सचिन तेंडुलकरच्या 5 कोटींचे झाले 72 कोटी! ‘या’ कंपनीने गुंतवणूकदारांना केले मालामाल!

सचिन तेंडुलकर शेअर बाजारात नेहमीच आपली गुंतवणूक करत असतो. अशातच आता त्याने एका कंपनीत तब्बल 5 कोटी रुपये गुंतवले होते. विशेष म्हणजे त्याच्या या पैशांचे मूल्यही चांगलेच वाढले आहे.

शेअर बाजारात अशा काही कंपन्या असता. ज्या आपल्या गुंतवणूकादांना दमदार रिटर्न्स मिळवून देतात. तर काही कंपन्या अशा असतात. ज्यांच्यात गुंतवणूक केल्यास तोटा होण्याची शक्यता असते. आझाद इंजिनिअरिंग या कंपनीने मात्र आपल्या गुंतवणूकदारांना गेल्या काही महिन्यांत मालामाल केले आहे. सोमवारी (ता.४) मुंबई शेअर बाजारात आझाद इंजिनिअरिंग या कंपनीच्या शेअर्समध्ये 13 टक्क्यांनी वाढ झाली आहे.

शेअरचे मूल्य 13 टक्क्यांनी वाढले

आझाद इंजिनिअरिंग या कंपनीच्या शेअरमध्ये 13 टक्क्यांची वाढ झाल्याने, या कंपनीच्या शेअरचे मूल्य 1670.25 रुपयांपर्यंत पोहोचले आहे. या कंपनीचा एका मित्सुबिशी हेवी इंडस्ट्रीज लिमिटेड या जपानी कंपनीशी एक मोठा करार झाला आहे. त्यामुळेच या कंपनीच्या शेअरचा भाव थेट 13 टक्क्यांनी वाढला आहे.

700 कोटींची ऑर्डर मिळाली

आझाद इंजिनिअरिंग या कंपनीने मित्सुबिशी हेवी इंडस्ट्रीज लिमिटेड या कंपनीशी लाँग टर्म कॉन्ट्रॅक्ट अँड प्राइस अॅग्रीमेंटवर हस्ताक्षर केले आहे. हा करार एकूण 700 कोटी रुपयांचा आहे. आझाद इंजीनिअरिंगने दिलेल्या माहितीनुसार या कराराच्या सध्याच्या टप्प्याचे मूल्य 700 कोटी रुपये आहे. एकूण पाच वर्षांत या कराराअंतर्गतच्या कामाला पूर्ण करावे लागणार आहे.

याआधी ऑक्टोबर महिन्यात इंजिनिअरिंगने हनीवेल एअरोस्पेस लिमिटेड या कंपनीकडून 134 कोटी रुपयांची ऑर्डर मिळाली होती. मित्सुबिशी या कंपनीकडून 700 कोटींची ऑर्डर मिळाल्यानंतर या कंपनीकडे एकूण किती रुपयांच्या ऑर्डर्स आहेत, हे कंपनीने अद्याप जाहीर केलेले नाही.

हे देखील वाचा – ‘या’ बँकेच्या खातेदारांसाठी महत्वाची बातमी; दोन दिवस बंद राहणार ‘ही’ सेवा, वाचा… सविस्तर!

आझाद इंजीनिअरिंग या कंपनीचा आयपीओ 20 डिसेंबर 2023 रोजी गुंतवणुकीसाठी खुला झाला होता. 22 डिसेंबर 20203 पर्यंत गुंतवणूकदारांना या आयपीओत गुंतवणूक करता येत होती. आयपीओ आला तेव्हा कंपनीने आपल्या शेअरचे मूल्य 524 रुपये निश्चित केले होते. 28 डिसेंबर 2023 रोजी ही कंपनी शेअर बाजारावर सूचिबद्ध झाली होती. यावेळी 524 रुपयांचा शेअर 710 रुपयांवर पोहोचला होता. या कंपनीचा शेअर आता 4 नोव्हेंबर 2024 रोजी 1670.25 रुपयांपर्यंत वाढलेला आहे. या कंपनीचा आयपीओ 83.04 पटीने सबस्क्राईब झाला होता.

पाच कोटींची गुंतवणूक

भारताचा दिग्गज माजी क्रिकेटपटू सचिन तेंडुलकर यालादेकील या कंपनीने प्रभावित केले होते. तेंडुलकरने मार्च 2023 मध्ये आझाद इंजिनिअरिंग या कंपनीत 5 कोटी रुपयांची गुंतवणूक केली होती. त्यावेळी 136.92 रुपये प्रति शेअरच्या हिशोबाने तेंडुसकरने या कंपनीचे एकूण 3,65,176 शेअर्स घेतले होते. जून 2024 पर्यंतच्या डेटानुसार सचिनने गुंतवलेल्या रकमेचे मूल्य 14.56 पटीने वाढले होते. सचिनने गुंतवलेल्या पैसांचे मूल्य 72.37 कोटींपर्यंत वाढले होते. दरम्यान, सध्या सचिनने या कंपनीत केलेली गुंतवणूक काढून घेतली आहे, अद्यापही सचिनची ही गुंतवणूक कायम आहे, याबाबत स्पष्ट माहिती समोर आलेली नाही.

(टीप : शेअर बाजार, म्यूच्यूअल फंड हे जोखमीच्या अधीन असतात. वरती दिलेली माहिती माहितीस्तव देण्यात आली आहे. गुंतवणुकीसाठी शिफारस, सल्ला देण्याचा यामागील उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)