Share Market Today: शेअर बाजारात भूकंप, सलग ९ व्या दिवशीही घसरणीत
Share Market Today Marathi News: आज आठवड्याच्या पहिल्या ट्रेडिंग दिवशी, सेन्सेक्स ५०० पेक्षा जास्त अंकांच्या घसरणीसह ७५,४३० च्या पातळीवर व्यवहार करत आहे. निफ्टी देखील १५० अंकांनी खाली आला आहे, तो २२,७७० च्या पातळीवर व्यवहार करत आहे.
सेन्सेक्सच्या ३० पैकी २४ शेअर्स खाली आहेत आणि ६ वर आहेत. निफ्टीच्या ५० समभागांपैकी ४१ खाली आहेत आणि ९ वर आहेत. एनएसई क्षेत्रीय निर्देशांकांमध्ये ऑटो सेक्टरमध्ये सर्वाधिक १.६९% घसरण झाली.
शेअर बाजारातील सलग ९ व्या दिवशी घसरणीदरम्यान, निफ्टी फार्मा आणि हेल्थ केअर वगळता सर्व क्षेत्रीय निर्देशांक लाल रंगात व्यवहार करत आहेत. निफ्टी आयटी, मेटल, पीएसयू बँक, ऑटो आणि आयटी टेलिकॉम निर्देशांकांमध्ये मोठी घसरण झाली आहे. बँक निफ्टी देखील सुमारे एक टक्क्याने खाली आहे. सेन्सेक्स आता ३१५ अंकांच्या घसरणीसह ७५६२३ वर आहे आणि निफ्टी ९१ अंकांच्या घसरणीसह २२८३८ वर आहे.
निफ्टीच्या टॉप लॉसर्सच्या यादीत, महिंद्रा अँड महिंद्रा ४.२९ टक्क्यांनी घसरून २८१६.४५ रुपयांवर आला आहे. एचडीएफसी लाईफ १.३१ टक्क्यांनी, हिरो मोटोकॉर्प १.२३ टक्क्यांनी, बीईएल १.१४ टक्क्यांनी आणि टाटा स्टील १.०९ टक्क्यांनी घसरले आहेत. तर, निफ्टीच्या टॉप गेनर लिस्टमध्ये सन फार्मा, सिप्ला, एशियन पेंट्स, बजाज फिनसर्व्ह आणि बजाज फायनान्सचे शेअर्स समाविष्ट आहेत. सध्या, एनएसईवर ९४ शेअर्स लोअर सर्किटमध्ये आहेत
सुरुवातीच्या व्यवहारातच बाजारात भूकंपाचे वातावरण दिसून आले. सेन्सेक्स ५२० अंकांनी घसरून ७५४१८ वर पोहोचला. तर, निफ्टी १६८ अंकांनी घसरून २२७६० वर पोहोचला आहे. शेअर बाजार सलग नवव्या दिवशी घसरत आहे . बीएसईचा बेंचमार्क निर्देशांक सेन्सेक्स आज २९७ अंकांनी घसरून ७५६४१ वर उघडला आणि एनएसईचा मुख्य सेन्सेक्स निर्देशांक निफ्टी ११९ अंकांनी घसरून २२८०९ वर उघडला.
शुक्रवारी भारतीय शेअर बाजार सलग आठव्या व्यापार सत्रात घसरणीसह बंद झाले, दोन वर्षातील ही सर्वात मोठी घसरण नोंदवली गेली. सेन्सेक्स १९९.७६ अंकांनी किंवा ०.२६ टक्क्यांनी घसरून ७५,९३९.२१ वर बंद झाला, तर निफ्टी ५० १०२.१५ अंकांनी किंवा ०.४४ टक्क्यांनी घसरून २२,९२९.२५ वर बंद झाला.
आशियाई बाजारात, कोरियाचा कोस्पी ०.७४% वर आहे. हाँगकाँगचा हँग सेंग ०.१६% घसरला आणि चीनचा शांघाय कंपोझिट निर्देशांक ०.०८३% वाढला.
१४ फेब्रुवारी रोजी परदेशी गुंतवणूकदारांनी (FIIs) ४,२९४.६९ कोटी रुपयांचे शेअर्स विकले. या कालावधीत, देशांतर्गत गुंतवणूकदारांनी (DIIs) ४,३६३.८७ कोटी रुपयांचे शेअर्स खरेदी केले.
१४ फेब्रुवारी रोजी अमेरिकेचा डाऊ जोन्स ०.३७% च्या घसरणीसह ४४,५४६ वर बंद झाला. एस अँड पी ५०० निर्देशांक ०.००७२% घसरून ६,११४ वर बंद झाला. नॅस्डॅक ०.४१% वाढला.
.png "Videos"){kind=small}
