SBI Money Security Update : SBI ग्राहकांसाठी Alert! खात्यांच्या सुरक्षिततेबाबत बँकेकडून मोठा अपडेट

SBI Money Security Update : देशातील सर्वात मोठी बँक असलेल्या SBI ने ग्राहकांची माहिती लीक झाल्याच्या वृत्तांमुळे ग्राहकांमध्ये चिंतेचे वातावरण निर्माण झाले होते. यावर बँकेने अधिकृत स्पष्टीकरण देत ग्राहकांच्या बँक खात्यातील पैसे आणि वित्तीय डेटा पूर्णपणे सुरक्षित असल्याची मोठी हमी दिली आहे

• SBI ग्राहकांसाठी Alert!
• खात्यांच्या सुरक्षिततेबाबत बँकेकडून मोठा अपडेट
• ३,८९७ ग्राहकांच्या डेटाची छाननी सुरू

SBI Money Security Update : सध्या बँकिंग क्षेत्रातील सर्वात मोठी सार्वजनिक क्षेत्रातील बँक SBI च्या ग्राहकांमध्ये भीतीचं वातावरण आहे. जेव्हापासून डेटा गळतीची बातमी आली तेव्हापासून सायबर सुरक्षिततेबाबत बराच प्रश्नचिन्ह उभा राहिला आहे. पण या सगळ्यावर बँकेने ग्राहकांच्या बँक खात्यातील पैशांच्या सुरक्षिततेबाबत स्पष्ट केलं आहे. नेमकं काय आहे बँकेचं म्हणणं आणि ग्राहकांना नेमका काय दिला आहे सल्ला? सविस्तर जाणून घेऊयात. ( SBI Money Security Update ) 

ऑनलाईन प्रेमाच्या नावाखाली होणाऱ्या फसवणुकीला बसणार आळा! मॅच ग्रुप आणि गृह मंत्रालयाच्या I4C ची मोठी भागीदारी

बँकेने स्पष्ट केले आहे की ग्राहकांच्या खात्यात जमा केलेले पैसे सुरक्षित आहेत. बँकेने आता प्रभावित ग्राहकांना ईमेल आणि व्हॉट्सॲपद्वारे वैयक्तिकरित्या सूचित करण्यास सुरुवात केली आहे. बँकेने ग्राहकांना डिजिटल बँकिंग वापरताना सावधगिरी बाळगण्याचा सल्लाही दिला आहे.

३,८९७ ग्राहकांच्या डेटाची छाननी सुरू

SBI च्या म्हणण्यानुसार, डार्क वेबवर उपलब्ध असलेल्या सुमारे ३.७५ लाख रेकॉर्डच्या प्राथमिक तपासात, ग्राहकांच्या ओळखीची माहिती असलेले ३,८९७ रेकॉर्ड उघड झाले आहेत. बँकेने या संभाव्य डेटा गळतीचा तपास करण्यासाठी सायबर सुरक्षा तज्ञांची नियुक्ती केली आहे.

बँकेच्या निवेदनात काय?

SBI ने ‘एक्स’ या सोशल मीडिया प्लॅटफॉर्मवर पोस्ट केलेल्या निवेदनात म्हटले आहे, “अलीकडील सायबर घटनेसंदर्भात आमच्या पूर्वीच्या पोस्टनंतर, बँकेने या घटनेमुळे ज्या ग्राहकांच्या डेटावर परिणाम झाला आहे, त्या सर्वांना ईमेल आणि व्हॉट्सॲपद्वारे स्वतंत्रपणे सूचित केले आहे.”
“आम्ही हे देखील पुन्हा सांगू इच्छितो की, तुमच्या खात्यातील शिल्लक रक्कम आणि निधी आमच्याकडे सुरक्षित आहे.” बँकेने ग्राहकांना सुरक्षित डिजिटल बँकिंग पद्धतींचा अवलंब करण्याचा, आपला ओटीपी, पिन किंवा पासवर्ड कोणाशीही शेअर न करण्याचा आणि संशयास्पद कॉल, मेसेज व ईमेलबाबत सावध राहण्याचा सल्ला दिला आहे.

या आठवड्याच्या सुरुवातीला भारतातील सर्वात मोठ्या बँकेने स्पष्ट केले होते की, त्यांच्या डेटामध्ये गळती झाली असून ३,८९७ ग्राहकांचा डेटा डार्क वेबवर प्रकाशित झाला आहे. त्यानंतर हे निवेदन आले आहे. या आठवड्याच्या सुरुवातीला, बँकेने सांगितले की, त्यांना त्यांची थ्रेट इंटेलिजन्स सर्व्हिस प्रोव्हायडर, डिफेन्स सायबर एजन्सी आणि CERT-In यांच्याकडून ग्राहक डेटाच्या संभाव्य गळतीबाबत एक सूचना मिळाली होती.

कोणती माहिती लीक झाल्याचा संशय ?

तपासात समोर आलेल्या नोंदींमध्ये ग्राहकांशी संबंधित विविध प्रकारची वैयक्तिक माहिती असल्याचे म्हटले जाते. यामध्ये खालील माहितीचा समावेश आहे:

ग्राहकांची नावे आणि नोंदणीकृत मोबाईल क्रमांक
जन्मतारीख आणि ईमेल आयडी
घराचा पत्ता आणि लिंगाची माहिती
बँकेची शाखा आणि ग्राहक आयडी तपशील
कर्ज आणि लीड रेकॉर्डशी संबंधित काही माहिती

तुमचे पैसे सुरक्षित आहेत का?

एसबीआयने ग्राहकांना आश्वासन दिले आहे की त्यांच्या खात्यात जमा केलेली रक्कम सुरक्षित आहे. बँकेच्या म्हणण्यानुसार, या घटनेचा त्यांच्या कोअर बँकिंग कामकाजावर, आर्थिक कामगिरीवर किंवा व्यवसायाच्या सातत्यावर कोणताही मोठा परिणाम झालेला नाही.

PM Kisan 24th Installment : शेतकऱ्यांनो मोठी खूशखबर! 24 व्या हप्त्याची प्रतीक्षा संपली; ‘या’ तारखेला खात्यात जमा होणार पैसे