Share Market Update: अखेर चार दिवसांची घसरण संपली! सेन्सेक्स ४२६ अंकांनी उसळी घेऊन ८४,८०० पार

गुरुवारी जागतिक बाजारातील मिश्र संकेतांमध्ये भारतीय शेअर बाजार उघडला. सकाळी सेन्सेक्स १२ अंकांच्या किंचित घसरणीसह ८४,३७९ वर होता आणि निफ्टी २ अंकांच्या कमकुवततेसह २५,७६२ वर होता.

• भारतीय बाजाराने दिला गुंतवणूकदारांना दिलासा
• मिडकॅप व स्मॉलकॅपमध्येही तेजी
• मिश्र जागतिक संकेतांनंतरही भारतीय बाजार मजबूत

 

Share Market Update: गुरुवारी भारतीय शेअर बाजार हिरव्या रंगात बंद झाला, सलग चार सत्रांच्या घसरणीचा सिलसिला अखेर संपला. व्यवहाराच्या शेवटी, सेन्सेक्स ४२६.८६ अंकांच्या किंवा ०.५१ टक्के वाढीसह ८४,८१८.१३ वर बंद झाला आणि निफ्टी १४०.५५ अंकांच्या किंवा ०.५५ टक्के वाढीसह २५,८९८.५५ वर बंद झाला. आज ऑटो आणि मेटल शेअर्सच्या तेजीने नेतृत्व केले. निफ्टी ऑटो १.११ टक्के वाढीसह आणि निफ्टी मेटल १.०६ टक्के वाढीसह बंद झाला. निफ्टी आयटी ०.८१ टक्के, निफ्टी पीएसयू बँक ०.५१ टक्के, निफ्टी फार्मा ०.९८ टक्के, निफ्टी रिअल्टी ०.७५ टक्के आणि निफ्टी इन्फ्रा ०.३७ टक्के वधारून बंद झाले.

हेही वाचा : स्मार्ट गॅस मीटरिंग सोल्युशन्स आणून ‘वी बिझनेस’ने IoT पोर्टफोलिओमध्ये केली भर; युटिलिटी सोल्युशन्समध्ये लीडरशिप मजबूत

लार्ज कॅप्ससोबतच, मिड कॅप्स आणि स्मॉल कॅप्समध्येही वाढ दिसून आली. निफ्टी मिडकॅप १०० निर्देशांक ५७०.३० अंकांनी किंवा ०.९७ टक्क्यांनी वाढून ५९,५७८.०५ वर पोहोचला आणि निफ्टी स्मॉलकॅप १०० निर्देशांक १३७.९० अंकांनी किंवा ०.८१ टक्क्यांनी वाढून १७,२२८.०५ वर पोहोचला. सेन्सेक्स पॅकमध्ये इटर्नल अर्थात झोमाटो, टाटा स्टील, कोटक महिंद्रा बँक, अल्ट्राटेक सिमेंट, मारुती सुझुकी, सन फार्मा, टेक महिंद्रा, एचडीएफसी बँक, इन्फोसिस, एम अँड एम, ट्रेंट, एचसीएल टेक आणि एचयूएल हे वधारून बंद झाले. एशियन पेंट्स, भारती एअरटेल, बजाज फायनान्स, पॉवर ग्रिड, अ‍ॅक्सिस बँक, आयसीआयसीआय बँक, टायटन आणि बजाज फिनसर्व्ह हे घसरणीचे शेअर्स होते.

एसबीआय सिक्युरिटीजचे टेक्निकल अँड डेरिव्हेटिव्ह्ज रिसर्चचे प्रमुख सुदीप शाह म्हणाले की, निफ्टीने सुरुवातीला कमकुवतपणा दाखवला परंतु नंतरच्या व्यवहारात तो मजबूत राहिला आणि २५,९०० च्या जवळ बंद झाला. त्यांनी पुढे असेही म्हटले की, २५,७५० ते २५,७३० हा झोन निफ्टीसाठी एक प्रमुख आधार आहे आणि जर निर्देशांक या पातळीपेक्षा खाली घसरला तर तो २५,७३० पर्यंतही घसरू शकतो. प्रतिकार पातळी २५,९५० ते २६,००० आहेत.

हेही वाचा : USD INR Exchange Rate: डॉलरच्या तुलनेत रुपया कमजोर! रुपया घसरून ९०.११ वर..; भारत-अमेरिका व्यापार चर्चेकडे गुंतवणूकदारांचे लक्ष

जागतिक पातळीवर मिश्र संकेतांमध्ये गुरुवारी भारतीय शेअर बाजार उघडला. सकाळी सेन्सेक्स १२ अंकांनी घसरून ८४,३७९ वर आणि निफ्टी २ अंकांनी घसरून २५,७६२ वर उघडला. आज ऑटो इंडेक्स १% पेक्षा जास्त वाढला. मीडिया, तेल आणि वायू निर्देशांकांमध्ये थोडीशी घसरण झाली, परंतु इतर सर्व निर्देशांक जोरदारपणे वर व्यवहार करत होते. तत्पूर्वी वरिष्ठ बाजार तज्ञ देवेन चोक्सी यांनी इशारा दिला की, देशांतर्गत शेअर बाजारातील मिड-आणि स्मॉल-कॅप समभागांमधील गोंधळ गुंतवणूकदारांना चिंतेत टाकत आहे. गुंतवणूकदारांनी सध्या या विभागांबद्दल सावधगिरी बाळगण्याची आवश्यकता आहे. देशांतर्गत बाजारात चांदी १,९१,८०० रु. या नवीन उच्चांकाला पोहोचली आहे. सोने ३०० रु. ने घसरून १,२९,७०० रु. च्या खाली बंद झाले, तर कच्च्या तेलाचा व्यवहार किंचित वाढले आहेत.