PNB Reward Points Program: PNB ग्राहकांसाठी मोठी ऑफर! प्रत्येक डिजिटल पेमेंटवर मिळणार ‘इतके’ रिवॉर्ड पॉइंट्स

पंजाब नॅशनल बँकेचा (पीएनबी) रिवॉर्ड पॉइंट्स प्रोग्राम ग्राहकांना प्रत्येक डिजिटल पेमेंटसाठी बोनस पॉइंट्स देणार आहे. ज्याचा वापर ग्राहक  मोबाईल रिचार्ज, डीटीएच, शॉपिंग व गिफ्ट व्हाउचर यांसारख्या विविध गोष्टींसाठी करू शकतो

• PNB चे रिवॉर्ड पॉइंट्स स्कीम जाहीर
• वीज बिलापासून शॉपिंगपर्यंत रिवॉर्डची कमाई
• या रिवॉर्ड पॉइंट्सवर मिळणार 3 वर्षांची वैधता

 

PNB Reward Points Program: जर तुम्ही पंजाब नॅशनल बँकेचे (पीएनबी) ग्राहक असाल बँक तुमच्यासाठी आनंदाची बातमी घेऊन आली आहे. पंजाब नॅशनल बँकेचा (पीएनबी) रिवॉर्ड पॉइंट्स प्रोग्राम ग्राहकांना प्रत्येक डिजिटल पेमेंटसाठी बोनस पॉइंट्स देणार आहे. ज्याचा वापर ग्राहक  मोबाईल रिचार्ज, डीटीएच, शॉपिंग आणि गिफ्ट व्हाउचर यांसारख्या विविध गोष्टींसाठी करू शकतो. त्यामुळे तुम्हाला प्रत्येक खर्च आता पूर्वीपेक्षा जास्त फायदेशीर ठरेल. कारण पीएनबीचा रिवॉर्ड पॉइंट्स प्रोग्राम आहे, ज्यामध्ये तुम्ही जितके जास्त डिजिटल पेमेंट कराल तितके जास्त रिवॉर्ड पॉइंट्स तुम्ही जमा कराल. तुमचे दैनंदिन खर्च देखील कोणत्याही अतिरिक्त खर्चाशिवाय रिवॉर्डिंग होऊ शकतात.

पीएनबी रिवॉर्ड पॉइंट्स म्हणजे काय?

पीएनबी रिवॉर्ड पॉइंट्स हे लॉयल्टी प्रोग्रामचा भाग असून जेव्हा ग्राहकवर्ग बिल पेमेंट, ऑनलाइन शॉपिंग किंवा तिकीट बुकिंग असे व्यवहार करतात तेव्हा बँक डेबिट कार्ड, क्रेडिट कार्ड, इंटरनेट बँकिंग किंवा मोबाइल बँकिंग अ‍ॅप वापरून केलेल्या व्ययव्हरांवर पॉइंट्स देते. हे पॉइंट्स तुमच्या खात्यात जमा होतात आणि जेव्हा ते एका विशिष्ट संख्येपर्यंत पोहोचतात तेव्हा तुम्ही ते वापरू शकता. विशेष म्हणजे यासाठी ग्राहकांना कोणत्याही गुंतागुंतीच्या प्रक्रियेची आवश्यकता नाही; सर्व काही ऑनलाइन केले जाते. या रिवॉर्ड पॉइंट्सची काल वैधता 3 वर्षे आहे.

हेही वाचा : Life Certificate Deadline: फक्त 4 दिवस बाकी! 30 नोव्हेंबरपर्यंत ‘हे’ प्रमाणपत्र जमा कर नाही तर थांबेल तुमचं पेन्शन

पंजाब नॅशनल बँक ग्राहकांना विविध व्यवहारांसाठी रिवॉर्ड पॉइंट्स देत असून खर्च केलेल्या प्रत्येक रिवॉर्डची रक्कम कार्ड प्रकारावर देखील अवलंबून असल्याचे बँकेने स्पष्ट केले.

• बिल पेमेंट म्हणजेच,  वीज, पाणी, गॅस, मोबाइल पोस्टपेड बिल आणि DTH रिचार्ज सारख्या पेमेंटसाठी कोणतेही अतिरिक्त शुल्क न भरता मोफत रिवॉर्ड मिळवा.
• ऑनलाइन शॉपिंग अर्थात Amazon, Flipkart आणि Myntra यांवरून खरेदी करून अतिरिक्त बोनस पॉइंट्स मिळवता येतील. तसेच, तुमची बचत सुद्धा होईल.
•  इंटरनेट बँकिंगमधून ट्रान्सफर, मोबाइल बँकिंगमधून पेमेंट केल्यास सुद्धा तुम्हाला याचा लाभ घेता येईल.

हेही वाचा : Luxury Index Launch: कोटकचा भारतातील पहिलावहिला ‘लक्झरी इंडेक्स’ लॉन्च! दाखवला भारतीय श्रीमंतांचा बदलता ट्रेंड

PNB रिवॉर्ड पॉइंट्स कसे वापरायचे?

• पीएनबीच्या या https://rewardz.pnb.bank.in अधिकृत रिवॉर्ड वेबसाइटला भेट द्या.
• तुमच्या ग्राहक आयडीने लॉगिन करा.
• मिळालेल्या रिवॉर्ड कॅटलॉगवर क्लिक करा.
• तुमच्या आवडीची वस्तू म्हणजेच, इलेक्ट्रॉनिक्स, आरोग्यसेवा, गिफ्ट व्हाउचर, रिचार्ज किंवा इतर वस्तु निवडा.
• संपूर्ण प्रकिया पूर्ण झाल्यावर काही सेकंदात गिफ्ट व्हाउचर दिलेल्या फोनवर येते.
• आणि जर ती वस्तु वगैरेअसेल तर तुम्ही दिलेल्या पत्त्यावर येते.

तुम्ही पीएनबी ग्राहक असूनही अद्याप या रिवॉर्ड्स पॉइंट्सचा लाभ घेत नसाल, तर तुम्ही त्याचा लाभ घेऊन पैशांची मोठ्या प्रमाणात बचत करू शकता. दैनंदिन पेमेंट जसे की, बिल पेमेंट अथवा ऑनलाइन शॉपिंग किंवा किराणा खरेदी यांसारख्या सुविधांसाठी तुम्ही अतिरिक्त फायदे मिळवू शकता.