ज्येष्ठ नागरिकांसाठी १० वर्षांच्या एफडीवर ७.७५ टक्यापर्यंत व्याज, १ एप्रिलपासून लागू होतील नवीन टीडीएस नियम (फोटो सौजन्य - सोशल मीडिया)
FD Marathi News: जर तुम्ही ज्येष्ठ नागरिक (६० वर्षे किंवा त्याहून अधिक वयाचे) असाल आणि तुमची बचत दीर्घकाळासाठी सुरक्षितपणे गुंतवू इच्छित असाल, तर तुमच्यासाठी ही एक सुवर्णसंधी आहे. अनेक खाजगी बँका १० वर्षांच्या मुदत ठेवींवर (एफडी) ७.७५ टक्के पर्यंत व्याजदर देत आहेत, जे सध्याच्या बाजार परिस्थितीत एक आकर्षक पर्याय ठरू शकते.
रिझर्व्ह बँक ऑफ इंडिया (RBI) ने रेपो दर 6.25 टक्क्यापर्यंत कमी केल्यानंतर, येत्या काळात बँका त्यांचे एफडी दर देखील कमी करू शकतात अशी अपेक्षा आहे. अशा परिस्थितीत, गुंतवणूकदारांसाठी त्यांच्या एफडी जास्त व्याजदरावर लॉक करण्याची ही योग्य वेळ आहे, जेणेकरून येत्या काळात स्थिर आणि जास्त परतावा मिळू शकेल.
पैसाबाजारच्या मते, तीन प्रमुख खाजगी बँका, अ‍ॅक्सिस बँक, डीसीबी बँक, येस बँक ज्येष्ठ नागरिकांना १० वर्षांच्या एफडीवर ७.७५ टक्के व्याजदर देत आहेत. याशिवाय, काही इतर बँका देखील ७.५ टक्क्यापर्यंत व्याजदर देत आहेत, ज्यामध्ये एचडीएफसी बँक, इंडसइंड बँक आणि आरबीएल बँक प्रमुख आहेत. त्याच वेळी, आयसीआयसीआय बँक १० वर्षांच्या एफडीवर ७.४ टक्के व्याजदर देत आहे.
नवीन आर्थिक वर्ष २०२५-२६ पासून एफडीवरील टीडीएस कपातीच्या नियमांमध्ये मोठा बदल होणार आहे. १ एप्रिल २०२५ पासून, जर एखाद्या ज्येष्ठ नागरिकाचे एफडीमधून मिळणारे एकूण व्याज उत्पन्न १ लाख रुपयांपेक्षा कमी असेल, तर त्यावर कोणताही टीडीएस (स्रोतावर कर वजावट) कापला जाणार नाही. परंतु जर व्याज उत्पन्न १ लाख रुपयांपेक्षा जास्त असेल तर फॉर्म १५एच सादर न केल्यास टीडीएस कापला जाईल.
जर तुम्हाला तुमच्या एफडीवर टीडीएस कापला जाऊ नये असे वाटत असेल, तर तुमचे व्याज उत्पन्न १ लाख रुपयांपेक्षा कमी असल्याची खात्री करणे आवश्यक आहे. जर तुमचे उत्पन्न १ लाख रुपयांपेक्षा जास्त असेल तर फॉर्म १५एच भरा आणि तो बँकेत जमा करा. जर बँकेने टीडीएस कापला असेल परंतु तुमचे एकूण करपात्र उत्पन्न कर स्लॅबमध्ये येत नसेल, तर तुम्ही आयकर रिटर्न (आयटीआर) दाखल करून परतावा मागू शकता.
.png "Videos"){kind=small}
