NHAI New Toll Rules : 1 नोव्हेंबरपासून बदलणार Highway Toll चे नियम! फक्त ‘इतक्या’ रुपयांत मिळणार संपूर्ण वर्षाचा टोल पास

NHAI New Toll Rules : राष्ट्रीय महामार्गांवरील प्रवास करणाऱ्या आणि टोल प्लाझाच्या आसपास राहणाऱ्या नागरिकांसाठी केंद्र सरकारकडून एक अत्यंत दिलासादायक घोषणा करण्यात आली आहे. येत्या १ नोव्हेंबर २०२६ पासून लागू होणाऱ्या नव्या नियमांनुसार, टोल प्लाझाच्या २० किलोमीटर परिघात राहणाऱ्या खासगी वाहनधारकांसाठी पास उपलब्ध करुन दिला जाणार आहे

• 1 नोव्हेंबरपासून बदलणार Highway Toll चे नियम!
• फक्त ‘इतक्या’ रुपयांत मिळणार संपूर्ण वर्षाचा टोल पास
• पाससाठी कोण करु शकतं अर्ज?

NHAI New Toll Rules : वाहनधारकांनो लक्ष द्या, जर तुम्ही सतत प्रवास करत असाल आणि तुम्हाला नेहमी टोल भरावा लागत असेल तर ही बातमी तुमच्यासाठी फार महत्त्वाची आहे. १ नोव्हेंबरपासून नियमांमध्ये बदल होणार आहे.रस्ते वाहतूक आणि महामार्ग मंत्रालयाने राष्ट्रीय महामार्ग शुल्क नियम, 2008 मध्ये सुधारणा केली आहे. या बदलत्या नियमांचा नेमका कोणाला आणि किती फायदा होणार? याबाबत जाणून घेऊयात. ( NHAI New Toll Rules ) 

Share Market Today: शेअर बाजारात पुन्हा घसरणीचे संकेत! कोणते स्टॉक्स ठरणार महत्त्वाचे? पाहा संपूर्ण यादी

जे लोकं टोल प्लाझाच्या आसपास राहतात त्यांना सतत टोल भरावा लागत असेल त्यांच्यासाठी देखील ही बातमी दिलासा देणारी आहे. कारण आता त्यांना दररोज टोल टॅक्स भरण्याच्या खर्चापासून दिलासा मिळण्याची शक्यता आहे. टोल प्लाझाच्या 20 किलोमीटर परिघात राहणारे काही खाजगी वाहन मालक वार्षिक स्थानिक टोल पास घेऊ शकतील. हा नवीन नियम 1 नोव्हेंबर 2026 पासून लागू होणार आहे. या पाससाठी शासनाने वार्षिक शुल्क निश्चित केलं आहे. मात्र याचा लाभ घेण्यासाठी काही अटी ठेवण्यात आल्या आहेत.

पाससाठी कोण करु शकतं अर्ज?

नवीन नियमानुसार, टोल प्लाझाच्या २० किलोमीटरच्या परिसरात राहणारे बिगर-व्यावसायिक वाहन मालक सवलतीच्या पाससाठी अर्ज करू शकतील. पासचे शुल्क टोल प्लाझाच्या स्थानावर अवलंबून असेल. जर टोल प्लाझा नगरपालिका किंवा स्थानिक शहर क्षेत्राच्या हद्दीबाहेर असेल, तर वार्षिक पासची किंमत ₹१,५०० असणार आहे. मात्र नगरपालिका किंवा स्थानिक शहर क्षेत्राच्या हद्दीत असलेल्या टोल प्लाझासाठी वार्षिक शुल्क ₹३,००० असणार आहे. हा पास संबंधित टोल प्लाझावर प्रवासासाठी वैध असेल. यामुळे पात्र वाहन मालकांना वारंवार टोल भरण्याची गरज भासणार नाही तर एक निश्चित वार्षिक शुल्क भरण्याचा पर्याय उपलब्ध होणार आहे.

कोणाला मिळणार नाही फायदा?

ही सुविधा केवळ खाजगी वाहनांसाठी उपलब्ध असेल. वाहनावर एक वैध आणि सक्रिय FASTag असणे आवश्यक आहे. हा पास केवळ संबंधित आसपासच्या टोल प्लाझावरच वैध असणार आहे. पण, प्रत्येक स्थानिक रहिवाशाला या सुविधेचा लाभ घेता येणार नाही. जर येण्या-जाण्यासाठी सर्व्हिस रोड किंवा पर्यायी रस्ता उपलब्ध असेल, तर सवलतीचा पास दिला जाणार नाही. याव्यतिरिक्त, हा पास राष्ट्रीय महामार्गांवर किंवा द्रुतगती मार्गांवर वैध असणार नाही, जिथे कापलेल्या अंतरावर आधारित टोल आकारला जातो.

दरांमध्ये होणार वार्षिक बदल

अधिसूचनेनुसार, सरकार दरवर्षी १ एप्रिल रोजी या पाससाठीचे निर्धारित दर सुधारित करेल. याचा अर्थ असा की, वार्षिक शुल्क भविष्यात बदलू शकते. एकूणच, हा नियम टोल प्लाझाजवळ राहणाऱ्या पात्र खाजगी वाहन मालकांना दिलासा देऊ शकतो. मात्र, पास बनवण्यापूर्वी, वाहनाची पात्रता आणि संबंधित टोल प्लाझावर लागू असलेल्या अटी जाणून घेणे आवश्यक असेल.

Diwali मध्ये Credit Card वर बेस्ट ऑफर्स! 70000 पर्यंत रक्कम वाचवाल? जाणून घ्या बँकांची ऑफर