रिलायन्स इंडस्ट्रीजकडून महाराष्ट्रात सरकारी बांधकाम कंपनीचे अधिग्रहण; 1,628 कोटींना झालाय व्यवहार

रिलायन्स इंडस्ट्रीज लिमिटेड (RIL) ने शुक्रवारी नवी मुंबई आयआयए प्रायव्हेट लिमिटेड (NMIIA) मध्ये 74 टक्क्यांचे भांगभाडवल 1,628.03 कोटी रुपयांमध्ये विकत घेण्याची घोषणा केली.

रिलायन्स इंडस्ट्रीज लिमिटेड (RIL) ने शुक्रवारी नवी मुंबई आयआयए प्रायव्हेट लिमिटेड (NMIIA) मध्ये 74 टक्क्यांचे भांगभाडवल 1,628.03 कोटी रुपयांमध्ये विकत घेण्याची घोषणा केली. अब्जाधीश मुकेश अंबानी यांच्या नेतृत्वातील रिलायन्स इंडस्ट्रीजच्या संचालक मंडळाने 11 डिसेंबर 2024 रोजी मंजूर केलेला हा करार शहर आणि औद्योगिक विकास महामंडळ ऑफ महाराष्ट्र लिमिटेड (CIDCO) च्या संमतीनंतर पूर्ण झाला.

अधिग्रहनाचा व्यवहार

दिग्गज कंपनी रिलायन्स इंडस्ट्रीजने नवी मुंबई IIA प्रायव्हेट लिमिटेडचे 57.12 कोटी शेअर्स 28.50 रुपये प्रति शेअर या दराने विकत घेतले आहेत. जे कंपनीच्या 74 टक्के शेअर्सच्या बरोबरीचे आहे. शुक्रवारी, 13 डिसेंबर रोजी बाजार बंद झाल्यानंतर रिलायन्स इंडस्ट्रीजने या कराराची माहिती दिली आहे. नवी मुंबई IIA प्रायव्हेट लिमिटेडमध्ये सिडकोचा उर्वरित 26 टक्के हिस्सा आहे. या संपादनानंतर नवी मुंबई IIA प्रायव्हेट लिमिटेड ही रिलायन्सची उपकंपनी बनली आहे.

पैसे तयार ठेवा! 19 डिसेंबरला येणार 2 मोठे आयपीओ, कमाई करण्याची मोठी संधी?

कंपनीबाबत थोडक्यात माहिती

नवी मुंबई IIA प्रायव्हेट लिमिटेडची उलाढाल 2021-22 या आर्थिक वर्षात 34.74 कोटी रुपये आर्थिक वर्ष 2022-23 मध्ये 32.89 कोटी रुपये आणि 2023-24 या आर्थिक वर्षात 34.89 कोटी रुपये असल्याची माहिती कंपनीने फाइलिंगमध्ये दिली आहे. कंपनी महाराष्ट्रात औद्योगिक क्षेत्रे बांधण्यात कार्यरत आहे.

NMIIA ची स्थापना 15 जून 2004 रोजी करण्यात आली आणि ती महाराष्ट्रात एकात्मिक औद्योगिक क्षेत्रांच्या (IIA) विकासात गुंतलेली आहे. IIA विकसित करण्यासाठी महाराष्ट्र प्रादेशिक आणि नगर नियोजन अधिनियम, 1966 च्या कलम 40(1B) अंतर्गत महाराष्ट्र सरकारने विशेष नियोजन प्राधिकरण म्हणून त्याची नियुक्ती केली आहे.

मोफत आधार कार्ड अपडेट करण्याच्या अंतिम मुदतीत वाढ; 14 जून 2025 पर्यंत असेल संधी!

रिलायन्सच्या शेअर्सची स्थिती

शुक्रवारी RIL चे शेअर्स 0.75 टक्क्यांच्या वाढीसह 1273.35 रुपयांच्या पातळीवर बंद झाले. गेल्या आठवडाभरात कंपनीच्या शेअर्सच्या किमतीत जवळपास 3 टक्क्यांची घसरण झाली आहे. रिलायन्स इंडस्ट्रीजचे शेअर्स 2024 मध्ये नकारात्मक राहिले आहेत. या काळात कंपनीच्या शेअर्सची किंमत सुमारे 2 टक्क्यांनी घसरली आहे. ऑक्टोबर महिन्यात कंपनीचा एक्स-बोनस स्टॉक म्हणून व्यवहार झाला होता. तेव्हा कंपनीने एका शेअरवर एक शेअर बोनस दिला होता.

(टीप : शेअर बाजार, म्यूच्यूअल फंड हे जोखमीच्या अधीन असतात. वरती दिलेली माहिती माहितीस्तव देण्यात आली आहे. गुंतवणुकीसाठी शिफारस, सल्ला देण्याचा यामागील उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)