंपनीने वंचित समुदायातील शालेय मुला-मुलींच्या डोळ्यांचे आरोग्य सुधारण्यासाठी महत्त्वपूर्ण योगदान दिले आहे. २०११ मध्ये सुरू झालेला हा उपक्रम भारतात कर्मचाऱ्यांच्या नेतृत्वाखालील आरोग्य सेवा क्षेत्रातील एक महत्त्वाचा उपक्रम ठरला आहे.

उपक्रमाची आकडेवारी आणि परिणाम

‘केअरिंग हँड्स’ उपक्रमांतर्गत देशभरातील शालेय मुला-मुलींची मोफत नेत्रतपासणी केली जाते आणि दृष्टीदोष टाळण्यासाठी त्यांना चष्मे दिले जातात. या वाटचालीत आतापर्यंत ५.५ लाखांहून अधिक मुला-मुलींच्या डोळ्यांची तपासणी करण्यात आली आहे, तर ५०,००० हून अधिक मुला-मुलींना चष्मे वितरित करण्यात आले आहेत. अंदाजे ३.४ दशलक्ष शाळकरी मुलांना दृष्टीदोषावर उपचार न घेता शिक्षण घ्यावे लागते. दृष्टीदोषावर उपचार केल्यामुळे ही मुले वर्गात स्पष्टपणे दिसत असलेल्या मुलांच्या तुलनेत निम्मेच शिक्षण ग्रहण करतात. ‘केअरिंग हँड्स’मुळे अनेक विद्यार्थ्यांना ब्लॅकबोर्ड स्पष्टपणे दिसू लागला, ज्यामुळे त्यांच्या शिक्षणातील मोठी दरी कमी झाली.

हे देखील वाचा: Demonetized Currency: तुमच्याकडेही नोटबंदीच्या काळातील जुन्या नोटा आहेत का? मग शिक्षेसाठी तयार राहा

यंदाच्या वर्षाचा महत्त्वाचा टप्पा

यंदाच्या वर्षी राबविण्यात आलेल्या ‘केअरिंग हँड्स’ उपक्रमाने यशाचा आणखी एक महत्त्वाचा टप्पा गाठला आहे. देशभरात कंपनीच्या कर्मचाऱ्यांनी एकत्र येऊन २७५ पेक्षा अधिक शिबिरांचे आयोजन केले. या शिबिरांमध्ये ५०,००० हून अधिक शाळकरी मुला-मुलींची नेत्रतपासणी करण्यात आली.

कर्मचारी-नेतृत्वाखालील उपक्रम

आयसीआयसीआय लोम्बार्डच्या कॉर्पोरेट कम्युनिकेशन्स आणि सीएसआर विभागाच्या प्रमुख शीना कपूर म्हणाल्या, “केअरिंग हँड्स उपक्रम आपली १४ वर्षे पूर्ण करत असताना, हा उपक्रम केवळ सीएसआरपुरता मर्यादित नसून तो खूप अर्थपूर्ण उपक्रम बनला आहे.”

• स्वयंसेवकांचे समर्पण: हा उपक्रम स्वयंसेवकांद्वारे सुरुवातीपासून शेवटपर्यंत राबवला जातो. शाळा आणि नेत्ररोग तज्ञांशी समन्वय साधण्यापासून ते सामानाची ने-आण आणि पाठपुरावा करण्यापर्यंत प्रत्येक टप्प्यावर कर्मचारी जबाबदारीचे पालन करतात.
• एकाच दिवशी आयोजन: दोन महिन्यांपेक्षा जास्त कालावधीसाठी या उपक्रमाचे नियोजन केले जात असले तरी, देशभरात एकाच दिवशी सर्व नेत्र तपासणी शिबिरे आयोजित केली जातात, याचा आम्हाला अभिमान आहे.

हे देखील वाचा: “MMRDA अन् ब्रुकफिल्ड च्या नेतृत्वात आशियातील सर्वात मोठे…”; मुख्यमंत्री देवेंद्र फडणवीसांचे भाष्य