Share Market Today: गुंतवणूकदारांनो लक्ष द्या! बाजारात आजही घसरणीचे संकेत; तज्ज्ञांच्या रडारवर ‘हे’ 8 शेअर्स

Share Market Update: भारतीय शेअर बाजाराची सुरुवात आज सपाट किंवा नकारात्मक पातळीवर होण्याची शक्यता असल्याने तज्ज्ञांनी गुंतवणूकदारांना सावध राहण्याचा सल्ला दिला आहे. तसेच आजच्या व्यवहारात खरेदी करण्यासाठी काही स्टॉक्सची देखील शिफारस केली आहे.

• बाजाराची संथ सुरुवात: गिफ्ट निफ्टी ५४ अंकांनी घसरल्याने सेन्सेक्स-निफ्टीची सुरुवात सपाट ते नकारात्मक होण्याचे संकेत आहेत.
• मागील सत्रात घसरण: सेन्सेक्स ३०७ अंकांनी तर निफ्टी ९५ अंकांनी घसरून बंद झाला.
• तज्ज्ञांच्या रडारवर शेअर्स: आजच्या व्यवहारासाठी तज्ज्ञांनी विविध क्षेत्रातील ८ शेअर्समध्ये खरेदी-विक्रीच्या संधी सुचवल्या आहेत.

India Share Market Update: १ सप्टेंबर रोजी आज भारतीय शेअर बाजाराचे प्रमुख निर्देशांक, सेन्सेक्स आणि निफ्टी ५०, यांची सुरुवात सपाट ते नकारात्मक पातळीवर होण्याची शक्यता वर्तवण्यात आली आहे. गिफ्ट निफ्टीच्या ट्रेंडनेही भारतीय बेंचमार्क निर्देशांकाची सुरुवात संथ असल्याचे संकेत दिले. गिफ्ट निफ्टी, निफ्टी फ्युचर्सच्या मागील बंद भावापेक्षा ५४ अंकांनी घसरून सुमारे २४,१९७.५ अंकांवर व्यवहार करत होता.

Todays Gold-Silver Price: सप्टेंबरच्या पहिल्याच दिवशी सोन्याच्या दरात घसरण, चांदीचा भाव मात्र स्थिर; वाचा आजचा भाव

मागील सत्रात देशांतर्गत शेअर निर्देशांक नकारात्मक पातळीवर बंद झाले, तर बेंचमार्क निफ्टी ५० २४,१०० च्या पातळीखाली बंद झाला. सेन्सेक्स ३०७.२४ अंकांनी, म्हणजेच ०.४० टक्क्यांनी घसरून ७६,९५७.२७ वर बंद झाला, तर निफ्टी ५० ९५.२५ अंकांनी, म्हणजेच ०.३९ टक्क्यांनी घसरून २४,०८०.४० वर स्थिरावला.

मोतीलाल ओसवाल फायनान्शियल सर्व्हिसेस लिमिटेडच्या वेल्थ मॅनेजमेंट विभागातील डेरिव्हेटिव्हज अँड टेक्निकल्सचे प्रमुख, चंदन तापारिया यांनी आज गुंतवणूकदारांना खरेदी करण्यासाठी तीन स्टॉक्सची शिफारस केली आहे. चंदन तापारिया यांनी निवडलेल्या शेअर्समध्ये सोना बीएलडब्ल्यू प्रिसिजन फोर्जिंग्ज, ऑरोबिंदो फार्मा आणि ग्रासिम इंडस्ट्रीजचे शेअर्स यांचा समावेश आहे. चॉईस ब्रोकिंगचे कार्यकारी संचालक सुमीत बागडिया आज गुंतवणूकदारांना खरेदी करण्यासाठी लुमॅक्स ऑटो टेक्नॉलॉजीज, विजया डायग्नोस्टिक सेंटर, तामिळनाड मर्कंटाइल बँक, ईपीएल आणि सनसेरा इंजिनिअरिंग या पाच ब्रेकआउट शेअर्सची शिफारस केली आहे.

Real Estate Plot Investment : जमिनीत पैसे गुंतवणं सुरक्षित आहे? प्लॉट खरेदी करण्यापूर्वी ‘या’ महत्त्वाच्या गोष्टी जाणून घ्या

चॉईस ब्रोकिंगचे सुमीत बागडिया, आनंद राठीचे गणेश डोंगरे आणि प्रभुदास लिलाधरचे शिजू कुथुपालक्कल यांनी आजच्या व्यवहारात गुंतवणूकारांना खरेदी आणि विक्री करण्यासाठी आठ स्टॉक्सची शिफारस केली आहे. तज्ज्ञांनी निवडलेल्या या शेअर्समध्ये लेन्सकार्ट सोल्युशन्स, पिरामल फायनान्स, ब्लू स्टार, टीव्हीएस मोटर कंपनी, सिप्ला, फुजियामा पॉवर सिस्टम्स, ग्रीव्हज कॉटन, कॉम्प्युटर एज मॅनेजमेंट सर्व्हिसेस यांचा समावेश आहे. प्रभुदास लिलाधरच्या तांत्रिक संशोधन विभागाच्या उपाध्यक्ष वैशाली पारेख यांनी आज गुंतवणूकदारांना खरेदी आणि विक्री करण्यासाठी उज्जीवन स्मॉल फायनान्स बँक, बीएचईएल आणि सीएएमएस या शेअर्सची शिफारस केली आहे.

(टीपः वरील लेखातील माहिती वैयक्तिक विश्लेषक आणि तज्ज्ञांच्या आधारे देण्यात आली आहे. Navarashtra.com कोणताही दावा करत नाही. आम्ही गुंतवणूकदारांना गुंतवणूकीबाबत कोणताही निर्णय घेण्यापूर्वी प्रमाणित तज्ञांकडून शेअर्सबाबत विचारणा करण्याचा सल्ला देतो.)