FDI Investment in India: भारताचा जीडीपी ८% वाढतेय, तरी परकीय गुंतवणूक का बाहेर पडतेय? (फोटो सौजन्य-X)
FDI Growth In India: २०२५ मध्ये परदेशी गुंतवणूकदारांनी भारतात मोठ्या प्रमाणात गुंतवणूक केली. मंगळवारी वाणिज्य आणि उद्योग मंत्रालयाने जारी केलेल्या निवेदनानुसार, २०२४-२५ या आर्थिक वर्षात गेल्या वर्षीच्या तुलनेत थेट परकीय गुंतवणूक १४ टक्क्यांनी वाढून ८१.०४ अब्ज डॉलर्स झाली आहे. एक वर्षापूर्वी २०२३-२४ या आर्थिक वर्षात ती ७१.२८ अब्ज डॉलर्स होती.
सेवा क्षेत्रात सर्वाधिक परकीय गुंतवणूक झाली आहे, ज्याचा एकूण परकीय गुंतवणुकीत १९ टक्के वाटा आहे. त्यानंतर, संगणक सॉफ्टवेअर आणि हार्डवेअरचा एकूण गुंतवणुकीत १६ टक्के वाटा होता आणि त्यानंतर व्यापाराचा वाटा ८ टक्के होता.
मंत्रालयाने निवेदनात म्हटले आहे की, गेल्या ११ वर्षात थेट परकीय गुंतवणूक वाढली आहे. २०१३-१४ या आर्थिक वर्षात थेट परकीय गुंतवणूक ३६.०५ अब्ज डॉलर्स होती. निवेदनात म्हटले आहे की, याचे मुख्य कारण गुंतवणूकदारांना अनुकूल धोरणे आहेत, ज्यामध्ये अनेक क्षेत्रांमध्ये थेट परकीय गुंतवणूक १०० टक्क्यांपर्यंत वाढली आहे. उत्पादन क्षेत्रात बरीच थेट परकीय गुंतवणूक झाली आहे आणि ती एक केंद्र बनली आहे. एका वर्षात त्यात १८ टक्क्यांनी वाढ झाली आहे. २०२३-२४ या आर्थिक वर्षात १६.१२ अब्ज थेट परकीय गुंतवणूक झाली होती, तर ती एका वर्षानंतर म्हणजेच २०२४-२५ या आर्थिक वर्षात १९.०४ अब्ज डॉलर्सपर्यंत वाढली आहे.
२०२४-२५ या आर्थिक वर्षात एकूण थेट परकीय गुंतवणुकीपैकी ३९ टक्के गुंतवणूक महाराष्ट्रात झाली. त्यानंतर १३ टक्के थेट परकीय गुंतवणूक कर्नाटकात आणि त्यानंतर १२ टक्के दिल्लीत झाली. ज्या देशांमध्ये थेट परकीय गुंतवणूक (FDI) म्हणून गुंतवणूक केली आहे, त्यात सिंगापूरचा वाटा ३० टक्के आहे, तर मॉरिशसचा वाटा १७ टक्के आहे आणि त्यानंतर अमेरिकेचा वाटा ११ टक्के आहे. गेल्या ११ वर्षांत, म्हणजेच २०१४-२५ या आर्थिक वर्षात, भारतात थेट परकीय गुंतवणूक म्हणून ७४८.७८ अब्ज डॉलर्सची गुंतवणूक झाली आहे, जी मागील ११ वर्षांच्या तुलनेत सुमारे १४३ टक्क्यांनी वाढली आहे. २००३-२०१४ या आर्थिक वर्षात, थेट परकीय गुंतवणूक (FDI) म्हणून ३०८.३८ अब्ज डॉलर्सची गुंतवणूक झाली.
मुख्यमंत्री देवेंद्र फडणवीस यांनी सांगितले की, 2024-25 या आर्थिक वर्षाच्या शेवटच्या तिमाहीची (जानेवारी ते मार्च 2025) आकडेवारी आता जाहीर झाली असून, आता या संपूर्ण वर्षांत मिळून महाराष्ट्राने 1,64,875 कोटी रुपये इतकी परकीय गुंतवणूक आकर्षित केली आहे. जी यावर्षी देशात आलेल्या एकूण गुंतवणुकीच्या 40 टक्के इतकी आहे. यावर्षी देशात आलेली गुंतवणूक ही 4,21,929 कोटी रुपये इतकी आहे.
महाराष्ट्रात गेल्यावर्षीचा विचार केला तर यावर्षी त्यापेक्षा 32 टक्के गुंतवणूक अधिक आली आहे. या शेवटच्या तिमाहीत 25,441 कोटी रुपये इतकी परकीय गुंतवणूक महाराष्ट्रात आली आहे. महाराष्ट्राच्या बाबतीत हे वर्ष गेल्या 10 वर्षांतील रेकॉर्ड स्थापित करणारे वर्ष ठरले. अर्थात हा रेकॉर्ड आपण पहिल्या 9 महिन्यातच मोडला होता. यासाठी त्यांनी महाराष्ट्रातील जनतेचे अतिशय मनापासून अभिनंदन केले. तसेच उपमुख्यमंत्री एकनाथराव शिंदे, अजितदादा पवार आणि मंत्रिमंडळाच्या नेतृत्त्वात आपल्या महाराष्ट्राची ही घौडदौड ही अशीच कायम राहील असा विश्वास व्यक्त केला.
2015-16 : 61,482 कोटी
2016-17 : 1,31,980 कोटी
2017-18 : 86,244 कोटी
2018-19 : 57,139 कोटी
एप्रिल ते ऑक्टोबर 2019 : 25,316 कोटी
2020-21 : 1,19,734 कोटी
2021-22 : 1,14,964 कोटी
2022-23 : 1,18,422 कोटी
2023-24 : 1,25,101 कोटी
2024-25 : 1,64,875 कोटी
.png "Videos"){kind=small}
