शेअर बाजारात लवकरच येणार 'या' टायर कंपनीचा आयपीओ; होणार 'या' दिवशी खुला!

टॉलिन्स टायर्सचा आयपीओ पुढील आठवड्यात खुला होणार आहे. या आयपीओच्या माध्यमातून 230 कोटी रुपये उभारणार आहे. हा आयपीओ 9 सप्टेंबर रोजी सामान्य गुंतवणूकदारांसाठी खुला होणार असून, या आयपीओच्या माध्यमातून 11 सप्टेंबरपर्यंत सदस्यता घेता येणार आहे. त्यामुळे आता गुंतवणूकदारांसाठी ही मोठी संधी असणार आहे.

आज शेअर बाजाराने मोठी गटांगळी खाल्ली आहे. ज्यामुळे शेअर बाजारात आज काहीसे निराशाजनक वातावरण राहिले आहे. अशातच आता पुढील आठवड्यात शेअर बाजारात टॉलिन्स टायर्स ही कंपनी आपला आयपीओ खुला करणार आहे. ही टायर उत्पादक कंपनी आपल्या आयपीओच्या माध्यमातून 230 कोटी रुपये उभारणार आहे. टॉलिन्स टायर्स ही कंपनी आपला आयपीओ 9 सप्टेंबर रोजी खुला करणार आहे. गुंतवणूकदारांना तीन दिवस पैसे गुंतवण्याची संधी असणार आहे.

कंपनी उभारणार 230 कोटी रुपये

टॉलिन्स टायर्सचा आयपीओ पुढील आठवड्यात खुला होणार आहे. कंपनी या आयपीओच्या माध्यमातून प्रत्येकी 5 रुपये दर्शनी मूल्याचे 10,176,992 शेअर जारी करणार आहे. यापैकी 200 कोटी रुपयांचे 8,849,558 नवीन शेअर्स जारी करणार आहे. तर या आयपीओच्या माध्यमातून 30 कोटी रुपयांचे 1,327,434 शेअर्स ऑफर फॉर सेलद्वारे उपलब्ध असणार आहे.

हे देखील वाचा – मॅकडोनल्ड्स मोदींच्या मिलेट्स धोरणानुसार व्यवसाय करणार; शेतकऱ्यांना होणार आर्थिक फायदा!

आयपीओची किंमत 215-226 रुपये निश्चित

टॉलिन्स टायर्स ही केरळची कंपनी असून, या कंपनीचा आयपीओ 9 सप्टेंबर रोजी सामान्य गुंतवणूकदारांसाठी खुला होणार आहे. या आयपीओच्या माध्यमातून 11 सप्टेंबरपर्यंत सदस्यता घेता येणार आहे. टॉलिन्स टायर्स आयपीओची किंमत 215-226 रुपये निश्चित करण्यात आली आहे. हा आयपीओ किरकोळ गुंतवणूकदारांसाठी उघडण्यापूर्वी, 6 सप्टेंबर रोजी अँकर गुंतवणूकदारांसाठी खुला होणार आहे.

हे देखील वाचा – सर्वसामान्यांना दिलासा मिळणार… पेट्रोल-डिझेलच्या किंमती कमी होणार, वाचा… नेमकं काय आहे कारण!

किती रक्कम गुंतवावी लागणार

जर तुम्हाला या कंपनीच्या आयपीओमध्ये गुंतवणूक करायची असेल तर त्यासाठी तुमच्याकडे जवळपास 15,000 रुपये असणे आवश्यक आहे. वास्तविक, टोलिन्स टायर्सने या आयपीओअंतर्गत 66 शेअर्सचा लॉट आकार निश्चित केला आहे. यानुसार, गुंतवणूकदाराला किमान इतक्या शेअर्ससाठी बोली लावावी लागेल. त्यासाठी त्याला १४,९१६ रुपये गुंतवावे लागणार आहे. या आयपीओची कमाल लॉट मर्यादा १३ इतकी आहे. तर गुंतवणूकदाराला ८५८ शेअर्ससाठी १९३,९०८ रुपये गुंतवावे लागणार आहे.