Share Market Today: गुंतवणूकदारांनो लक्ष द्या! या शेअर्समध्ये होऊ शकते मोठी हालचाल, तज्ज्ञांनी दिले महत्त्वाचे संकेत

Share Market Update: भारतीय शेअर बाजाराचे प्रमुख निर्देशांक सपाट पातळीवर उघडण्याची शक्यता वर्तवण्यात आली आहे. बजाज ऑटो, इन्फो एज आणि ऑरोबिंदो फार्मा फ्युचर्समध्ये खरेदीची संधी असल्याचे तज्ज्ञांचे मत आहे.

• गिफ्ट निफ्टी सुमारे ६२ अंकांनी घसरल्याने बाजाराची सुरुवात सपाट ते नकारात्मक होण्याचे संकेत आहेत.
• म्फासिस, जिंदाल स्टेनलेस आणि रेन इंडस्ट्रीज या तीन शेअर्सवर तज्ज्ञांनी आज लक्ष ठेवण्याचा सल्ला दिला आहे.
• बजाज ऑटो, इन्फो एज आणि ऑरोबिंदो फार्मा फ्युचर्समध्ये खरेदीची संधी असल्याचे तज्ज्ञांचे मत आहे.

India Share Market Update: भारतीय शेअर बाजाराचे प्रमुख निर्देशांक, सेन्सेक्स आणि निफ्टी ५०, बुधवार, २ सप्टेंबर रोजी सपाट पातळीवर उघडण्याची शक्यता वर्तवण्यात आली आहे. गिफ्ट निफ्टीच्या ट्रेंडनेही भारतीय बेंचमार्क निर्देशांकाची सुरुवात संथ असल्याचे संकेत दिले. गिफ्ट निफ्टी, निफ्टी फ्युचर्सच्या मागील बंद भावापेक्षा ६२.३ अंकांनी घसरून सुमारे २४,०२८ वर व्यवहार करत होता.

Todays Gold-Silver Price: सोन्याच्या बाजारात मोठी उलथापालथ; किंमतीत तब्बल इतक्या रुपयांची घट, चांदीही झाली स्वस्त

मागील सत्रात देशांतर्गत शेअर निर्देशांक घसरणीसह बंद झाले, बेंचमार्क निफ्टी ५० २४,१०० च्या खाली बंद झाला. सेन्सेक्स १२.९९ अंकांनी, म्हणजेच ०.०२ टक्क्यांनी घसरून ७६,९४४.२८ वर बंद झाला, तर निफ्टी ५० २४.६० अंकांनी, म्हणजेच ०.१० टक्क्यांनी घसरून २४,०५५.८० वर स्थिरावला. (फोटो सौजन्य: Pinterest) 

प्रभुदास लिलाधरच्या तांत्रिक संशोधन विभागाच्या उपाध्यक्ष वैशाली पारेख यांनी आजच्या व्यवहारात गुंतवणूकारांना खरेदी आणि विक्री करण्यासाठी तीन स्टॉक्सची शिफारस केली आहे. ज्यामध्ये म्फासिस, जिंदाल स्टेनलेस आणि रेन इंडस्ट्रीज यांचा समावेश आहे. आजच्या व्यवहारात भारतीय शेअर बाजारातील गुंतवणूकदार हीरो मोटोकॉर्प, रिलायन्स इंडस्ट्रीज, अदानी ग्रीन एनर्जी, टाटा मोटर्स, विप्रो, ग्लँड फार्मा, एनएमडीसी, टेक्समॅको रेल अँड इंजिनिअरिंग, एल अँड टी फायनान्स, वेल्सपन कॉर्प या शेअर्सवर लक्ष केंद्रीत करू शकतात.

August GST Collection : GDP च्या मजबूत आकडेवारीनंतर GST कलेक्शनमध्येही मोठी झेप! ऑगस्टमध्ये जमा झाले लाखो कोटी

आयसीआयसीआय सिक्युरिटीजचे उपाध्यक्ष आणि डेरिव्हेटिव्हज व क्वांट रिसर्च प्रमुख जय ठक्कर यांनी येत्या काळात गुंतवणूकदारांना खरेदी करण्यासाठी बजाज ऑटो फ्युचर्स, इन्फो एज फ्युचर्स आणि ऑरोबिंदो फार्मा फ्युचर्सची शिफारस केली आहे.

(टीपः वरील लेखातील माहिती वैयक्तिक विश्लेषक आणि तज्ज्ञांच्या आधारे देण्यात आली आहे. Navarashtra.com कोणताही दावा करत नाही. आम्ही गुंतवणूकदारांना गुंतवणूकीबाबत कोणताही निर्णय घेण्यापूर्वी प्रमाणित तज्ञांकडून शेअर्सबाबत विचारणा करण्याचा सल्ला देतो.)