महागाईचा भडका! ईराण युद्धाचा परिणाम, साबणापासून बिस्किट्सपर्यंत वाढणार भाव; दर वाढविण्याच्या तयारीत कंपन्या

इराण युद्ध महिनाभरापेक्षा जास्त काळ सुरू आहे आणि ते अधिक चिघळण्याची शक्यता आहे. याचा परिणाम खिशावर आधीच होत आहे. FMCG आणि टिकाऊ ग्राहक वस्तू कंपन्या दरवाढीचा विचार करत आहेत.

• युद्धामुळे महागाईचा उडणार भडका 

• अनेक कंपन्या दर वाढविण्याच्या तयारीत 

• आता सरळ परिणाम होणार सामान्यांच्या खिशावर

सध्या सुरू असलेला जागतिक तणाव आणि कच्च्या तेलाच्या वाढत्या किमतींचा थेट परिणाम आता तुमच्या खिशावर होत आहे. बिस्किटे, साबण आणि खाद्यतेलापासून ते घरगुती पेंटपर्यंत सर्व काही महाग होण्याची शक्यता आहे. FMCG (दैनंदिन वापराच्या वस्तू) आणि ग्राहक टिकाऊ वस्तू (टीव्ही आणि रेफ्रिजरेटरसारखी घरगुती उपकरणे) बनवणाऱ्या कंपन्या, विशेषतः पॅकेजिंग आणि पेट्रोलियम-संबंधित वस्तूंच्या वाढत्या किमतींमुळे, दरवाढीचा विचार करत आहेत. याचा संपूर्ण परिणाम व्यापारावरही होत आहे. 

TOI च्या वृत्तानुसार, लाहोरी जिरासारख्या काही कंपन्यांनी महिन्याच्या सुरुवातीपासूनच निवडक उत्पादनांच्या किमती वाढवल्या आहेत. नुवामा इक्विटीजच्या एका अहवालानुसार, खाद्यतेल कंपन्यांनीही प्रति लिटर ४-५ रुपयांनी दर वाढवले ​​आहेत. दरम्यान, पाम तेलाच्या वाढत्या किमतींमुळे, बिकाजी, ब्रिटानिया आणि नेस्लेसारख्या खाद्य कंपन्याही या तिमाहीत दर वाढवू शकतात.

किमतीमध्ये चढउतार 

गेल्या सात ते आठ वर्षांपासून, पाम तेलाच्या किमती कच्च्या तेलाच्या किमतींबरोबरच चढ-उतार होत आहेत. अशा परिस्थितीत, पाम तेलाच्या वाढत्या किमतींमुळे एचयूएल (HUL) आणि गोदरेजसारख्या साबण उत्पादकांच्या अडचणी वाढू शकतात, कारण पाम तेल हा त्यांचा सर्वात महत्त्वाचा कच्चा माल आहे.

जागतिक तणावातही भारतीय अर्थव्यवस्था दणकट! महागाई रोखण्यासाठी सरकारचा ‘मास्टरप्लॅन’

किमती Adjusgt करण्याची तयारी

झायडस वेलनेसचे सीईओ तरुण अरोरा यांनी म्हटल्याप्रमाणे, पश्चिम आशियातील तणाव जितका जास्त काळ टिकेल, तितका विविध वस्तूंच्या किमती वाढण्याचा धोका वाढेल. त्यांनी स्पष्ट केले की, यावर उपाय म्हणून कंपन्या लहान पॅकेजचे वजन कमी करू शकतात. याचा अर्थ किंमत तीच राहील, पण प्रमाण कमी होईल. तथापि, मोठ्या पॅकेजच्या किमती थेट वाढवल्या जाऊ शकतात.

कोणत्या गोष्टीचे दर वाढू शकतात?

इराण युद्धाचा थेट परिणाम आता तुमच्या खिशावर होत आहे. यामुळे आता कोणत्या गोष्टींचे दर वाढू शकतात याची यादी तुम्ही वाचू शकता 

• बिस्किटे, साबण, तेल आणि अगदी पेंटसुद्धा महाग होण्याची शक्यता आहे
• एफएमसी (FMC) आणि ग्राहक टिकाऊ वस्तू कंपन्या किमती वाढवण्याची तयारी करत आहेत
• खाद्य तेलाच्या दरात प्रति लिटर ४-५ रुपयांनी वाढ झाली आहे
• बिकाजी, ब्रिटानिया आणि नेस्ले या तिमाहीत किमती वाढवू शकतात
• एचयूएल (HUL) आणि गोदरेजसुद्धा साबणाच्या किमती वाढवण्याची तयारी करत आहेत

गॅस-आधारित प्लांटची स्थिती:

अहवालात असेही म्हटले आहे की, देशातील अनेक पॅकेज्ड फूड कंपन्यांनी एलपीजीवर अवलंबून असलेल्या प्लांटमधील उत्पादन थांबवले आहे किंवा कमी केले आहे.

पेंट उद्योगावरील परिणाम

पेंट उद्योगात वापरल्या जाणाऱ्या कच्च्या मालापैकी सुमारे ४०% कच्चे तेल (क्रूड ऑइल) आहे, त्यामुळे वाढत्या कच्च्या तेलाच्या किमतींचा परिणाम येथे आधीच जाणवत आहे. बर्जर पेंट्स, कानसाई नेरोलॅक आणि जेएसडब्ल्यू ड्युलक्स यांनी गेल्या महिन्यात आधीच किमती वाढवल्या आहेत. दरम्यान, एशियन पेंट्स देखील येत्या काही दिवसांत ६-८% ने किमती वाढवू शकते. अहवालानुसार, आर्थिक वर्ष २०२७ च्या पहिल्या तिमाहीत (Q1 FY27) कंपन्यांच्या नफ्यावर दबाव दिसू शकतो.

8th Pay Commission: केंद्र सरकारी कर्मचाऱ्यांची निराशा; महागाई भत्ता वाढीची घोषणा पुन्हा लांबणीवर