(फोटो सौजन्य - सोशल मीडिया)
सर्वसाधारणपणे, कोणत्याही मालमत्तेतून मिळणारा रिटर्न हा पूर्णपणे तिचे स्थान, परिसरातील विकास आणि गुंतवणुकीची वेळ या गोष्टींवर अवलंबून असतो. प्लॉट खरेदी केल्यामुळे तुम्हाला भविष्यात तुमच्या विशिष्ट गरजांनुसार घर बांधण्याचे पूर्ण स्वातंत्र्य मिळते. मोक्याच्या ठिकाणी घेतलेल्या प्लॉटमधून दीर्घकाळात उत्तम रिटर्नही मिळवून देतात. मात्र मोकळ्या जमिनीतून सहसा कोणतेही भाड्याचे उत्पन्न मिळत नाही. शिवाय, जर आसपासचा परिसर डेव्हलप नसेल तर अनेक वर्षे त्या प्लॉटच्या मूल्यात फारशी वाढ होण्याची शक्यता नसते. त्यामुळे अशा वेळेला तुम्ही केलेली गुंतवणूक फसते.
फ्लॅट खरेदी करण्याचा सर्वात मोठा फायदा म्हणजे भाड्याच्या माध्यमातून नियमित उत्पन्न मिळण्याची असलेली आशा. जर तुमची मालमत्ता अशा ठिकाणी असेल जिथे भाडं जास्त आहे त्याठिकाणी तुम्ही ताबा मिळाल्यानंतर लगेच कमाई सुरू करू शकता. याशिवाय त्याठिकाणी डिमांडही जास्त असते. फ्लॅटमध्ये ताबडतोब राहण्याची सुविधा देखील मिळते, तर प्लॉटवर बांधकाम करण्यासाठी वेळ आणि पैशाची स्वतंत्र गुंतवणूक आवश्यक असते. त्यामुळे फक्त फ्लॅटमध्ये गुंतवणूक उपयोगाची नाही तर त्याचबरोबर इतर गोष्टी विकसित करताना आणखी गुंतवणूकीची गरज भासते.
जर दीर्घकाळासाठी गुंतवणूक करायची असेल आणि भविष्यात मोठा रिटर्न मिळवायचा असेल तर प्लॉट हा पर्याय असू शकतो. दुसरीकडे, जर तुम्हाला उत्पन्न मिळवायचे असेल, तर तुमच्यासाठी फ्लॅट हा एक चांगला पर्याय ठरू शकतो. त्यामुळे गुंतवणूक करताना या गोष्टींचा विचार होणं गरजेचं आहे. त्याच बरोबर त्या जागेचं स्थान कुठे आहे? आणि जाण्याची वाट आहे की नाही यांसारख्या गोष्टीही महत्त्वाच्या ठरतात. त्यामुळे या गोष्टींकडे दुर्लक्ष करु नकात.
.png "Videos"){kind=small}
