Digital Payments ला मोठा फटका! दुकानदारांनी घेतला निर्णय, 2 ऑक्टोबरला चालणार नाही UPI; काळ्या कपड्याने झाकणार QR कोड

No UPI On 2nd October : डिजिटल पेमेंटचा वापर करणाऱ्या ग्राहकांसाठी एक चिंताजनक बातमी समोर आली आहे. २ ऑक्टोबर गांधी जयंती दिवशी देशभरातील व्यापारी UPI सेवा बंद ठेवणार आहेत. दुकानांमधील QR कोड आणि साउंड बॉक्स काळ्या कपड्याने झाकून निषेध नोंदवणार आहेत.

• Digital Payments ला मोठा फटका!
• दुकानदारांनी घेतला निर्णय
• 2 ऑक्टोबरला चालणार नाही UPI

No UPI On 2nd October :  UPI पेमेंटवर सरकारने लावलेल्या MDR विरोधात देशभरात मोठ्या प्रमाणात विरोध होताना दिसत आहे. देशभरातील विविध भागांमध्ये व्यापाऱ्यांनी UPI टॅक्सविरोधात आंदोलन सुरु केलं आहे. याचा परिणाम आता संपूर्ण देशभरावर दिसून येणार आहे. फेडरेशन ऑफ ऑल इंडिया व्यापार मंडळ FAIVM आणि कॉन्फेडरेशन ऑफ ऑल इंडिया ट्रेडर्स CAIT यांसारख्या प्रमुख व्यापारी संघटनांनी आंदोलन पुकारलं आहे. २ ऑक्टोबरला गांधी जयंतीदिवशी नो UPI डे घोषित केला आहे. या दिवशी कोणाताही व्यापारी UPI पेमेंट स्वीकारणार नाही. नेमकी काय आहे परिस्थिती आणि याचा काय परिणाम होणार? ( No UPI On 2nd October ) 

अरे वाहह… Tax चं झंझटही होणार कमी, NRI कडून घर किंवा जमीन खरेदी करणे होणार सोपं! 1 ऑक्टोबरपासून बदलणार नियम

2 ऑक्टोबरला कोणत्याही दुकानात UPI पेमेंट स्विकारलं जाणार नाही. लोकांना फक्त रोकड किंवा कार्डचा वापर करता येणार आहे. याच्या माध्यामातूनच तुम्ही कोणतीही खरेदी करु शकता.

आंदोलन कशासाठी केलं जातंय?

व्यापारी UPI पेमेंटवरील 0.4 % मर्चंट डिस्काऊंट रेट म्हणजेच MDR शुल्काविरोधात आंदोलन करत आहेत. हे आंदोलन यासाठी केलं जातंय की पेट्रोल, डिझेल, किराणा सामान, इलेक्ट्रॉनिक्स आणि धान्यावरील नफा आधीच खूप कमी मिळतो. या नवीन कर प्रणालीमुळे आर्थिक भार आणखीनच वाढणार आहे. इंदर रिटेल गारमेंट्स असोसिएशनने आधीच इशारा दिला आहे की जर १५ ऑक्टोबरपूर्वी हा निर्णय मागे घेतला गेला नाही, तर युपीआय क्यूआर कोड मशीन थेट पाण्यात फेकून देतील.

सरकारच्या MDR संबंधित घेतलेल्या या निर्णयामुळे व्यावसायिक बरेच संतप्त झाले आहेत. २३ सप्टेंबर रोजी भोपाळ, इंदूर, जबलपूर आणि ग्वाल्हेरसारख्या मध्य प्रदेशातील शहरांमधील जवळपास १२५ व्यावसायिक संघटनांनी ‘नो यूपीआय डे’ पाळला आहे. याचा राज्यभरातील सुमारे २५% व्यवसायावर परिणाम झाला आहे. महाराष्ट्र चेंबर ऑफ कॉमर्स MACCIA आणि पेट्रोल पंप डीलर्स असोसिएशनदेखील या आंदोलनाला जोरदार पाठिंबा दिला आहे.

Mumbai, Maharashtra: President, MACCIA, Ravindra Mangave says, “The MDR charge imposed on UPI is an issue of concern. Because of UPI, the country has adopted a digital payment system, and UPI is our country’s digital pride. However, in protest against the MDR being imposed on… pic.twitter.com/XygLqEAKYI — IANS (@ians_india) September 23, 2026

‘नो यूपीआय’ दिवसाच्या समर्थनार्थ व्यापारी पुढे

एका वृत्तानुसार, MACCIA चे अध्यक्ष रवींद्र मांगवे यांनी सांगितले की, २ ऑक्टोबर हा ‘नो यूपीआय दिन’ म्हणून पाळला जाईल. ते म्हणाले, “आम्ही देशभरातील सर्व व्यापारी संघटनांशी बोललो आहोत आणि केवळ महाराष्ट्रच नाही, तर इतर राज्यांनीही ‘नो यूपीआय दिन’ पाळण्याचा निर्णय घेतला आहे.” त्यांनी असेही सांगितले की, मॅक्सिया आणि तिच्याशी संलग्न ५०० संघटना आपल्या मागण्या मांडण्यासाठी मुख्यमंत्र्यांची भेट घेण्याची योजना आखत आहेत.

मांगवे पुढे म्हणाले की, “फेडरेशन ऑफ रिटेल ट्रेडर्स वेल्फेअर असोसिएशन FRTWA, ऑल इंडिया कंझ्युमर प्रॉडक्ट्स डिस्ट्रिब्युटर्स फेडरेशन AICPDF, ऑल इंडिया मोबाईल रिटेलर्स असोसिएशन AIMRA, ऑल इंडिया ज्वेलर्स अँड गोल्डस्मिथ्स फेडरेशन AIJGF आणि ऑल इंडिया एडिबल ऑइल ट्रेडर्स फेडरेशन AIEOTF या देशातील काही महत्त्वाच्या संघटना आहेत, ज्या २ ऑक्टोबर रोजीच्या ‘नो यूपीआय दिना’ला पाठिंबा देतील.”

गदारोळ माजवणारा MDR काय आहे?

MDR हे डिजिटल पेमेंट स्वीकारण्यासाठी व्यापाऱ्यांकडून आकारले जाणारे प्रक्रिया चार्जेस आहेत. जेव्हा तुम्ही दुकानात क्यूआर कोड स्कॅन करून किंवा कार्ड स्वाइप करून पेमेंट करता, तेव्हा ग्राहकाच्या बँक खात्यातून दुकानदाराच्या खात्यात पैसे पाठवले जातात. ही एक संपूर्ण डिजिटल नेटवर्क कार्यरत असते. या डिजिटल पायाभूत सुविधांच्या विकासासाठी आणि सुरक्षेच्या देखभालीसाठी येणाऱ्या खर्चाला MDR म्हणतात.

सरकारच्या नवीन निर्णयानुसार, १५ ऑक्टोबरपासून, ₹२,००० पेक्षा जास्त रकमेच्या पीअर-टू-मर्चंट P2M यूपीआय व्यवहारांवर ०.४०% शुल्क आकारले जाईल, ज्याची कमाल मर्यादा ₹३०० असेल. याचा अर्थ असा की, व्यवहार ₹१ लाख असो वा ₹१० लाख, व्यापाऱ्यांना ₹३०० पेक्षा जास्त शुल्क आकारले जाणार नाही. कराची रक्कम केवळ ₹३०० वर गोठवली जाईल.

Luxury Housing Market : आलिशान घरांच्या यादीत मुंबईचा जगात डंका! Top 10 मध्ये मिळवलं स्थान; नंबर 1 कोण?