इंडिगोची यंत्रणा ठप्प; देशभरात अडकले प्रवासी, एअरलाइन्सने मागितली माफी!

इंडिगो ही भारतातील कमी दराने विमानसेवा पुरवणारी एक विमान वाहतूक कंपनी आहे. मात्र, आज (ता.५) शनिवारी इंडिगो एअरलाईन्सची यंत्रणा अचानक ठप्प झाली आहे. त्यामुळे देशभरातील विविध विमानतळांवर प्रवासी अडकून पडले असून, प्रवाशांची गैरसोय झालेली पाहायला मिळत आहे.

इंडिगो ही भारतातील कमी दराने विमानसेवा पुरवणारी एक विमान वाहतूक कंपनी आहे. इंडिगोचे मुख्यालय गुरगांव येथे असून, मे २०१४ रोजी भारतामधील एकूण हवाई प्रवासी वाहतूकीचा ३२.३ टक्के इतका वाटा इंडिगोचा होता. ही कंपनी कमी दरात सेवा देणाऱ्या जगातील कंपन्यांमध्ये सर्वात वेगाने प्रगती करणाऱ्यांपैकी एक आहे. मात्र, आज (ता.५) शनिवारी इंडिगो एअरलाईन्सची यंत्रणा अचानक ठप्प झाली आहे. त्यामुळे देशभरातील विविध विमानतळांवर प्रवासी अडकून पडले आहेत.

प्रवाशांचे नागरी विमान वाहतूक महासंचालनालयाकडे मदतीचे साकडे

दरम्यान, आता अडकलेल्या प्रवाशांनी केंद्र सरकारच्या नागरी विमान वाहतूक महासंचालनालयाकडे (डीजीसीए) मदतीचे आवाहन केले आहे. मध्यरात्री 12.30 वाजता हे संकट सुरू झाले होते. त्यामुळे केवळ विमाने उडू शकलेली नाहीत तर ग्राउंड सेवाही ठप्प झाली आहे. त्यामुळे प्रवासी त्रस्त झाले आहेत. या त्रासाबद्दल इंडिगो एअरलाइन्सने प्रवाशांची माफी मागितली आहे.
(फोटो सौजन्य – istock)

हे देखील वाचा – 32,000 कोटी घेऊन चीनमध्ये पळाले; विदेशी गुंतवणुकदारांचा भारतीय बाजारातून काढता पाय!

वेबसाइट, बुकिंग यंत्रणा ठप्प

सोशल मीडिया प्लॅटफॉर्म एक्सवर अनेक प्रवाशांनी त्यांच्या समस्यांबद्दल लिहिले आहे. या तांत्रिक समस्येमुळे प्रवाशांना ना फ्लाईटमध्ये चढता येत आहे. ना तिकीट काढता येत आहे. प्रवाशांना आपल्या प्रवासाला होणाऱ्या विलंबामुळे विमानतळावर प्रवाशांची घोर निराशा झाली आहे. इंडिगोने लिहिले आहे की, आमच्या नेटवर्कवर एक छोटीशी समस्या आली आहे. त्यामुळे इंडिगोची वेबसाइट आणि बुकिंग यंत्रणा काम करत नाहीये. यामुळे ग्राहकाला चेक इन करण्यासाठी बराच वेळ प्रतीक्षा करावी लागू शकते. आमची टीम त्याचे निराकरण करत आहे. गैरसोयीबद्दल आम्ही दिलगीर आहोत. आम्ही शक्य तितक्या लवकर परिस्थिती सुधारू. असे इंडिगो एअरलाईन्सकडून सांगण्यात आले आहे.

See more

#6ETravelAdvisory : We are currently experiencing a temporary system slowdown across our network, affecting our website and booking system. As a result, customers may face increased wait times, including slower check-ins and longer queues at the airport. (1/3)

— IndiGo (@IndiGo6E) October 5, 2024

विमानतळावर रेल्वे स्टेशनसारखे दृश्य

देशातील सर्वात मोठी एअरलाइन इंडिगो दररोज सुमारे 2000 उड्डाणे चालवते. यामध्ये देशांतर्गत आणि आंतरराष्ट्रीय विमानांचा समावेश आहे. त्यामुळे हे संकट मोठे झाले आहे. एका युजरने सोशल मीडियावर लिहिले की, इंडिगो नवीन विमाने खरेदी करत आहे. पण ग्राउंड सर्व्हिस वाढवण्यासाठी काहीही करू इच्छित नाही. आम्ही तासनतास अडकून आहोत आणि काहीही होत नाही. वृद्ध लोकही चिंतेत आहेत. डीजीसीएने यावर तातडीने कारवाई करावी. एका वापरकर्त्याने विमानतळाचे वर्णन रेल्वे स्थानकासारखे झाले असल्याचे म्हणत परिस्थितीचा फोटो शेअर केला आहे.

See more

Technical Glitch at @IndiGo6E
Airport looks like Railway Station #indigo #monopoly #delays pic.twitter.com/fFfMf64G5o

— Professor (@Masterji_UPWale) October 5, 2024