Government Pension Scheme : दरमहा फक्त 55 रुपये गुंतवा आणि मिळवा 3000 रुपये पेन्शन! सरकारची ‘ही’ भन्नाट स्कीम माहिती आहे का?

NPS Pension Scheme : वाढत्या वयात आर्थिक स्थैर्य मिळवण्यासाठी केंद्र सरकारने असंघटित क्षेत्रातील कामगार आणि सर्वसामान्य नागरिकांसाठी अत्यंत किफायतशीर पेन्शन योजना सुरू केली आहे. वयाच्या १८ व्या वर्षापासून दरमहा अवघ्या ५५ रुपयांची गुंतवणूक करून वयाची ६० वर्षे पूर्ण झाल्यानंतर दरमहा ३,००० रुपये निश्चित पेन्शन मिळवता येते.

• दरमहा फक्त 55 रुपये गुंतवा
• मिळवा 3000 रुपये पेन्शन!
• सरकारची ‘ही’ भन्नाट स्कीम माहिती आहे का?

NPS Pension Scheme : सरकारी कर्मचाऱ्यांना विविध योजना असतात त्यामुळे सगळ्यांचा ओघ हा सरकारी नोकरी मिळवण्याकडे असतो. पण त्यांचं काय ज्यांचा सगळा उदरनिर्वाह स्वतःच्या हातांवर आहे किंवा जे लहान व्यापारी आणि दुकारनदार आहेत. त्यांच्यासाठी अशी कोणीतीही योजना अस्तित्वातच नाही का? तर याच प्रश्नाचं उत्तर या लेखात मिळणार आहे. सरकारने अशा व्यक्तींसाठी एक वेगळी आणि खास योजना आणली आहे. नेमकी काय आहे ही योजना आणि त्याचा तुम्ही कसा लाभ घेऊ शकता? ( NPS Pension Scheme ) 

Novitas Solar चा महाराष्ट्रात मोठा धमाका! 5 वर्षांत 10000 कोटींची गुंतवणूक; नेमका काय आहे मेगाप्लॅन?

केंद्र सरकारने दुकानदार, लहान व्यापारी आणि स्वयंरोजगारित व्यक्तींना राष्ट्रीय पेन्शन योजनेत म्हणजेच NPS-Traders मध्ये सामील होण्याचे आवाहन केले आहे. कामगार आणि रोजगार मंत्रालयाने सोमवार म्हणजेच २८ सप्टेंबर रोजी एका सोशल मीडिया पोस्ट करत याबाबत माहिती देत घोषणा केली.

काय आहे नेमकी ही योजना?

या योजनेअंतर्गत तुम्हाला वयाच्या 60 वर्षांनंतर दरमहा किमान 3000 रुपयांची पेन्शन सुरु होण्याची तरतूद करण्यात आली आहे. या योजनेबाबत सरकारचं म्हणणं आहे की, यामुळे ज्यांना सामान्यतः सरकारी पेन्शन योजनांचा लाभ मिळत नाही, त्यांना वृद्धापकाळात आर्थिक सुरक्षा मिळणार आहे.

योजनेसाठी अर्ज कसा करायचा?

दुकानदार, किरकोळ व्यापारी आणि स्वयंरोजगारित व्यक्ती हे या योजनेचा लाभ घेऊ शकतात. ऑनलाइन अर्ज करता येतो किंवा जवळच्या कॉमन सर्व्हिस सेंटर CSC मध्ये नोंदणी करता येते. या योजनेसाठी अर्ज करण्याकरिता काही निकष पूर्ण करणे आवश्यक आहे, जसे की:

• अर्जदाराचे वय १८ ते ४० वर्षांच्या दरम्यान असावे.
• व्यवसायाची वार्षिक उलाढाल १.५ कोटी रुपयांपेक्षा कमी असावी.
• व्यवसाय नोंदणीकृत असावा.
• ती व्यक्ती EPFO ​​सारख्या इतर कोणत्याही औपचारिक पेन्शन योजनेअंतर्गत समाविष्ट नसावी.

किती रक्कम जमा करावी लागेल?

ही एक ऐच्छिक, अंशदायी पेन्शन योजना आहे. लाभार्थी दरमहा एक साधारण निश्चित रक्कम जमा करतील आणि केंद्र सरकार तितकीच रक्कम जमा करेल. वयानुसार, मासिक योगदान ₹55 ते ₹200 पर्यंत असते. वयाची 60 वर्षे पूर्ण झाल्यावर, लाभार्थ्यांना किमान ₹3,000 मासिक पेन्शन मिळणार आहे.

अरे वाह… America मध्ये इतिहास रचायला भारत सज्ज; ‘ही’ कंपनी उभारणार सर्वात मोठा Steel Plant, डोनाल्ड ट्रम्प थेट म्हणाले…