LIC Scheme: LIC च्या ‘या’ योजनेत एकदा पैसे गुंतवा, आयुष्यभर मिळतील १२००० रुपये पेन्शन

प्रत्येकजण आपल्या भविष्यासाठी वेगवेगळ्या योजनांमध्ये गुंतवणूक करतात. वेगवेगळ्या योजनांमध्ये गुंतवणूक केल्यावर तुम्हाला भविष्यात आर्थिक चणचण भासत नाही. तुम्ही एलआयसी जीवन आनंद पॉलिसीमध्ये गुंतवणूक करु शकतात.

भारतीय जीवन विमा महामंडळ (LIC) प्रत्येक वर्गासाठी योजना देते. त्याचप्रमाणे, लोकांना आर्थिक सुरक्षा प्रदान करणारी पेन्शन लाभ देण्याची योजना देखील सुरू केली आहे. ही योजना प्रत्येक वर्गासाठी आहे, जी आजीवन पेन्शनचा लाभ देते. ही एकच प्रीमियम योजना आहे, म्हणजेच पैसे एकदाच जमा करावे लागतात.

एलआयसीच्या स्मार्ट पेन्शन योजनेअंतर्गत खाते एकटे किंवा संयुक्तपणे उघडता येते. संयुक्त भागीदारीमध्ये एका व्यक्तीच्या मृत्यूनंतर, दुसऱ्या व्यक्तीला आयुष्यभर पेन्शन लाभ मिळत राहतील. या योजनेत निवृत्तीनंतर पेन्शनचा लाभ मिळतो. याशिवाय, तात्काळ पेन्शनचीही तरतूद आहे.

ज्या कंपनीसाठी रतन टाटा यांनी सोडली नोकरी, तेच शेअर बनणार रॉकेट! मजबूत कमाईसाठी करू शकता खरेदी

तुम्ही तुमचे पेन्शन कधी घेऊ शकता?

या पेन्शन योजनेअंतर्गत कोणताही नागरिक लाभ घेऊ शकतो. स्मार्ट पेन्शन योजनेअंतर्गत, पॉलिसीधारक मासिक, त्रैमासिक, सहामाही आणि वार्षिक आधारावर पेन्शनचा लाभ घेऊ शकतात. या योजनेअंतर्गत अॅन्युइटीचा लाभ देखील दिला जातो. पॉलिसीधारकांनंतर, नामांकित व्यक्तीला या योजनेचा लाभ दिला जाईल.

कुठून खरेदी करू शकतो?

तुम्ही एलआयसीचा स्मार्ट पेन्शन प्लॅन एलआयसीच्या वेबसाइटवरून (ऑनलाइन खरेदी) ऑनलाइन किंवा एलआयसी एजंट, पीओएसपी-लाइफ इन्शुरन्स आणि कॉमन पब्लिक सर्व्हिस सेंटर्सद्वारे ऑफलाइन खरेदी करू शकता.

एलआयसी स्मार्ट पेन्शन योजनेची वैशिष्ट्ये

निवृत्तीनंतर लोकांना नियमित उत्पन्न मिळावे यासाठी भारतीय जीवन विमा महामंडळाने ही योजना सुरू केली आहे. एलआयसी स्मार्ट पेन्शन प्लॅन अंतर्गत, एकरकमी प्रीमियम भरावा लागतो. त्यानंतर तुम्हाला आयुष्यभर पेन्शन मिळत राहते. या योजनेअंतर्गत, एकल आणि संयुक्त वार्षिकी दोन्ही पर्याय निवडता येतात. यामध्ये तुम्ही आंशिक किंवा पूर्ण पैसे काढण्याचा पर्याय देखील निवडू शकता.

किती गुंतवणूक करावी लागेल?

गुंतवणुकीबद्दल बोलायचे झाले तर, या योजनेअंतर्गत किमान १ लाख रुपये गुंतवावे लागतील. पती-पत्नी संयुक्त खाते उघडू शकतात आणि पेन्शन योजनेचे फायदे घेऊ शकतात. पेन्शन मिळविण्यासाठी, संपूर्ण प्रीमियम एकाच वेळी जमा करावा लागतो. कमाल गुंतवणूक मर्यादा नाही. तुमच्या गुंतवणुकीच्या आधारावरच तुम्हाला पेन्शनचा लाभ दिला जातो.

कोणाला मिळणार लाभ

पॉलिसी सुरू झाल्यानंतर ३ महिन्यांनी कर्ज सुविधा दिली जाते. या योजनेअंतर्गत १८ ते १०० वर्षे वयोगटातील लोक गुंतवणूक करू शकतात. जर पॉलिसीधारकाचा मृत्यू झाला तर पेन्शनचे पैसे नॉमिनीला दिले जातील.

किमान किती पेन्शन मिळेल?

जर तुम्हाला दरमहा पेन्शन मिळवायचे असेल तर तुम्हाला किमान १००० रुपये पेन्शन मिळू शकते, जर तुम्हाला दर तीन महिन्यांनी पेन्शन मिळवायचे असेल तर तुम्हाला ३००० रुपये मिळू शकतात, जर तुम्हाला दर सहा महिन्यांनी पेन्शन मिळवायचे असेल तर तुम्हाला ६००० रुपये मिळू शकतात आणि जर तुम्हाला दरवर्षी पेन्शन मिळवायचे असेल तर तुम्हाला किमान १२००० रुपये पेन्शन मिळू शकते.

Todays Gold-Silver Price: काय आहेत आजचे सोन्या – चांदीचे भाव? ग्राहकांसाठी आनंदवार्ता की खिशाला बसणार झळ? जाणून घ्या