Stock Market : गुंतवणूकदार मालामाल! 5 वर्षांत ‘या’ शेअरने दिला तब्बल 1092 % रिटर्न

एक मल्टिबॅगर स्टॉक सध्या चांगलाच चर्चेचा विषय ठरला आहे, ज्याने गेल्या ५ वर्षांत आपल्या भागधारकांना १०९२% इतका परतावा दिला आहे. याचा अर्थ, ५ वर्षांपूर्वी केलेली १ लाख रुपयांची गुंतवणूक ११ लाख ९२ हजार रुपयांच्या पार गेली.

• अस्थिरतेच्या वातावरणातही काही शेअर्सेचा जलव
• एक मल्टिबॅगर स्टॉक सध्या चांगलाच चर्चेत
• १० वर्षांत १९३५% चा जबरदस्त रिटर्न

Multibagger Stock : शेअर बाजारातील अस्थिरतेच्या वातावरण असतानाही काही शेअर्स मार्केटमध्ये जलवा करत आहे. उत्कृष्ट कामगिरी करत सध्या ते गुंतवणूकदारांना आश्चर्यकारक रिटर्न देत आहेत. असाच एक मल्टिबॅगर स्टॉक सध्या चांगलाच चर्चेचा विषय ठरला आहे, ज्याने गेल्या ५ वर्षांत आपल्या भागधारकांना १०९२% इतका परतावा दिला आहे. याचा अर्थ, ५ वर्षांपूर्वी केलेली १ लाख रुपयांची गुंतवणूक आज ११ लाख ९२ हजार रुपयांच्या पार गेली आहे. कोणता असा शेअर आहे जो दमदार कामगिरी करत आहे. जाणून घेऊयात.

Gallantt Ispat च्या शेअरच्या किमतीत मोठी वाढ झाली असून, मंगळवारची घसरण थांबली आहे. कंपनीच्या शेअरच्या किमतीत १५% पेक्षा जास्त वाढ झाली आहे. या वाढीमागे कंपनीचा Q4 चा व्यवसाय अहवाल हे कारण आहे. कंपनीने चौथ्या तिमाहीत दमदार कामगिरी केली आहे.

महागाईचा भडका! ईराण युद्धाचा परिणाम, साबणापासून बिस्किट्सपर्यंत वाढणार भाव; दर वाढविण्याच्या तयारीत कंपन्या

शेअरच्या किमतीत आज १५% वाढ

मल्टीबॅगर स्टॉक आज BSE वर ५७५ रुपयांवर उघडला. दिवसभरात, कंपनीच्या शेअर्समध्ये १५ टक्क्यांहून अधिक वाढ होऊन त्याने ६५० रुपयांचा इंट्रा-डे उच्चांक गाठला.

कंपनीने कोणती माहिती दिली आहे?

मार्च तिमाहीत कंपनीचे स्टील प्रोडक्शन ०.२४ दशलक्ष टन इतकं झालं. जे मागील वर्षाच्या तुलनेत ९ टक्क्यांनी वाढलं आहे. आर्थिक वर्ष २०२६ मध्ये, कंपनीचे स्टील प्रोडक्शन ०.८८ दशलक्ष टन होते, जे मागील वर्षाच्या तुलनेत ३ टक्क्यांनी वाढले आहे.

गेल्या वर्षात कंपनीच्या शेअर्सची कामगिरी

Gallantt Ispat च्या शेअरची किंमत या वर्षात आतापर्यंत १८.५८ टक्क्यांनी वाढली आहे. या स्टॉकने एका वर्षात ६१.४१ टक्के परतावा दिला आहे. कंपनीचा ५२ आठवड्यांचा उच्चांक ₹८००.६० आणि ५२ आठवड्यांचा नीचांक ₹३६१ होता. तिचे बाजार भांडवल ₹१५,३७२ कोटी आहे.

१० वर्षांत १९३५% चा जबरदस्त रिटर्न

Gallantt Ispat च्या शेअरची किंमत तीन वर्षांत ९९४ टक्क्यांनी वाढली आहे. ज्या गुंतवणूकदारांनी पाच वर्षे शेअर्स ठेवले होते, त्यांना १०९२ टक्के परतावा मिळाला आहे. ही गोष्ट फार महत्त्वाची आहे की, कंपनीच्या शेअरची किंमत १० वर्षांत १९३५ टक्क्यांनी वाढली आहे, ज्यामुळे पोझिशनल गुंतवणूकदारांना दमदार रिटर्न मिळाला आहे. कंपनी गेल्या दोन वर्षांपासून सातत्याने डिविडेंड म्हणजे लाभांश देत आहे. शेवटचा अंतिम लाभांश प्रति शेअर ११.२५ होता. २०२४ मध्ये, कंपनीने प्रति शेअर ११ चा लाभांश दिला.

(हा गुंतवणुकीचा सल्ला नाही. शेअर बाजार जोखमीच्या अधीन असतो. कोणतीही गुंतवणूक करण्यापूर्वी कृपया तज्ञांचा सल्ला घ्या.)

Stock Market Today: भारतीय शेअर बाजारावर जागतिक तणावाचा प्रभाव, आज या शेअर्समध्ये दिसू शकते तेजी