RBI Repo Rate Hike: कर्जदारांना मोठा झटका! घर-गाडीचं कर्ज महागणार, RBIने रेपो रेट 5.50 टक्क्यांवर नेला; EMIवर किती परिणाम?

RBI Repo Rate Hike: तुम्ही जर घर किंवा गाडी खरेदी करण्याचा विचार करत असाल तर तुमच्यासाठी महत्त्वाची बातमी समोर येत आहेत. कारण भारतीय रिझर्व्ह बँकेने रेपो रेटमध्ये 25 बेसिस पॉइंट्सची वाढ केली आहे, परिणामी EMI वाढण्याची शक्यता आहे.

• RBIचा कर्जदारांना मोठा झटका!
• चार वर्षांत पहिल्यांदाच रेपो रेटमध्ये वाढ
• होम-कार लोनचा EMI वाढणार

RBI Repo Rate Hike: रिझर्व्ह बँकेने कर्जदारांना मोठा धक्का देत रेपो रेटमध्ये 25 बेसिस पॉइंट्सची वाढ करण्याचा निर्णय घेतला आहे. RBIच्या तीन दिवसीय पतधोरण समितीच्या बैठकीनंतर गव्हर्नर संजय मल्होत्रा यांनी या निर्णयाची घोषणा केली. रेपो रेट 5.25 टक्क्यांवरून वाढवून 5.50 टक्के करण्यात आला आहे. त्यामुळे आगामी काळात होम लोन, कार लोन आणि इतर कर्जांचे व्याजदर वाढण्याची शक्यता आहे. (RBI Repo Rate Hike)

महागाईचे आव्हान निर्माण

RBIच्या या निर्णयाचा थेट परिणाम कर्जदारांच्या EMI वर होऊ शकतो. विशेषतः फ्लोटिंग व्याजदराशी संबंधित कर्जांचे दर बँकांकडून वाढवले गेल्यास मासिक हप्ता वाढू शकतो किंवा कर्जाचा परतफेडीचा कालावधी लांबू शकतो. RBI गव्हर्नरांनी या निर्णयामागे जागतिक आर्थिक परिस्थितीचा उल्लेख केला. पश्चिम आशियातील संघर्ष, कच्च्या तेलाच्या किमतीतील वाढ आणि जागतिक महागाईचा धोका यामुळे भारतीय अर्थव्यवस्थेसमोरही महागाईचे आव्हान निर्माण होऊ शकते. RBIने रेपो रेटसोबत SDF दर 5.25 टक्के, तर MSF दर 5.75 टक्के केला आहे. पतधोरणाचा दृष्टिकोनही ‘न्यूट्रल’वरून ‘कॅलिब्रेटेड टाइटनिंग’ करण्यात आला आहे.

Share Market Today: शेअर बाजारात आज अस्थिरतेचे संकेत; या शेअर्समध्ये होऊ शकते हालचाल, काय म्हणाले तज्ज्ञ?

5 टक्क्यांवरून 5.2 टक्के

रेपो रेट म्हणजे RBI ज्या व्याजदराने बँकांना अल्पकालीन कर्ज देते तो दर. रेपो रेट वाढल्यास बँकांसाठी निधी उभारणे महाग होते. परिणामी बँका त्याचा काही भार ग्राहकांवर टाकून कर्जाचे व्याजदर वाढवू शकतात. महागाईबाबतही RBIने आपले अंदाज सुधारले आहेत. FY27 साठी कोअर महागाईचा अंदाज 4.3 टक्क्यांवरून 4.4 टक्के, तर CPI महागाईचा अंदाज 5 टक्क्यांवरून 5.2 टक्के करण्यात आला आहे.

दुसरीकडे, अर्थव्यवस्थेच्या वाढीबाबत RBIने सकारात्मक अंदाज व्यक्त केला आहे. FY27 साठी वास्तविक GDP वाढीचा अंदाज 6.7 टक्क्यांवरून 7.1 टक्क्यांपर्यंत वाढवण्यात आला आहे. त्यामुळे महागाई नियंत्रणात ठेवतानाच आर्थिक विकासाचा वेग कायम राखण्याचे मोठे आव्हान RBIसमोर असणार आहे.

रेपो रेट म्हणजे काय?

रेपो रेट (Repo Rate) हा तो व्याजदर आहे, ज्यावर देशाची मध्यवर्ती बँक म्हणजेच रिझर्व्ह बँक ऑफ इंडिया (RBI) व्यापारी बँकांना अल्पमुदतीसाठी (short-term) कर्ज देते. जेव्हा बँकांकडे पैशांची कमतरता असते, तेव्हा त्या आरबीआयकडून सरकारी रोख्यांच्या (government securities) बदल्यात कर्ज घेतात. सध्या भारतातील रेपो रेट ५.२५% इतका आहे.

Todays Gold-Silver Price: सोन्याचे दर पुन्हा वधारले, चांदीचा भाव आजही स्थिर! वाचा सविस्तर