Jio IPO चा बाजारात इतिहास! अवघ्या 35 मिनिटांत ‘फुल सबस्क्राईब’; QIB ने लावली सवा तीन पट बोली

Jio Platforms IPO Fully Subscribed : भारतीय शेअर बाजारात रिलायन्स Jio Platforms च्या आयपीओने पहिल्याच दिवशी नवा इतिहास रचला आहे. गुंतवणूकदारांच्या उदंड प्रतिसादामुळे हा मेगा आयपीओ अवघ्या ३५ मिनिटांत पूर्णपणे भरला आहे.

• Jio IPO चा बाजारात इतिहास!
• अवघ्या 35 मिनिटांत ‘फुल सबस्क्राईब’
• QIB ने लावली सवा तीन पट बोली

Jio Platforms IPO Fully Subscribed : Jio प्लॅटफॉर्म्सच्या IPO चा क्रेझ मार्केटमध्ये सुरुवातीपासून बराच आहे हे आपल्याला माहित आहेच. याचा उलघडा आजच्या दिवसात मोठ्या प्रमाणावर दिसून आला. IPO ची घोषणा होताच गुंतवणूकदारांनी गर्दी केली आणि खरेदी सुरुही केली. बाजार उघडल्यानंतर अवघ्या 35 मिनिटांमध्येच संपूर्ण आयपीओ सबस्क्राईब झाला. क्वालिफाइड इन्स्टिट्यूशनल बायर्स म्हणजेच QIBs चा भाग तर पूर्णपणे सबस्क्राईब झाला ज्यासाठी दुप्पट अर्ज आले होते. जिओ प्लॅटफॉर्म्सने आपल्या IPO मधील ५०% हिस्सा QIBs साठी राखीव ठेवला होता, ज्यामध्ये खाजगी गुंतवणूकदारांचा समावेश आहे. नेमकी काय आहे मार्केटची परिस्थिती आणि पुढे नेमकं काय होणार आहे? ( Jio Platforms IPO Fully Subscribed ) 

Todays Gold-Silver Price: सोन्याच्या दरात मोठा बदल! मुंबई, नागपूर, दिल्लीसह प्रमुख शहरांतील जर जाणून घ्या

आकडेवारी काय सांगतात?

क्वालिफाइड इन्स्टिट्यूशनल बायर्स (QIBs) चा भाग ३.२५ पट सबस्क्राईब झाला आहे. एनएसई प्लॅटफॉर्मवर सकाळी १०:३५ पर्यंत संपूर्ण आयपीओ सबस्क्राईब झाला होता. NSE च्या आकडेवारीनुसार, संपूर्ण आयपीओ १.०१ पट सबस्क्राईब झाला आहे. कंपनीने जारी केलेल्या १९.७५ कोटी शेअर्सच्या तुलनेत, एकूण २०.०३ कोटी शेअर्सची मागणी प्राप्त झाली आहे. यापूर्वी १९ ऑक्टोबर रोजी, जिओ प्लॅटफॉर्म्सने २१२ अँकर गुंतवणूकदारांकडून ₹८,१०९.८४ कोटी उभारले होते. या गुंतवणूकदारांमध्ये ब्लॅकरॉक, कॅपिटल ग्रुप, फिडेलिटी इन्व्हेस्टमेंट्स, टी. रो प्राइस, श्रोडर्स, जेपी मॉर्गन असेट मॅनेजमेंट, फ्रँकलिन टेम्पलटन, इन्व्हेस्को आणि प्रुडेन्शियल यांचा समावेश होता. जिओ प्लॅटफॉर्म्सच्या आयपीओसाठी प्रमुख गुंतवणूकदारांकडून सुमारे २.५ लाख कोटी रुपयांची मागणी पोहोचली, ज्यामुळे एवढी मोठी बोली मिळवणारा हा पहिला भारतीय IPO ठरला.

तुम्ही गुंतवणूक कधी करू शकता?

जिओ प्लॅटफॉर्म्सचा IPO २१ ऑक्टोबर रोजी सुरू झाला असून २३ ऑक्टोबर रोजी बंद होईल. तो २८ ऑक्टोबर रोजी बाजारात सूचीबद्ध होईल. आयपीओची किंमत प्रति शेअर ₹१,०६५ ते ₹१,११९ अशी निश्चित करण्यात आली आहे. कंपनीने या आयपीओमध्ये अंदाजे २७ कोटी शेअर्स जारी केले आहेत. सध्या, कंपनीने आयपीओपूर्वी २१२ अँकर गुंतवणूकदारांकडून ₹८,१०९.८४ कोटी उभारले आहेत. अनेक सरकारी पेन्शन फंडांनीही या आयपीओमध्ये गुंतवणूक केली आहे. सिंगापूर, अबू धाबी, कतार, कॅलिफोर्निया आणि फ्लोरिडा यांसारख्या शहरांनी आणि देशांनीही या पेन्शन फंडांमध्ये गुंतवणूक केली आहे.

GMP किती वाढला?

एकीकडे जिओच्या आयपीओने बाजारात खळबळ उडवून दिली आहे, तर दुसरीकडे ग्रे मार्केटमध्येही त्याची लोकप्रियता वाढत आहे. आज सकाळी आयपीओचा जीएमपी जवळपास २४% नी वाढून ₹२७३ च्या प्रीमियमवर पोहोचला आहे. याचा अर्थ असा की, हा आयपीओ लिस्टिंगच्या वेळी गुंतवणूकदारांना प्रति शेअर ₹२७३ च्या नफ्यासह २४.४% परतावा देऊ शकतो.

India-New Zealand FTA : आणखी एका देशासोबत Free Trade Deal लागू! भारतीय उत्पादनांना मिळणारTax Free एन्ट्री; काय होणार फायदे?