महानगर गॅस लिमिटेडने दिले अखंडित PNG आणि CNG पुरवठ्याचे आश्वासन; सादर केले ग्राहकाभिमुख पीएनजी उपक्रम आणि लाभ

9 मार्च 2026 रोजी दिनांकित नैसर्गिक वायु (पुरवठा नियमन) आदेश, 2026 याचे अनुपालन करत, घरगुती पीएनजी आणि सीएनजी यांना सर्वाधिक प्राधान्यक्षेत्राची मान्यता मिळाली आहे.

 

• महानगर गॅस लिमिटेडने दिले अखंडित PNG आणि CNG पुरवठ्याचे आश्वासन
• सादर केले ग्राहकाभिमुख पीएनजी उपक्रम आणि लाभ

24 मार्च 2026, मुंबई : भारतामधील एक मोठी शहर वायु वितरण (सीजीडी) कंपनी असणाऱ्या महानगर गॅस लिमिटेड (एमजीएल) महाराष्ट्र व कर्नाटक येथील तिच्या भौगोलिक कार्यक्षेत्रांमध्ये घरगुती वापरासाठी पाइप्ड नॅचरल गॅस (पीएनजी) आणि वाहतुकीसाठी कंप्रेस्ड नॅचरल गॅस (सीएनजी) अखंडपणे पुरवण्याची खात्री करण्याच्या वचनाची पुनरोक्ती केली आहे. त्याचबरोबर, कंपनीने तिच्या घरगुती व व्यावसायिक पीएनजी ग्राहकांकरिता विविध लाभ सादर केले आहेत, ज्यांचे लक्ष्य पीएनजीचा वापर आणि स्वीकार करण्यास प्रोत्साहन देण्याचे आहे.

9 मार्च 2026 रोजी दिनांकित नैसर्गिक वायु (पुरवठा नियमन) आदेश, 2026 याचे अनुपालन करत, घरगुती पीएनजी आणि सीएनजी यांना सर्वाधिक प्राधान्यक्षेत्राची मान्यता मिळाली आहे. एमजीएलने सातत्याने पुरवठा कायम राखण्यासाठी उपाययोजना राबवल्या आहेत ज्यामुळे ग्राहकांना दैनंदिन वापरासाठी विश्वसनीय आणि सुरक्षित इंधन मिळत राहील. हे कंपनीच्या सर्व भौगोलिक कार्यक्षेत्रांसाठी (GAs) लागू होते – मुंबई, ठाणे, मीरा-भाईंदर, नवी मुंबई, रायगड, रत्नागिरी, चित्रदुर्ग, दावणगेरे, लातुर आणि धाराशीव. पुरवठ्याच्या आश्वासनासोबतच, एमजीएलने काही ग्राहकाभिमुख उपक्रम सुरु केले आहेत ज्यांचे लक्ष्य GAs मध्ये पीएनजीचा स्वीकार वाढवण्याचे आहे.

घरगुती ग्राहकांसाठी, कंपनी देत आहे :

• 16 मार्च 2026 पासून सर्व नवीन नोंदण्यांवर रु 500 किंमतीचा मोफत गॅस
• नोंदणी केल्यावर प्रत्येक घरगुती ग्राहकाला रु 250 ते रु 1,00,000 दरम्यानची तत्क्षणी बक्षिसे मिळवण्यासाठी स्क्रॅच कार्ड.
• शिरकावाचे प्रमाण 60% पेक्षा जास्त असलेल्या नवीन इमारतींमधील प्रत्येक ग्राहकाला गॅस बिलांमध्ये रु 1000 ची सवलत.
• वेब नोंदण्यांसाठी प्रत्येक ग्राहकाला रु 500 ची तत्काळ सूट आणि वापर नसलेल्या काळात किमान शुल्के माफ
• लवकरच शून्य आगाऊ नोंदणी शुल्के सुरु, ज्यांमध्ये पैसे फक्त व्यवहार पूर्ण झाल्यावरच भरावे लागतील.
• ग्राहकांना पैसे भरण्याचे अनेक पर्याय उपलब्ध

IRCTC Ticket Refund Policy: Indian Railways चे मोठे बदल; तिकीट रद्द करण्याचे नवे नियम केले लागू

व्यावसायिक ग्राहकांसाठी, एमजीएल नोंदणी शुल्के माफ करत आहे. कंपनी स्वखर्चाने डाऊनस्ट्रीम इन्फ्रास्ट्रक्चरसुद्धा उभारणार आहे. पर्यायाने, जे ग्राहक स्वतंत्रपणे डाऊनस्ट्रीम इन्फ्रास्ट्रक्चर विकसित करण्याचा पर्याय निवडतील ते एका वर्षाच्या कालावधीसाठी रु. 1,20,000 पर्यंतची सवलत मिळवण्यास पात्र ठरतील. हे लाभ पीएनजी अधिकाधिक सहजप्राप्य व्हावा आणि त्याच वेळी सेवेचे व विश्वसनीयतेचे उच्च मापदंडही टिकून राहावेत यासाठी देण्यात येत आहेत. एमजीएल घरांना व उद्योगांना समभावाने बळ देणाऱ्या विश्वसनीय उपाययोजना पुरवण्यावर भर देत राहील.

• फसवणूक टाळण्यासाठी पीएनजी सूचना
• अज्ञात लिंक्सवर क्लिक करू नका
• APK फाईल्स डाउनलोड करू नका
• OTP किंवा बँकेचा तपशील शेअर करू नका
• केवळ MGL च्या अधिकृत व्हॉट्सॲप नंबर +91 98992 03843
• (व्हेरिफाइड ब्लू टिक) वरच विश्वास ठेवा

महानगर गॅस लिमिटेडचे व्यवस्थापकीय संचालक, श्री. आशु सिंघल म्हणाले, एमजीएल येथे आम्ही पीएनजी आणि सीएनजी विनासायासपणे पुरवण्यास कटिबद्ध आहोत आणि आमच्या ग्राहकाच्या सातत्याने बदलत राहणाऱ्या गरजांची पूर्तता करण्यासाठी सतत मेहनत घेत आहोत. या उपक्रमांमधून आणि लाभांमधून नैसर्गिक वायुचा प्रसार वाढवण्याची आमची ध्येयदृष्टी आणि त्यावरील आमची श्रद्धा दिसून येते, जी आपल्या देशाच्या अधिक स्वच्छ इंधनाच्या दिशेने होणाऱ्या स्थित्यंतरासाठी अत्यावश्यक आहे. एमजीएल तिच्या सर्व भौगोलिक कार्यक्षेत्रांमध्ये विश्वसनीय पुरवठा आणि सुधारित सेवापुरवठा करण्याची खात्री करण्यासाठी आपले इन्फ्रास्ट्रक्चर व ग्राहकांना जोडण्याचे प्रयत्न अधिक बळकट करत राहील.

Danone India चा मोठा विक्रम! २०,९११ आरोग्य तज्ञांच्या प्रतिज्ञेसह अॅनिमियाविरोधात ‘Iron Up’ मोहीम