अरे, देवा! EMI महागणार… ऑक्टोबरमध्ये RBI वाढवणार Repo Rate; अहवालात नेमका काय दावा?

RBI Repo Rate Hike : येत्या ऑक्टोबर महिन्यात होणाऱ्या रिझर्व्ह बँक ऑफ इंडियाच्या पतधोरण समितीच्या बैठकीत रेपो रेट वाढवण्याचा निर्णय घेतला जाऊ शकतो, असा दावा ताज्या अहवालात करण्यात आला आहे. बँकांच्या सर्व प्रकारच्या कर्जांचे व्याजदर वाढून सर्वसामान्यांच्या EMI चा भार वाढण्याची शक्यता आहे.

• अरे, देवा! EMI महागणार…
• ऑक्टोबरमध्ये RBI वाढवणार Repo Rate
• अहवालात नेमका काय दावा?

RBI Repo Rate Hike : लोक अनेकदा घर, गाडी घेण्यासाठी किंवा मुलांच्या शिक्षणासाठी बँकांकडून कर्ज घेतात. जर तुम्हीही बँकेकडून कर्ज घेतलं असेल किंवा घेण्याचा विचार करत असाल तर ही माहिती तुमच्यासाठी महत्त्वाची आहे. EMI हा आपल्या मासिक खर्चाचाच एक भाग आहे. त्यामुळे घरातील बजेटवर ताण येतो. अशा परिस्थितीत जर व्याजदरात अगदी थोडा जरी बदल झाला तर त्याचा तुमच्या खिशावर थेट परिणाम होऊ शकतो. त्यामुळे बँकेने या संबंधीत अलर्ट दिला आहे. नेमकं अहवालात काय आहे? आणि तुमच्या खिशावर किती ताण पडू शकतो? ( RBI Repo Rate Hike )

Petrol Diesel Price Hike : मोठी बातमी! तेल पाइपलाइनवर भीषण हल्ला; देशात पेट्रोल-डीझेलचे दर कडाडण्याची शक्यता?

SBI च्या एका अहवालानुसार, RBI ऑक्टोबरमध्ये Repo Rate वाढवू शकते. याचा परिणाम बँकांकडून कर्ज घेणाऱ्यांवरही होऊ शकतो.

SBI च्या अहवालात काय ?

SBI रिसर्चच्या RBI च्या रेपो रेटवरील इकोव्रॅप अहवालानुसार, RBI ऑक्टोबरमध्ये रेपो रेट वाढवण्याची शक्यता आहे, ज्यामुळे कर्जदारांच्या खिशावर परिणाम होऊ शकतो. यामुळे हा प्रश्न निर्माण होतो की, RBI रेपो रेट किती वाढवेल?

डिसेंबरमध्येही Repo Rate वाढणार

SBI रिसर्चच्या अहवालानुसार, RBI ऑक्टोबरमध्ये Repo Rate २५ बेसिस पॉइंट्सने वाढवण्याची शक्यता आहे. इतकेच नाही, तर डिसेंबरमध्येही रेपो रेटमध्ये २५ बेसिस पॉइंट्सची वाढ अपेक्षित आहे. याचा अर्थ डिसेंबरपर्यंत रेपो रेटमध्ये एकूण ५० बेसिस पॉइंट्सची वाढ होईल.

कच्च्या तेलाच्या किमतीत वाढ

मध्यपूर्वेतील वाढत्या तणावामुळे कच्च्या तेलाच्या किमतीत मोठी वाढ होत आहे. कच्च्या तेलाच्या किमतीAआता प्रति बॅरल १०० डॉलरच्या वर गेल्या आहेत. चिंतेची बाब ही आहे की, जर कच्च्या तेलाच्या किमती कमी झाल्या नाहीत, तर भविष्यात महागाई वाढू शकते.

Repo Rate वाढल्यास काय होईल?

जर RBI ने ऑक्टोबरमध्ये रेपो रेट वाढवला, तर बँका देखील कर्जाचे व्याजदर वाढवू शकतात. परिणामी, ज्यांची कर्जे फ्लोटिंग-रेटवर आहेत, त्यांना त्यांच्या EMI मध्ये बदल दिसू शकतो. याचा अर्थ असा की, त्यांना दरमहा पूर्वीपेक्षा जास्त रक्कम भरावी लागू शकते. तथापि, हे लक्षात ठेवा की ईएमआयमधील वाढीची रक्कम बँकेच्या व्याजदरातील बदलांवर अवलंबून असेल.

ऑक्टोबर-नोव्हेंबरमध्ये महागाई वाढणार

SBI रिसर्चनुसार, जर कच्च्या तेलाच्या किमती जास्त राहिल्या, तर ऑक्टोबर-नोव्हेंबरमध्ये महागाई ६.५ टक्के किंवा त्याहून अधिक पोहोचू शकते.

EMI वाढेल, तेव्हा या गोष्टी लक्षात ठेवा

जर तुमचे बँकेकडून कर्ज असेल, तर सर्वप्रथम कर्जाचा व्याजदर तपासा.
तुमचे कर्ज फ्लोटिंग रेटवर आहे की नाही हे तपासा.
व्याजदर वाढल्यास तुमचे EMI किती वाढू शकतात, हे तुमच्या बँकेकडून तपासा.
जर EMI वाढला, तर त्यानुसार तुमच्या मासिक बजेटचे नियोजन करा.
जर तुम्ही नवीन कर्ज घेण्याचा विचार करत असाल, तर प्रथम वेगवेगळ्या बँकांचे EMI तपासायला विसरू नका.

USA Money Transfer UPI : काय सांगता? आता थेट खात्यात ट्रान्सफर होणार डॉलर; अमेरिकेत UPI ची एन्ट्री