Insurance Market Crash : 24 तासांत 31400 कोटी स्वाहा! 18 वर्षांपासून प्रभाव असणाऱ्या कंपनीला मोठा झटका; नेमकं काय घडलं?

Insurance Market Crash : ३ मित्रांच्या एका दिग्गज कंपनीला बाजारात मोठा फटका बसला आहे. केवळ २४ तासांत कंपनीचे तब्बल ३१,४०० कोटी रुपये स्वाहा झाले असून शेअर्समध्ये मोठी पडझड पाहायला मिळाली आहे. अचानक झालेल्या या मोठ्या नुकसानाची मुख्य कारणे काय आहेत, कंपनीच्या भविष्यावर याचा काय परिणाम होणार?

• 24 तासांत 31400 कोटी स्वाहा!
• 18 वर्षांपासून प्रभाव असणाऱ्या कंपनीला मोठा झटका
• नेमकं काय घडलं?

Insurance Market Crash : गेल्या १८ वर्षांपासून भारतीय विमा क्षेत्रात आपले वेगळे वर्चस्व निर्माण करणाऱ्या ३ मित्रांच्या एका दिग्गज कंपनीला बाजारात मोठा फटका बसला आहे. केवळ २४ तासांत कंपनीचे तब्बल ३१,४०० कोटी रुपये स्वाहा झाले असून शेअर्समध्ये मोठी पडझड पाहायला मिळाली आहे. नेमकी कोणती कंपनी आणि असं काय घडलं जाणून घेऊयात. ( Insurance Market Crash ) 

Indian Singles : कामाचा ताण अन् डिजिटल दुनियेत तरुण एकटे? डिजिटल कनेक्‍शन असूनही भारतातील तरुण त्रस्त; मॅच ग्रुप सर्व्हेचा दावा

२४ आणि २५ सप्टेंबर हे भारतातील आघाडीची विमा वेब एग्रीगेटर कंपनी, पॉलिसी बाजारसाठी खूप वाईट दिवस ठरले. कारण कंपनीचे शेअर्स ४० टक्क्यांपर्यंत घसरले. वास्तविक पाहता, विमा नियामक संस्था IRDAI चा एक प्रस्ताव पीबी फिनटेक म्हणजेच पॉलिसी बाजारची मूळ कंपनी सह इतर वित्तीय कंपन्यांसाठी घातक ठरला, ज्यामुळे त्यांच्या शेअर्सची मोठ्या प्रमाणात विक्री झाली. परंतु, सर्वात मोठा फटका पॉलिसी बाजारच्या शेअर्सना बसला. पीबी फिनटेकच्या शेअर्समध्ये २ दिवसांत मोठी घसरण झाली आणि कंपनीचे बाजार भांडवल ३१४०० कोटी रुपयांनी कमी झाले.

IRDAI च्या प्रस्तावांमुळे नुकसान

भारतीय विमा नियामक आणि विकास प्राधिकरण IRDAI ने विमा वितरणाच्या अर्थशास्त्रात व्यापक बदलांचा प्रस्ताव दिला त्यामुळे गुरुवारी विमा वितरण प्लॅटफॉर्म पीबी फिनटेकच्या शेअर्सची मोठ्या प्रमाणात विक्री झाली. सोप्या भाषेत सांगायचं तर या प्रस्तावात विमा व्यवसायातील कमिशन दरांवर मर्यादा घालण्याची शिफारस करण्यात आली आहे, ज्यामुळे विमा एग्रीगेटर कंपन्यांच्या महसुलाच्या संभाव्यतेबद्दल चिंता वाढली आहे.

कमी कमिशनमुळे व्यवसायात मंदी

पॉलिसी बाजारचे संपूर्ण महसूल मॉडेल विमा कंपन्यांकडून मिळणाऱ्या कमिशनवर अवलंबून आहे. विमा नियामकाच्या या प्रस्तावांमुळे त्यांच्या महसूल आणि नफ्यावर लक्षणीय परिणाम होण्याची शक्यता आहे. ब्रोकरेज फर्म जेफरीजने म्हटले आहे की, कमिशन दरांमध्ये १०% कपात केल्यास पीबी फिनटेकच्या एकूण महसुलात १०% ते १२% घट होऊ शकते.

३ मित्रांची कंपनी

पॉलिसीबझार, भारतातील अग्रगण्य विमा वेब एग्रीगेटरची स्थापना २००८ मध्ये गुडगाव येथे यशीश दहिया, आलोक बन्सल आणि अवनीश निर्जर यांनी केली. कंपनीचे सुरुवातीचे ध्येय विमा खरेदीसाठी एक ऑनलाइन व्यासपीठ उपलब्ध करून देणे हे होते आणि तिथूनच पॉलिसीबझार एका ऑनलाइन ब्रोकरमध्ये विकसित झाले. गेल्या १८ वर्षांत, पीबी फिनटेकने एकल विमा बाजारपेठ म्हणून सुरू झालेल्या गोष्टीचे रूपांतर एका व्यापक आर्थिक प्लॅटफॉर्म सेवेत केले आहे, ज्यामध्ये एजंट-आधारित वितरण, कॉर्पोरेट विमा आणि यूएईमधील कामकाजाचा समावेश आहे.

Free LPG Cylinder : एक दोन नाही तर थेट 6 सिलेंडर मिळणार फ्री, कसं काय? जाणून घ्या काय आहे योजना?